Luqa 14:32 - Ṯarifiṯ 2020

³² Meȓa war ḏas izemmar ca, aɣares issekk nnuyab nnes netta ƹaḏ iggwej war d yuwiḍ ca bac azzayes ttaren mamc ɣa ggen aḏ ƹeḏȓen jarasen.

Luqa 14:32 Kruisverwysings

Matta 5:25

Meȓa ithem-icek ca ḥadd menbaƹd uwin-ac-d lʼistidƹa ḥima akiḏes ṯraḥeḏ ɣar lmaḥkama, ƹḏeȓ akiḏes ḏeɣya ḏeg ubriḏ bac war c isiwwiḍ ca ɣar ȓqaḍi, ȓqaḍi nni aḏ iʼamar amxazni, amxazni nni ac inḍar ḏi ȓeḥbes.

Matta 5:42

Wenni ḏac ɣa ittaren can ṯmesȓayṯ, uc-as-t. Wenni d ɣa yasen ɣarek irezzu aḏ irḍeȓ war ṯ tarra ca ixwa.

Luqa 12:58

Cuf, meȓa ithem-icek ca ḥadd menbaƹd uwin-ac-d lʼistidƹa ḥima akiḏes ṯraḥeḏ ɣar lmaḥkama, ƹḏeȓ akiḏes ḏeɣya ḏeg ubriḏ bac war c isiwwiḍ ca ɣar ȓqaḍi, ȓqaḍi nni aḏ iʼamar amxazni, amxazni nni ac inḍar ḏi ȓeḥbes.

Luqa 14:31

Azeǧiḏ, meȓa iruḥ aḏ igg ȓḥarb ak yijjen n uzeǧiḏ nneɣni, itxeṣṣa-yas ḏ amezwaru aḏ ifekkar ma aḏ irbeḥ ȓḥarb nni s ƹecraȓaf n ȓƹaskar ȓƹaḏu nnes ɣares ƹicrin aȓaf n ȓƹaskar.

Luqa 14:33

Amenni ƹaweḏ war izemmar ca uȓa ḏ ijjen zzaywem aḏ yiȓi ḏ ameḥḍar inu illa meȓa ismeḥ ḏi marra min ɣares.

Luqa 19:14

Walakin ccaƹb nnes ƹiffen-ṯ seḏfaren-as ca n nnuyab aȓ mani ɣa iraḥ bac aḏ inin qa neccin war nexs ca aryaz-a aḏ yiȓi ḏ azeǧiḏ xaneɣ.

Ȓexḏayem 12:20

Tuɣa iɣḍeb x imezḏaɣ n ṯendint n Ṣur ḏ ṯendint n Ṣayda. Kkaren imezḏaɣ nni rezzun aḏ meṣȓaḥen ak uzeǧiḏ Hirudus liʼanna lmakla nsen tekk-d zi ṯmurṯ n uzeǧiḏ. Ttaren-as manaya wami ruḥen mesfhamen ak Blastus iǧan netta ḏ naʼib n Hirudus.