Luqa 17:22 - Ṯarifiṯ 2020

²² Inna-asen i imeḥḍaren nnes: "Aḏ d asent ȓiyyam aḏaysent ṯrezzum aḏ teẓrem ijjen n nhar zi nhuraṯ n Mmis n bnaḏem walakin war ṯ tẓerrem ca.

Luqa 17:22 Kruisverwysings

Matta 9:15

Inna-asen Ƹisa: "Imeddukaȓ n muȓay, ma zemmaren aḏ xeyyqen ḏi nhar nni n ȓfarḥ nnes? Lla, walakin aḏ d asen wussan aḏ imeysi muȓay zi ȓwesṭ nsen. Ȓexddenni aḏ ẓummen!

Marqus 2:20

Walakin aḏ d asen wussan aḏ imeysi muȓay zi ȓwesṭ nsen, ȓexddenni aḏ ẓummen ḏi nhar nni.

Luqa 13:35

Aqa ṯaddarṯ nwem aḏ texȓa! Aḏawem iniɣ belli war ḏayi ṯẓerrem ca ƹaweḏ ḥetta aȓ nhar nni iy ɣa ṯinim: Ssaƹḏ ya wenni iy d yusin ƹlaḥsab isem n Siḏi Arebbi."

Luqa 5:35

Inna-asen: "Lla, walakin ƹaḏ aḏ d asen wussan aḏ imeysi muȓay zi ȓwesṭ nsen, ȓexddenni aḏ ẓummen ḏeg wussan nni."

Yuḥanna 12:35

Inna-asen Ƹisa: "Ḏrust n ȓweqṯ iy kiḏwem itiȓi nnur. Uyurem madama ƹaḏ ɣarwem nnur-a ḥima war xawem d ṯḥarreṯ ṯaǧest. Wenni igguren ḏi ṯaǧest war issin mani iggur.

Yuḥanna 13:33

A ṯarwa inu, ṯeqqim ḏrust n ȓweqṯ bac aḏ iȓiɣ akiḏwem. Axafi ṯrezzum. Min nniɣ nec i israʼiliyen aḏawem t iniɣ ȓexxu i kenniw: Mani ɣa raḥeɣ nec, war ṯzemmarem ca aḏ d tasem ḏinni.