Luqa 16:25 - Ṯarifiṯ 2020

²⁵ Inna-as Brahim: Ƹqeȓ a mmi inu, cek ṯeysiḏ ȓḥaqq nnec zi ȓxir ḏi ṯuḏarṯ nnec, Liƹazar iƹic mƹaddeb. Ȓexxu netta aqaṯ ḏa mliḥ, cek aqac ḏi ȓaƹḏab.

Luqa 16:25 Kruisverwysings

Matta 27:63

Nnan-as: "Neccin neƹqeȓ a siḏi belli wami tuɣa iddar uɣeddar nni inna-d menbaƹd i ṯeȓtiyyam nec aḏ d kkareɣ zi ȓmewṯ."

Marqus 9:45

Meȓa ḍar nnec itsebbab-ac ḏi can ȓefḍiḥeṯ, qess-iṯ zaƹma. Ḥsen i cek aḏ taḏfeḏ jjenneṯ s yijjen n uḍar zi meȓa qqimen ɣarek ṯnayen n iḍaren aḏ tmenḍareḏ ḏi jahennama.

Luqa 16:20

Ḏinni ƹaweḏ ijjen nneɣni netta ḏ ȓmeskin waha qqaren-as Liƹazar, ḏayes aṭṭas n ṯḥebba netta itmenḍar ɣar ṯewwarṯ n ttajar nni.

Luqa 16:23

Isiȓi ttajar ṯiṭṭawin nnes itƹeddab ḏi Ljaḥim, iẓra Brahim ḏ Liƹazar akiḏes aqaṯen ḏi ȓeggwaj.

Luqa 16:26

U ƹaweḏ ḏinni ijjen n ȓaǧeɣ yuǧeɣ jaraneɣ. Ijjen ssanita meȓa ixes aɣarwem d iƹḏu war izemmar ca. Ijjen ssenni meȓa ixes aɣarneɣ d iƹḏu war izemmar ca.

Luqa 6:24

Walakin, ya ȓefḍiḥeṯ nwem a twajar, minzi ṯƹicem min ṯƹicem.

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Ȓexḏayem 14:22

Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Ayṯ-Ruma 8:7

Aqa ȓxaḍar ixeddmen ḏi ṯmesȓayin n ṭṭabiƹa ṯaƹeffant n bnaḏem itƹarraḍ Arebbi. War iṭṭiƹi ca i ccariƹa n Arebbi, u ḏ ṣṣaḥ war izemmar ca.

Ayṯ-Filippas 3:19

Aneggaru nsen aḏ itwamḥa. Arebbi nsen netta ḏ aƹeddis nsen. Semɣaren ixef nsen s ȓefḍayeḥ nsen. Ȓaƹquȓaṯ nsen nnuɣen ḏi ṯmesȓayin n ddunect-a.

1 Ayṯ-Salunik 3:3

Nessekk-iṯ ḥima uȓa ḏ ijjen war iterjiji ca s ȓemḥayen-a nwem; Aqa ṯessnem belli manaya iy xaneɣ yurin.

Iƹibraniyen 11:25

Ixḍar axas buṣaren imiṣriyen ak ccaƹb n Arebbi, war iqbiȓ ca aḏ ifareḥ ḏeg ufelles nni war itdumin ca.

1 Yuḥanna 2:15

War texsem ca dduncet-a niɣ ḏ min ḏayes iǧan. Wenni itexsen ddunect-a ataf ȓemḥibbeṯ n Arebbi war ḏayes ṯeǧi ca.

Lwaḥi 7:14

Jawbeɣ-ṯ nniɣ-as: "Ḏ cek iy issnen a Siḏi." Inna-ayi: "Yina ḏ yinni inejmen zi ȓmiḥneṯ ṯameqqrant, ṣebbnen ičammiren nsen s iḏammen n Yizmar arrin-ṯen ḏ icemȓaȓen.