Luqa 16:2 - Ṯarifiṯ 2020

² Ikkar ssiyyed nni iȓaɣa-d xas inna-as: Min xak tesȓiɣ? Uc-ayi-d ȓeḥsab iǧan jaraneɣ. Zi nhara aȓ ṯsawent war tɣimiḏ ca aḏ tiȓiḏ ḏ aweqqaf inu.

Luqa 16:2 Kruisverwysings

Matta 12:36

Aḏawem iniɣ: Aqa Yum Lḥisab ḏ Lƹiqab aḏ twaḥasben yiwḏan x mkuȓ awaȓ ixwan iy ssiwȓen.

Matta 20:8

Wami ṯeɣȓi ṯfuct, inna-as bab n umarjeƹ i uweqqaf nnes: Ȓaɣa-d i ixeddamen xeǧes-iṯen. Bḏa zeg yinni iy d yusin ḏ ineggura ƹaḏ i imezwura.

Luqa 12:20

Walakin inna-as Arebbi: Ay afɣuȓ! Umi ṯsewjaḏeḏ manaya? Ḏi ǧiȓeṯ-a ṯanita aḏ itwaffeɣ buḥbeȓ nnec.

Luqa 12:42

Yarra xas Siḏiṯneɣ inna-as: "Iwa min iƹna uweqqaf nni iǧan ḏ amiɣis ḏayes ȓaman? Netta ḏ wenni ig itkellaf siḏes aḏasen yuc lmakla i ixeddamen nnes ḏi ȓweqṯ nican.

Luqa 16:1

Ƹisa inna-asen ƹaweḏ i imeḥḍaren nnes: "Ijjen n ssiyyed ḏ ttajar ɣares aweqqaf. Ucin-as ȓexbar x uweqqaf nnes iḍeyyeƹ-as aṭṭas n tmenyaṯ.

Luqa 16:3

Inna uweqqaf ḏi nnefs nnes: Min ɣa ggeɣ? Ȓexxu bab n ci aḏayi ikkes lwakala. Nec war ḏayi bu jjheḏ aḏ neqceɣ, aḏ seḏḥiɣ aḏ ttareɣ.

Ayṯ-Ruma 14:12

Falihaḏa, mkuȓ ijjen zzayneɣ aḏ itwaḥaseb zzaṯ i Arebbi.

1 Ayṯ-Kurinṯ 1:11

Ay ayṯma, arriɣ-d ȓexbar zi ṯeddarṯ n Kluwi tmenɣam jarawem.

1 Ayṯ-Kurinṯ 4:2

U labud yinni itkellafen itxeṣṣa aḏaysen ṯiȓi ttiqeṯ.

1 Ayṯ-Kurinṯ 4:5

X manaya war qqarem walu x ȓḥukem qbeȓ ȓweqṯ, iƹni qbeȓ iy d ɣa yas Siḏiṯneɣ. Ḏ netta iy ɣa isbeyynen ṯimesȓayin nni ɣar nnur ȓexxu nuffarent ḏi ṯaǧest, aḏ d ismeḍhar kuȓ lɣaraḍ n yiwḏan iy ɣarsen ḏeg wuȓawen nsen. Ȓexddenni kuȓ ijjen aɣares yiȓi usemɣar nnes zi Arebbi.

2 Ayṯ-Kurinṯ 5:10

Liʼanna labud a nbedd marra iḏneɣ zzaṯ i lƹarc n Lmasiḥ mani iy ɣa netwaḥkem. Kuȓ ijjen aṯ ijaza x min isḏaheǧ ƹlaḥsab ṯimesȓayin nni ig igga wami izḏeɣ ḏi ddat, ḏ ṯiṣebḥanin niɣ ḏ ṯiƹeffanin.

1 Timutawus 4:14

War tferraṭ ca ḏi lqudra nni iy ḏac immucen ƹlaḥsab awaȓ nni aṣebḥan iy xac nnan lʼanbiya wami ayraw n imeqqranen n jmaƹeṯ n ȓmuminin sersen xac ifassen nsen.

1 Timutawus 5:24

Ca n ȓmuƹṣiyaṯ n iryazen twameḍharent-id tizwarent-id i lƹiqab nsen, walakin ȓmuƹṣiyaṯ n iryazen nneɣni axasen d xeḍȓent menbaƹd.

1 Buṭrus 4:10

Itxeṣṣa-yas i mkuȓ ijjen aḏ isexḏem lqudra nni iy ḏas immucen ak yiwḏan. Aḏ isexḏem nican lbaraka n Arebbi iy zi itkellaf kuȓ nnuƹ nnes.

1 Buṭrus 4:5

Walakin lḥisab nsen aṯ igg wenni iwejjḏen aḏ iḥaseb yinni iddaren ḏ yinni immuṯen.

Lwaḥi 20:12

Ẓriɣ imettinen bedden zzaṯ i lƹarc nni am umezyan am umeqqran. Nurzmen Lkutub, inurzem ijjen n Lkitab nneɣni netta ḏ Lkitab n Ṯuḏarṯ. Twaḥasben imettinen s min yurin ḏi Lkutub ƹlaḥsab ȓexḏayem nsen.