Luqa 15:2 - Ṯarifiṯ 2020

² Ȓḥizeb n ifarrisiyen ḏ imseȓmaḏen n ccariƹa ssawaȓen ḏi Ƹisa nnan: "Aryaz-a itreḥḥab zeg yinni iƹeṣṣan itett akiḏsen!"

Luqa 15:2 Kruisverwysings

Matta 11:19

Yusa-d Mmis n bnaḏem itett isess war itẓummi ca, nnan qa wanita itett isess aṭṭas, ƹaweḏ netta ḏ ameddukeȓ n iƹeccaren ḏ yinni iƹeṣṣan. Innama, ȓefhameṯ n Arebbi qebbȓen-teṯ marra yinni ifehhmen."

Matta 9:11

Wami ẓrin ȓḥizeb n ifarrisiyen manayenni kkaren nnan-asen i imeḥḍaren nnes: "Mayemmi itett lmuƹallim nwem ak iƹeccaren ḏ yinni iƹeṣṣan?"

Luqa 15:3

Indeq-d Ƹisa inna-asen ȓmaƹna-ya:

Luqa 19:7

Iwḏan marra ẓrin manaya bḏan tgemgumen nnan qa yuḏef Ƹisa aḏ iqqim ḏi ṯeddarṯ n yijjen n uryaz ḏ lƹaṣi!

Luqa 5:30

Ceṯcan zzayes ȓḥizeb n ifarrisiyen ḏ imseȓmaḏen n ccariƹa nnan-asen i imeḥḍaren nnes: "Mayemmi tettem ṯsessem ak iƹeccaren ḏ yinni iƹeṣṣan?"

Luqa 7:34

Yusa-d Mmis n bnaḏem itett isess war itẓummi ca. Kenniw ṯennim aqa bnaḏem-a itett isess aṭṭas, ƹaweḏ netta ḏ ameddukeȓ n iƹeccaren ḏ yinni iƹeṣṣan.

Luqa 7:39

Afarrisi nni iy ṯ iƹarḍen wami iẓra manaya inna ḏi nnefs nnes: Wanita maƹlik ḏ nnabi ataf aḏ issen min ṯeƹna ṯemɣarṯ-a iy ṯ itḥaḏan, nettaṯ ṯeƹṣa Arebbi.

Ayṯ-Galaṭya 2:12

Min iƹna lɣaleṭ nni? Aqa qbeȓ ma aḏ d yas ijjen n ȓḥizeb iƹni can yiwḏan zi Yaƹqub tuɣa Buṭrus itett ak ȓmuminin iǧan ḏ iyunaniyen. Walakin wami d yusa ȓḥizeb nni, ibḏa Buṭrus itbeƹƹaḏ x iyunaniyen nni ineƹzeȓ xasen. Mayemmi? Liʼanna iggweḏ zi ȓḥizeb nni iƹni n ṭṭahareṯ.

1 Timutawus 1:15

Aqa ijjen n wawaȓ ḏayes ttiqeṯ u labud aḏ itwaqbeȓ marra, iƹni Ƹisa Lmasiḥ yusa-d ɣar ddunect-a bac aḏ isenjem yinni iƹeṣṣan, zzaysen nec ig iǧan ḏ lƹaṣi ḏ ameqqran xasen marra.