Luqa 17:29 - Ṯarifiṯ 2020

²⁹ Walakin ḏi nhar nni iy ḏi iffeɣ Luṭ zi ṯendint n Sadum ṣafi isehwa-d xasen Arebbi ṯimessi ḏ izra issecmaḍen zeg ujenna, inɣi-ṯen marra.

Luqa 17:29 Kruisverwysings

Luqa 17:28

Ƹaweḏ mammec iwqeƹ ḏi ȓiyyam n Luṭ: Iwḏan tuɣa tetten sessen, ssaɣen znuzan, teẓẓun bennan.

Luqa 17:30

Amenni iy ɣa iweqƹen ḏi Nhar nni iy ḏi d ɣa imeḍhar Mmis n bnaḏem.

2 Buṭrus 2:6

Iƹaqeb ƹaweḏ Arebbi ṯandint n Sadum ḏ ṯendint n Ƹamura issecmeḍ-iṯent yarri-ṯent ḏ ṯaƹejjajṯ n yiɣɣeḏ [=ṯnifesṯ] waha, iggi-ṯent ḏ lƹibra x min itrajan i yinni war ḏas itṭiƹin ca.

Yahuḏa 1:7

Ammu ƹaweḏ iy ggin imezḏaɣ ḏi ṯendint nni n Sadum ḏ ṯendint nni n Ƹamura ḏ ibilajen nni iy ḏasent-id innḍen. Sellmen ixef nsen i lfasad ḏ ccehweṯ nni maci ṭṭabiƹi. Iƹni niṯni iggi-ṯen Arebbi ḏ lƹibra, twaƹaqben s yijjen n lƹiqab n ṯmessi war ifennin ca ƹemmarṣ.

Lwaḥi 11:8

Aḏ teqqim ddat nsen ḏi ccariƹ n ṯendint ṯameqqrant umi qqaren s ȓmaƹna Sadum niɣ Miṣra iƹni mani itwaṣelleb Siḏiṯsen.

Lwaḥi 14:10

ataf aḏ isew zeg waman uḍiȓ iqesḥen ig iǧan ḏ aɣḍab n Arebbi iƹni ḏ ȓkas n lƹiqab nnes. Aḏ iƹeddeb s ṯmessi ḏ ȓekbriyeṯ zzaṯ i lmalaʼikaṯ iṣfan ḏ Yizmar.

Lwaḥi 19:20

Itwaṭṭef ȓwaḥc ḏ ameḥbus, akiḏes wenni itarran ixef nnes ḏ nnabi iy tuɣa iteggen lmuƹjizaṯ zzaṯ i ȓwaḥc. S lmuƹjizaṯ nni ixḏeƹ yinni iy ḏi iǧa ṭṭabaƹ n ȓwaḥc tsejjaḏen-as i lʼaṣnam nnes. Ȓwaḥc ḏ wenni itarran ixef nnes ḏ nnabi menḍaren s ṯnayen iḏsen ḏi ȓebḥar n ṯmessi ireqqen s ȓekbriyeṯ u niṯni aqaṯen ƹaḏ s buḥbeȓ nsen.