Luqa 16:22 - Ṯarifiṯ 2020

²² Ṣafi immuṯ ȓmeskin nni, ysint-ṯ lmalaʼikaṯ sersent-ṯ x ufuḏ n Brahim. Ƹaweḏ immuṯ ttajar nni ysin-ṯ neḍȓen-ṯ.

Luqa 16:22 Kruisverwysings

Matta 18:10

Ɣarwem aḏ tḥeggarem can ḥadd zeg imezyanen-a. Qqareɣ-awem: Lmalaʼikaṯ nsen ḏeg ujenna ȓebda xezzarent Baba iǧan ḏeg ujenna.

Matta 24:31

Aḏ iṣuḍ ijjen n zzammar ḏ ameqqran, aḏ d issekk lmalaʼikaṯ nnes ɣar arbeƹa n imucan n ṯmurṯ manis d itekk arriḥ: zi ccarq ḏ lɣarb ḏ ljanub ḏ ccamal. Aḏ d ismun yinni ixḍar zi ȓaḥedd n ujenna aȓ ȓaḥedd nnes nneɣni.

Matta 8:11

Aqa qqareɣ-awem: Aḏ d asen aṭṭas n yiwḏan zi ccarq ḏ ȓɣarb aḏ qqimen ak Brahim ḏ Isḥaq ḏ Yaƹqub ɣar missa ḏi ȓmulk ujenna.

Marqus 8:36

Mizi ɣa ṯenfeƹ bnaḏem meȓa irbeḥ ddunect-a qaƹ, wa ixsar ȓaƹmar nnes?

Luqa 12:20

Walakin inna-as Arebbi: Ay afɣuȓ! Umi ṯsewjaḏeḏ manaya? Ḏi ǧiȓeṯ-a ṯanita aḏ itwaffeɣ buḥbeȓ nnec.

Luqa 16:21

Itmenna aḏ icc min iweṭṭan zi missa n ttajar nni. Arnin-as uȓa ḏ iqzinen tasen-d ȓessḥen-as ṯiḥebba nnes.

Yuḥanna 1:18

Uȓa ḏ ijjen war iẓri Arebbi ƹemmarṣ. Mmis waḥḏes ig iǧan ḏeg wuȓ n Babas ḏ netta iy ḏaneɣ d ismeḍharen Siḏi Arebbi.

Yuḥanna 13:23

Ḏinni ijjen n umeḥḍar nnes iƹizz xas x Ƹisa aṭṭas, netta iqqim ak uɣezḏis nnes.

Yuḥanna 21:20

Ineqȓeb Buṭrus yufa iḏeffar-iṯen-d umeḥḍar nni iƹizzen x Ƹisa aṭṭas, iƹni wenni tuɣa iqqimen ɣar uɣezḏis n Ƹisa ḏeg umensi nni inna-as: A Siḏi, min iƹna wenni c ɣa izzenzen?

Iƹibraniyen 1:14

Lmalaʼikaṯ, niṯenti min ƹnant? Niṯenti ḏ arruḥaṯ twassekkent-id aḏ sexxarent i yinni iy ɣa iwarṯen asenjem.

Iƹibraniyen 2:14

Iḏen ṯarwa-ya niṯni ḏ iwḏan ḏaysen marra aysum ḏ iḏammen. X manaya Ƹisa uȓa ḏ netta ḏayes ṯimesȓayin-a. Ammu s ȓmewṯ nnes isbeṭṭeȓ zzaƹim n ȓmewṯ iƹni ḏ Ibȓis.

Yaƹqub 1:11

Tsummar-d ṯfuct, s ȓeḥmu nnes issecmaḍen tsazzaɣ arbiƹ, iweṭṭa nwar nnes itraḥ zzin nnes. Ammu iy ḏas itewqiƹ i ttajar-a, netta itisraw axmi ixeddem ccɣeȓ nnes.

1 Buṭrus 2:24

Netta s yixef nnes iysi ȓmuƹṣiyaṯ nneɣ ḏi ddat nnes x ṯeḥnact nni ḥima a nemmeṯ neccin s wuȓawen nneɣ i ȓmuƹṣiyaṯ, a neddar i min iǧan nican. Aqa s ujarriḥ nnes iy zi ṯgenfam kenniw.

Lwaḥi 14:13

Sȓiɣ i yijjen n ṯmijja zeg ujenna ṯeqqar: "Ari manaya: Ssaƹḏ n imettinen iy ɣa immṯen ssa aȓ ṯsawent umnen zi Siḏiṯneɣ." Arruḥ n Arebbi iqqar: "Wah, ḥima aḏ reyyḥen zi tamara nsen ȓaḥeqqac ḏeffarent-ṯen lḥasanaṯ nsen."