Luqa 10:40 - Ṯarifiṯ 2020

⁴⁰ Marṯa ṯennuɣ aṭṭas ḏi ccɣeȓ n ṯeddarṯ. Ṯusa-d ṯenna-as i Ƹisa: "A Siḏi, ma war ḏac ṯecqi ca učma ṯeqqim waha ṯejja-ayi waḥḏi xeddmeɣ ccɣeȓ? Ini-yas aḏayi ṯƹawen baƹḏa!"

Luqa 10:40 Kruisverwysings

Matta 14:15

Wami iƹḏu ȓḥaȓ, qarrben ɣares imeḥḍaren nnes nnan-as: "Ȓweqṯ ṯeƹḏu, amcan-a ḏ ȓexȓa waha. Sekk iwḏan-a ɣar ȓedcuraṯ bac aḏ d sɣen min ɣa ccen."

Matta 16:22

Isbeƹƹeḏ-iṯ Buṭrus waḥḏes inha-ṯ inna-as: "Ac iḥfeḍ Arebbi a Siḏi! Ƹemmarṣ war ḏac itewqiƹ manaya."

Marqus 3:21

Wami sȓin ȓeḥbab nnes x manaya, usin-d ḥima aṯ awin akiḏsen nnan qa iruḥ-as ȓaƹqeȓ.

Luqa 10:38

Ƹisa ḏ imeḥḍaren nnes gguren x ubriḏ. Yuḏef ɣar yijjen n dcar, ṯreḥḥeb zzayes ijjen n ṯemɣarṯ qqaren-as Marṯa ɣar ṯeddarṯ nnes.

Luqa 10:41

Inna-as Siḏiṯneɣ: "A Marṯa a Marṯa, bnaḏem iteḥḏaja ɣir ijjen n ȓḥajeṯ. Cem ḏayem amnus txeyyaqeḏ x waṭṭas n ṯmesȓayin, Maryam ṯixḍar min iṣebḥan war ḏas itwakkes ca."

Luqa 12:29

War rezzuṯ ca min ɣa ṯeccem niɣ ḏ min ɣa ṯeswem, war kessiṯ bu s umnus.

Luqa 9:55

Indeq-d Ƹisa inha-ṯen inna-asen lla.

Yuḥanna 11:1

Ijjen n bnaḏem qqaren-as Liƹazar ihȓec, netta zeg ubilaj nni umi qqaren Bayt Ƹanya. Zeddɣent ḏinni suyṯmas, icten qqaren-as Maryam icten qqaren-as Marṯa.

Yuḥanna 11:5

Tuɣa ƹizzen xas x Ƹisa Marṯa ḏ učmas ḏ umas Liƹazar.

Yuḥanna 12:2

Ggin-as amensi ḏinni, učmas Marṯa tsexxar Liƹazar iqqim akiḏsen.

Yuḥanna 6:27

War xeddmeṯ ca i ȓmakla ixessaren, xeḏmeṯ i ȓmakla itɣiman i ṯuḏarṯ n ȓebda. Ḏ ṯa ḏ ȓmakla ḏawem ɣa yuc Mmis n bnaḏem minzi wanita iḍbeƹ-iṯ Arebbi Babas s ṭṭabaƹ nnes."