Luqa 12:48 - Ṯarifiṯ 2020

⁴⁸ Wenni war issinen ca min irezzu siḏes itegg ṯimesȓayin isḏahǧen aƹmuḏ, ataf aḏ itwaƹaqeb ḏrus waha. Marra wenni umi immuc aṭṭas, azzayes rzun aṭṭas. Wenni ig itwakellfen x waṭṭas, azzayes rzun aṭṭas.

Luqa 12:48 Kruisverwysings

Matta 13:12

Ȓaḥeqqac wenni iǧan ɣares itmarni-yas, aɣares yiȓi aṭṭas. Walakin wenni war ɣar iǧi ca, itwaksi-yas uȓa ḏ min ɣares.

Matta 23:14

{Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Tettem i ṯajjaȓin marra min ɣarsent. Tesmeḍharem-d ixef nwem tẓaǧam aṭṭas ḥima aḏ tbeyynem i yiwḏan belli ṯṣebḥem aṭṭas zaƹma. X manayenni aḏ twaƹaqbem ktar.}

Luqa 12:41

Indeq-d Buṭrus inna-as: "A Siḏi, ȓmaƹna-ya ma ṯeqqareḏ-ṯ ɣir i neccin ma i marra iwḏan?"

Luqa 12:49

Usiɣ-d aḏ nḍareɣ ijjen n ṯmessi icemmḍen x ṯmurṯ, u mecḥaȓ tmenniɣ at afeɣ ȓexxu ṯceƹƹeȓ!

Luqa 16:2

Ikkar ssiyyed nni iȓaɣa-d xas inna-as: Min xak tesȓiɣ? Uc-ayi-d ȓeḥsab iǧan jaraneɣ. Zi nhara aȓ ṯsawent war tɣimiḏ ca aḏ tiȓiḏ ḏ aweqqaf inu.

Yuḥanna 15:22

Maƹlik war d usiɣ ssiwȓeɣ akiḏsen, ataf war ɣarsen bu ȓmuƹṣiyeṯ. Walakin ȓexxu war ɣarsen bu lƹuder x ȓmuƹṣiyeṯ nsen.

Ȓexḏayem 17:30

Manaya Arebbi war t yuwi ca ḏi zman n ȓeqfaȓeṯ, walakin ȓexxu yumar marra iwḏan ḏi mkuȓ amcan bac aḏ tuben.

1 Timutawus 1:11

Ttaƹlim-a iǧan nican aṯ naf ḏi Lʼinjil n Arebbi lƹaḍim ig itwarbarken. Lʼinjil-a ikellef-ayi-d xas nec am yijjen n lʼamana.

1 Timutawus 1:13

Nec qbeȓ tuɣa qqareɣ awaȓen war iḥȓin x Arebbi tƹeddabeɣ ȓmuminin, nec ḏ ijjen bnaḏem iḍeǧmen. Waxxa tuɣa xeḏmeɣ manayenni iseḍhar-ayi-d Arebbi arraḥmeṯ nnes liʼanna xeḏmeɣ manayenni s ȓeqfaȓeṯ inu bȓa ma aḏ ssneɣ min iǧan nican, uȓ inu war ḏayes bu lʼiman.

1 Timutawus 6:20

A Timutawus, ḥḍa minxef tkellafeḏ qbeȓ. Awggwej zi min tperpiren yinni war yuminen ca ḏ lʼafkar nni iy ḏaneɣ itƹarraḍen qqaren-as Lƹarfaniya walakin manayenni ḏ ixarriqen waha.

Titus 1:3

U ḏi lweqṯ nni ig ixḍar netta ismeḍhar-d lwaƹed-a s ttebcir nni iy zi ḏayi itwakellef s lʼamar n Arebbi wenni iy ḏaneɣ isnejmen.

Yaƹqub 3:1

Ay ayṯma, itxeṣṣa war zzaywem itiȓi bu aṭṭas n imseȓmaḏen, aqa ṯessnem belli neccin imseȓmaḏen ataf axaneɣ izeyyar Arebbi ḏi lḥisab.