Luqa 18:13 - Ṯarifiṯ 2020

¹³ Walakin wenni ijemmƹen ḍḍariba ibedd ɣar ȓeggwaj. War izƹim ḥetta aḏ iysi ṯiṭṭawin nnes ɣar ujenna, iccaṯ ḏeg wuȓ nnes inna: Ya Arebbi, rḥem-ayi nec ḏ lƹaṣi!

Luqa 18:13 Kruisverwysings

Matta 10:3

ḏ Filippas, ḏ Bartulumay, ḏ Tuma, ḏ Matta zeg iƹeccaren, ḏ Yaƹqub mmis n Ḥalfa, ḏ Taddi,

Matta 6:5

Xmi ɣa ṯeẓẓaǧem, war tiȓim ca am lmunafiqin iy texsen aḏ ẓẓaǧen amen bedden ḏi ṯemziḏawin ḏ ṯɣemmura n znaqi ḥima aṯen ẓren yiwḏan. Aqa tesȓam ȓḥaqq: War ɣarsen itiȓi bu lʼajar.

Matta 9:13

Ruḥem rzum x ȓmaƹna n lʼaya iy iqqaren: Xseɣ aḏ treḥmem iwḏan, war xseɣ bu aḏ tɣarṣem i ȓebhayem." Inna-asen: "War d usiɣ ca aḏ ȓaɣiɣ i yinni iǧan nican, usiɣ-d aḏ ȓaɣiɣ i yinni iƹeṣṣan!"

Marqus 11:25

Kenniw xmi ɣa ṯbeddem aḏ teẓẓaǧem, meȓa ɣarwem ca n lƹadawa ak can yijjen semḥem-as ḥima Babaṯwem iǧan ḏeg ujenna aḏawem iɣfar ddnub nwem.

Luqa 17:12

Yuḏef ɣar yijjen n dcar yufa ḏinni ƹecra n iryazen ḏaysen jḏam. Bedden ɣar ȓeggwaj

Luqa 22:41

Ibeƹƹeḏ xasen cwayt, isejjeḏ ɣar ṯmurṯ ibḏa itettar i Arebbi.

Luqa 23:48

Marra iwḏan iy ḏinni imunen wami ẓrin min iweqƹen, trewwaḥen-d ccaṯen ḏeg wuȓawen nsen.

Luqa 5:8

Simƹan Buṭrus wami iẓra manaya yusa-d iwḍa ɣar iḍaren n Ƹisa inna-as: "A Siḏi, beƹƹeḏ xafi nec ḏ lƹaṣi."

Ȓexḏayem 2:37

Iwḏan nni wami sȓin i wawaȓ-a, uȓawen nsen cemḍen. Kkaren nnan-as i Buṭrus ḏ arrusul nneɣni: "Ay ayṯma, min ɣa negg?"

Ayṯ-Ruma 5:8

Walakin neccin tuɣaneɣ ƹaḏ nƹeṣṣa Arebbi wami immuṯ xaneɣ Lmasiḥ. S manayenni isbeyyen-aneɣ-d Arebbi mecḥaȓ ḏaneɣ itexs.

2 Ayṯ-Kurinṯ 7:11

Fekkareṯ kenniw ḏi min ḏaywem d itarew uxiyyeq-a zi Arebbi. Iƹni mecḥaȓ tḥawaȓem s wuȓ ṯrezzum aḏ tḥellem manaya ḏeɣya. Iƹni mecḥaȓ ṯnedmem mecḥaȓ ṯenxeȓƹem, ḏaywem ijjen n mezȓi ḏ ṯiggwḏi. Iƹni mecḥaȓ ṯeswejḏem aḏ tḥekmem nican. Min ma iǧan ḏi ṯmesȓayṯ-a kenniw war ḏaywem bu ȓƹib.

1 Timutawus 1:15

Aqa ijjen n wawaȓ ḏayes ttiqeṯ u labud aḏ itwaqbeȓ marra, iƹni Ƹisa Lmasiḥ yusa-d ɣar ddunect-a bac aḏ isenjem yinni iƹeṣṣan, zzaysen nec ig iǧan ḏ lƹaṣi ḏ ameqqran xasen marra.

Iƹibraniyen 4:16

Falihaḏa a nqarreb s zƹameṯ ɣar ȓƹarc n Arebbi ḏayes arḍa bac a naf ḏinni arraḥmeṯ ḏ yijjen n arḍa iy ḏaneɣ ɣa iƹawnen ḏi ȓweqṯ n uḥḏaji nneɣ.

Iƹibraniyen 8:12

Aqa nec aḏasen ɣfareɣ i ccarr nsen, ȓmuƹṣiyaṯ nsen war ḏaysent tfekkareɣ ca ƹaḏ.>