Luqa 14:12 - Ṯarifiṯ 2020

¹² Inna-as Ƹisa i wenni iy ṯ iƹarḍen: "Meȓa ṯeggiḏ amecri niɣ ḏ amensi, war ƹarreḍ ca x imeddukaȓ nnec niɣ ḏ ayṯmac niɣ ḏ familya nnec niɣ ḏ jjiran iǧan ḏ twajar minzi meȓa ƹarḍen-c uȓa ḏ niṯni, ataf war ɣarek bu lʼajar x manaya.

Luqa 14:12 Kruisverwysings

Matta 5:46

Meȓa kenniw texsem ɣir yinni iy kenniw itexsen, man lʼajar iy ɣarwem kenniw? Ma war iǧi amenni iy teggen uȓa ḏ iƹeccaren?

Luqa 1:53

Isejjiwen s ȓxir nnes yinni iǧuzen, issekk twajar s ifassen nsen xwan.

Luqa 1:58

Jjiran nnes ḏ ȓeḥbab nnes farḥen akiḏes wami ɣarsen ȓexbar belli Siḏ Arebbi irḍa xas aṭṭas.

Luqa 14:11

Ȓaḥeqqac wenni isemɣaren ixef nnes, ataf aḏ yiȓi ḏ amezyan. Wenni isemzayen ixef nnes, ataf aḏ yiȓi ḏ ameqqran."

Luqa 14:13

Lla, meȓa ṯeggiḏ zarrdeṯ ƹareḍ x ȓmusakin ḏ inecrufen ḏ izeḥḥafen ḏ iḍarɣaȓen.

2 Ayṯ-Kurinṯ 6:13

Ssawaȓeɣ akiḏwem am ṯarwa inu. Iwa jjeṯ waxxa ḏ uȓawen nwem aḏ nnurzmen aṭṭas am neccin.