Luqa 11:13 - Ṯarifiṯ 2020

¹³ Meȓa kenniw ḏ iƹeffanen ṯessnem aḏ tucem i ṯarwa nwem min iǧan ḏ aṣebḥan, ataf Babaṯwem ig iǧan ḏeg ujenna itegg ktar, iƹni iticc Arruḥ iqeddsen i yinni ḏas ṯ itettaren."

Luqa 11:13 Kruisverwysings

Matta 5:16

Ammu, jjeṯ ȓqendiȓ nwem iceƹƹeȓ i yiwḏan ḥima aḏ ẓren ȓexḏayem nwem ṯiṣebḥanin aḏ ḥemḏen Babaṯwem iǧan ḏeg ujenna.

Matta 5:45

ḥima aḏ tiȓim ḏ ṯarwa n Babaṯwem iy iǧan ḏeg ujenna. Ȓaḥeqqac itsummur-d ṯfuct x yinni iṣebḥanen ḏ yinni iƹeffanen. Iticc anẓar i yinni iteggen ȓxir ḏ yinni iteggen ccarr.

Matta 6:14

Meȓa ṯsemmḥem i yiwḏan ḏeg uxeṭṭi nni iy kiḏwem ixeṭṭan, ataf Babaṯwem iǧan ḏeg ujenna uȓa ḏ netta aḏawem iɣfar.

Matta 6:30

Meȓa Arebbi iticc arruḍ zaƹma i arbiƹ n ȓexȓa ig iǧan nhara aḏ iḥareq ṯiwecca ḏeg ufarran, ma war itegg akiḏwem kenniw ktar? Ḏaywem lʼiman nwem ḏ uqlil.

Matta 6:32

Marra manaya rezzun-ṯ ȓegnus. Aqa Babaṯwem iǧan ḏeg ujenna issen belli teḥḏajim ṯimesȓayin-a.

Matta 7:11

Meȓa kenniw ḏ iƹeffanen ṯessnem aḏ tucem i ṯarwa nwem min iǧan ḏ aṣebḥan, ataf Babaṯwem ig iǧan ḏeg ujenna itegg ktar. Iticc min iǧan ḏ aṣebḥan i yinni ḏas ṯ itettaren.

Luqa 11:12

Ma aḏas yuc babas ṯɣirḏent i memmis meȓa ittar-as ṯamǧaȓṯ? Lla!

Luqa 11:2

Inna-asen Ƹisa: "Meȓmi ɣa ṯeẓẓaǧem inim ammu: A Babaṯneɣ, ḏ ameqqran ig iǧa yisem nnec. Aḏ d yas ȓmulk nnec.

Luqa 18:7

Arebbi, ma war ḏasen iticc ȓḥaqq i yiwḏan nnes iy ṯ itettaren ǧiȓeṯ ḏ nhar? Ma axasen iƹeṭṭaȓ war ḏasen istijib ca?

Yuḥanna 4:10

Inna-as Ƹisa: "Maƹlik cem ṯessneḏ lhadiya n Arebbi ṯessneḏ min ƹniɣ nec iy ḏam iqqaren uc-ayi aḏ sweɣ, ataf ṯettareḏ-ayi cem aman aḏam uceɣ aman n ṯuḏarṯ."

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ayṯ-Ruma 5:17

Iƹni, s ssabab n ȓmuƹṣiyeṯ nni n yijjen n bnaḏem ṯebḏa ȓmewṯ ṯḥekkem x yiwḏan s ssabab n bnaḏem nni. Ȓexxu s ssabab n yijjen n bnaḏem, iƹni s Ƹisa Lmasiḥ, ḏ ṯuḏarṯ nettaṯ ṯḥekkem aṭṭas x yinni iqebbȓen arḍa imɣaren n Arebbi ḏ lhadiya iy ṯen isemṣȓaḥen akiḏes.

Ayṯ-Ruma 7:18

Nec ṭṭabiƹa ṯaƹeffant inu ssneɣ war ḏayes ṯezḏiɣ uȓa ḏ ijjen n ṯmesȓayṯ ḏ ṯaṣebḥant. Liʼanna rezzuɣ aḏ ggeɣ ṯimesȓayin ṯiṣebḥanin, walakin war zemmareɣ aṯent ggeɣ.

Ayṯ-Ruma 8:32

Siḏi Arebbi war isƹizz ca Mmis xaneɣ, iqeddem-iṯ i ȓmewṯ xaneɣ marra. Ma aḏ teqqim can ȓḥajeṯ war ḏaneɣ-t iticc ca akiḏes?

Titus 3:3

Cuf, neccin ƹaweḏ tuɣa ḏayneɣ ijjen n ȓeqfaȓeṯ, war netṭiƹi ca, netwacemmeṯ, ḥekkment xaneɣ aṭṭas n lʼanwaƹ n ccehawaṯ ḏ zzhu. Tuɣa netƹic ḏeg yijjen n ȓeqbaḥeṯ ḏ ȓeḥseḏ, ƹiffen-aneɣ yiwḏan, netƹiffa ayawya.