Luqa 16:9 - Ṯarifiṯ 2020

⁹ Nec aḏawem iniɣ: Ggem imeddukaȓ zi ȓewsex n ddunect-a. Ataf xmi ɣa itwaqḍa aḏ twaqebȓem ḏi ṯuḏrin n ȓebda.

Luqa 16:9 Kruisverwysings

Matta 19:21

Inna-as Ƹisa: "Meȓa ṯexseḏ aḏ teggeḏ kuȓci nican, ruḥ zenz marra min ɣarek ḏ agȓa ṣeddeq-iṯ x ȓmusakin. Ssenni aɣarek yiȓi ijjen n ȓkenz ḏeg ujenna, ȓexddenni araḥ-d cek ḏfar-ayi-d."

Matta 6:19

War snuffureṯ ca ȓkenz nwem ḏi ddunect-a mani yarecca tettent-ṯ ṯkeccawin ḏ mani ǧan iceffaren ccaṯen nqabeṯ tacaren-ṯ.

Matta 6:24

War izemmar can yijjen aḏ yiȓi ḏ axeddam ɣar ṯnayen n siyaḏis. Mayemmi? Ima ijjen aṯ iƹiff, ijjen aṯ ixes. Niɣ ijjen aḏayes iṭṭef, ijjen aṯ iḥeggar. Aḏ txeḏmem i Arebbi niɣ aḏ txeḏmem i ȓewsex n ddunect-a, war iǧi bu s ṯnayen.

Luqa 11:41

Ṣeddqem min ḏaywem ɣar ḏaxeȓ, ataf marra aḏ iḏweȓ isireḏ i kenniw.

Luqa 12:33

Zenzeṯ agȓa nwem, ṣeddqem-ṯ. Ggeṯ ṯicemmusin n tmenyaṯ iy war ifennin ca niṯenti ḏ ijjen n ȓkenz ḏeg ujenna war iqeṭṭin ca. War itqarrib ca ḏinni uceffar, ṯikeccawin war ṯ tettent ca.

Luqa 14:14

Ssaƹḏ nnec ƹlaḥeqqac war ɣarsen minzi c ɣa xeǧsen. Ataf aḏac itwaxȓef ḏi Nhar nni xmi d ɣa kkaren zi ȓmewṯ yinni iǧan nican."

Luqa 16:11

Meȓa war ḏaywem bu ȓaman x ȓewsex n ddunect-a, wi ḏaywem ɣa iggen ȓaman x wagȓa n ṣṣaḥ?

Luqa 16:13

War izemmar aḏ yiȓi can yijjen ḏ axeddam ɣar ṯnayen n siyaḏis. Mayemmi? Ima ijjen aṯ iƹiff, ijjen aṯ ixes. Niɣ ijjen aḏayes iṭṭef, ijjen aṯ iḥeggar. Aḏ txeḏmem i Arebbi niɣ aḏ txeḏmem i ȓewsex n ddunect-a, war iǧi bu s ṯnayen."

Luqa 16:4

Uca inna: Ssneɣ min ɣa ggeɣ. Meȓa ikkes-ayi lwakala, ataf azzayi reḥḥben yiwḏan ɣar ṯuḏrin nsen.

Ȓexḏayem 10:31

Iqqar-ayi-d: A Kurninyus! Qa Arebbi istajeb-ac i ṯẓaǧiṯ nnec, ṣṣaḏaqa nnec ifekkar ḏayes.

Ȓexḏayem 10:4

Ixzar ḏayes Kurninyus mliḥ iggweḏ inna-as: "A siḏi, min ṯrezzuḏ?" Inna-as lmalak nni: "Qa ṯẓaǧiṯ nnec ḏ ṣṣaḏaqa nnec aqa iqbeȓ-iṯent zzayek Arebbi, netta qa ifqeḏ-icek.

2 Ayṯ-Kurinṯ 4:17

Cuf, ȓemḥayen nneɣ fsusent traḥent tasent-id ḏeɣya, sewjaḏent-aneɣ ɣar yijjen n lƹaḍama ḏ ṯameqqrant bȓa ȓeqyas.

Yahuḏa 1:21

Itxeṣṣa aḏ teqqimem ḏi ȓemḥibbeṯ n Arebbi aḏ trajam arraḥmeṯ nni n Siḏiṯneɣ Ƹisa Lmasiḥ ṯenni iy kenniw itawin ɣar ṯuḏarṯ nni war ifennin ca ƹemmarṣ.