Luqa 15:6 - Ṯarifiṯ 2020

⁶ Aḏ iḏweȓ ɣar ṯeddarṯ nnes aḏ d iȓaɣa x imeddukaȓ nnes ḏ jjiran nnes aḏasen yini farḥem akiḏi aqa ufiɣ aḥuȓi nni iy tuɣa ḏayi iweddaren!

Luqa 15:6 Kruisverwysings

Luqa 1:58

Jjiran nnes ḏ ȓeḥbab nnes farḥen akiḏes wami ɣarsen ȓexbar belli Siḏ Arebbi irḍa xas aṭṭas.

Luqa 15:10

Aḏawem iniɣ: Amenni ijjen meȓa iƹṣa menbaƹd itub, ataf akiḏes farḥent lmalaʼikaṯ n Arebbi."

Luqa 15:5

Xmi ṯ ɣa yaf aṯ iysi x uɣiȓ nnes aḏ ifareḥ.

Luqa 15:7

Aḏawem iniɣ: Aḏ farḥen ḏeg ujenna aṭṭas x yijjen meȓa iḏweȓ-d ɣar ubriḏ ktar zi min ɣa farḥen x tesƹa u tesƹin nni war ffiɣen ca abriḏ.

Yuḥanna 15:14

Meȓa teggem ȓuṣiyaṯ inu, ataf kenniw ḏ imeddukaȓ inu.

Yuḥanna 3:29

Wenni ɣar ṯeǧa ṯsȓiṯ, netta ḏ muȓay. Awzir n muȓay iƹni wenni itbeddan zzaṯes itsȓa-yas, netta ifarreḥ aṭṭas i wawaȓ n muȓay. Ammu uȓa ḏ nec farḥeɣ aṭṭas.

Ȓexḏayem 11:23

Wami d yuweḍ, yufa mammec ṯen ibarek Arebbi. Ifareḥ ibḏa itcejjaƹ-iṯen marra bac aḏ qqimen ḏeg ubriḏ n Siḏiṯneɣ s marra uȓawen nsen.

Ayṯ-Filippas 1:4

Kur ṯwaȓat tẓaǧiɣ xawem ḏi ṯẓaǧiṯ inu s yijjen n ȓefraḥeṯ ḏ ṯameqqrant

Ayṯ-Filippas 2:17

Nec farrḥeɣ akiḏwem s yijjen n ȓefraḥeṯ maƹlic meȓa ferrɣen-ayi-d waha am yijjen n ṣṣeḏqeṯ n iḏammen x dbiḥeṯ nwem iy tqeddamem kenniw s lʼiman nwem.

Ayṯ-Filippas 4:1

Iḏen ay ayṯma iy xafi iƹizzen iy tweḥḥaceɣ ig iǧan ḏ ȓefȓaḥeṯ inu ḏ ttaj inu, amenni labud itxeṣṣa aḏ teqqimem ṯbeddem ḏi Siḏiṯneɣ ay imƹizzen inu.

1 Ayṯ-Salunik 2:19

Liʼanna ḏ kenniw iy iǧan ḏ lʼamal nneɣ ḏ ȓefraḥeṯ nneɣ ḏ ttaj nneɣ n ccan zzaṯ i Siḏiṯneɣ Ƹisa xmi d ɣa yas.

1 Buṭrus 2:10

Tuɣa kenniw ḏeg yijjen n ȓweqṯ maci ḏ ȓgens, ȓexxu kenniw ṯḏewȓem ḏ ccaƹb n Arebbi. Tuɣa ḏeg yijjen n ȓweqṯ war ṯessinem ca arraḥmeṯ n Arebbi, ȓexxu ṯessnem arraḥmeṯ nnes.

1 Buṭrus 2:25

Tuɣa kenniw am iḥuȓiyen itweddaren, ȓexxu ṯḏewȓem-d ɣar wenni iy kenniw irassen itkellafen zi ȓaƹmar nwem.