Luqa 14:26 - Ṯarifiṯ 2020

²⁶ "Wenni ɣari d itasen nec, meȓa iƹizz xas babas ktar zzayi nec niɣ ḏ yemmas niɣ ḏ ṯemɣarṯ nnes niɣ ḏ ṯarwa nnes niɣ ḏ ayṯmas niɣ ḏ swiṯmas niɣ ḏ ixef nnes, ataf war izemmar aḏ yiȓi ḏ ameḥḍar inu.

Luqa 14:26 Kruisverwysings

Matta 10:37

Wenni xef iƹizz babas niɣ ḏ yemmas ktar zzayi nec, ataf war ḏayi isḏiheǧ ca. Wenni xef iƹizz mmis niɣ ḏ yeǧis ktar zzayi nec, ataf war ḏayi isḏiheǧ ca.

Luqa 14:20

Inna-as ijjen nneɣni: Nec uwiɣ ijjen n ṯemɣarṯ, x manaya war zemmareɣ aḏ d aseɣ.

Luqa 14:25

Ḏinni aṭṭas n ȓɣaci gguren ak Ƹisa, ineqȓeb-d ɣarsen inna-asen:

Yuḥanna 12:25

Wenni itexsen ṯuḏarṯ nnes, ataf at ixsar. Wenni itƹiffan ṯuḏarṯ nnes ḏi ddunect-a, ataf at yaf ḏi ṯuḏarṯ n ȓebda.

Ȓexḏayem 20:24

Walakin war ticceɣ bu lhimma i ṯuḏarṯ inu. Nec aḏ kemmȓeɣ minxef d usiɣ ḏ ȓxeḏmeṯ iy zi ḏayi ikellef Siḏiṯneɣ Ƹisa, iƹni aḏ cehḏeɣ x L'injil n arḍa n Arebbi.

Ayṯ-Ruma 9:13

Mammec iqqar Lkitab: <Ḥibbeɣ Yaƹqub, seḥqareɣ Ƹasu.>

Ayṯ-Filippas 3:8

Ḏ ṣṣaḥ ḥessbeɣ ṯimesȓayin-a qaƹ ḏ ṯaxṣarṯ x ssabab n lqima ṯameqqrant bac aḏ ssneɣ Ƹisa Lmasiḥ netta ḏ Siḏi. X ssabab nnes iy xṣareɣ ṯimesȓayin-a qaƹin, ḥesbeɣ-ṯent ḏ zzbeȓ bac aḏ rebḥeɣ Ƹisa Lmasiḥ.

Lwaḥi 12:11

Ɣeȓben-ṯ ayṯmaṯneɣ s iḏammen n Yizmar ḏ chaḏeṯ nsen. Ṯuḏarṯ nsen war xasen ṯƹizz ca, wejḏen aḏ mmṯen.