Luqa 10:2 - Ṯarifiṯ 2020

² Inna-asen i imeḥḍaren nnes: "Ṯafeǧaḥṯ aṭṭas walakin ḏrus icewwaren iy ɣa ixeḏmen. Ttareṯ zi Bab n ṯfeǧaḥṯ aḏ yarni icewwaren ḏeg umarjeƹ nnes.

Luqa 10:2 Kruisverwysings

Matta 20:1

"Aqa ȓmulk ujenna amecnaw ijjen n bab n umarjeƹ uḍiȓ. Iffeɣ ɣar ṣbaḥ zic aḏ igg ixeddamen ḏeg umarjeƹ uḍiȓ nnes.

Marqus 13:34

Nhar nni aḏ yiȓi am yijjen n ssiyyed irezzu aḏ isafer. Iffeɣ zi ṯeddarṯ nnes, ixeddamen nnes ikellef-iṯen x wagȓa nnes kuȓ ijjen x ȓxeḏmeṯ nnes. Iweṣṣa aƹessas n ṯewwarṯ aḏ iqqim ifaq.

Marqus 16:15

Inna-asen: "Ruḥem ɣar marra ddunect, beccarem marra ȓegnus s Lʼinjil.

Marqus 16:20

Niṯni ffɣen beccaren iwḏan ḏi mkuȓ amcan. Siḏiṯneɣ aqaṯ akiḏsen, ismeḍhar-d ȓḥaqq n yinni itbeccaren s waṭṭas n lƹalamaṯ iy ṯen iḏeffaren.}

Luqa 9:1

Iȓaɣa-d Ƹisa x ṯenƹac n arrusul yuca-asen ṯizemmar ḏ ssulṭa aḏ ḥekmen x marra jnun u ƹaweḏ ḥima aḏ sgenfan ȓehȓacaṯ.

Ȓexḏayem 11:19

Ƹlaḥsab aƹeddeb nni iy iweqƹen wami itwaneɣ Stifan, ȓmuminin kuȓ ijjen mani iruḥ: ijjen iruḥ aȓ Finiqya, ijjen iruḥ aȓ Qubruṣ, ijjen iruḥ aȓ Wanṭakya. War tbecciren ḏinni ḥadd s wawaȓ n Arebbi illa israʼiliyen.

Ȓexḏayem 13:2

Wami ƹebbḏen Siḏi Arebbi tẓumman, inna-asen Arruḥ iqeddsen: Ḥuzem-ayi-d Barnaba ḏ Cawul i ȓxeḏmeṯ nni umi ṯen ixḍareɣ.

Ȓexḏayem 13:4

Issekk-iṯen Arruḥ iqeddsen ruḥen ɣar ṯendint n Sulukya. Ssenni safaren ḏeg uɣarrabu ɣar ṯeyzirṯ n Qubruṣ.

Ȓexḏayem 20:28

Ḥḍaṯ ixef nwem. Ḥḍaṯ ṯḥimerṯ nwem, ṯenni iy zi kenniw ikellef Arruḥ iqeddsen. Arewseṯ jmaƹeṯ n ȓmuminin n Arebbi qa netta iseɣ-it s iḏammen nnes.

Ȓexḏayem 22:21

Inna-ayi Siḏi: Ruḥ, cek ac ssekkeɣ ɣar imucan ggwjen aṭṭas, ɣar yinni war iǧin ca zi Ayṯ-Israʼil."

Ȓexḏayem 8:4

Ȓmuminin nni imesfraqen traḥen zeg umcan ɣar umcan tbeccaren s wawaȓ n Arebbi.

1 Ayṯ-Kurinṯ 12:28

Ḏi jmaƹeṯ-a n ȓmuminin iretteb Arebbi ḏ amezwaru arrusul, wis ṯnayen lʼanbiya, wis ṯȓaṯa imseȓmaḏen, menbaƹd yinni isxeddamen lmuƹjizaṯ ḏ yinni ɣar ǧant lqudraṯ bac aḏ sgenfan iwḏan, ḏ yinni itƹawanen, ḏ yinni itkellafen s ȓxeḏmeṯ, ḏ yinni issawaȓen s ȓebƹaḍ n lluɣaṯ ruḥiyaṯ.

1 Ayṯ-Kurinṯ 15:10

Walakin nec s arḍa n Arebbi ḏewȓeɣ mammec ǧiɣ ȓexxu. Ṯumma arḍa nnes war iǧi bu xafi s bȓa nnfaƹ; Lla, nec ccaṯeɣ tamara ktar zzaysen marra. Maci ḏ nec zaƹma; Lla, ḏ arḍa n Arebbi iy kiḏi.

2 Ayṯ-Kurinṯ 6:1

Fa neccin ig ixeddmen ak Arebbi ntettar i kenniw neqqar-awem: Maci aḏ tqebbȓem arḍa n Arebbi war zzayes ṯxeddmem ca.

Ayṯ-Filippas 2:21

Marra rezzun min ḏasen ithiman i yixef nsen waha, maci min ithiman i Ƹisa Lmasiḥ.

Ayṯ-Filippas 2:25

Cuf, twaȓiɣ labud aḏawem d arreɣ uma Parfulitus wenni iy kiḏi itemƹacaren am ca n umjaheḏ. Netta ḏ amsexxar nwem wenni iy ḏayi d ṯessekkem bac aḏayi ithilla.

Ayṯ-Filippas 2:30

Mayemmi? Tuɣa ƹȓayen immuṯ ƹlaḥsab ȓxeḏmeṯ n Lmasiḥ minzi iɣamar s ṯuḏarṯ nnes wami irzu aḏ ixḏem min war ṯzemmarem ca aḏ txeḏmem kenniw zi lwajib nwem ɣari.

Ayṯ-Kulus 1:29

X manaya nec xeddmeɣ, taḥȓeɣ ḏi ȓxeḏmeṯ-a s marra jjheḏ nni n Lmasiḥ netta isxeddam-ayi s ṯzemmar nnes.

Ayṯ-Kulus 4:12

Isawwaḍ-awem-d sȓam Pafras netta ig iǧan zi ṯmurṯ nwem, netta ḏ ijjen n uxeddam n Ƹisa Lmasiḥ. Ȓebda itaḥeȓ ḏi ṯẓaǧiṯ ƹlaḥsab kenniw bac aḏ tbeddem x dsas aḏ tiȓim ṯemɣarem ḏi lʼiman nwem war ɣarwem itȓi bu ccekk ḏi marra min ixes Arebbi.

1 Ayṯ-Salunik 2:9

Ay ayṯma, aqa ṯƹeqȓem x ȓxeḏmeṯ nneɣ qa neccin nuwṯa xas tamara. Wami kenniw netbeccar s Lʼinjil n Arebbi, qa nxeddem ǧiȓeṯ ḏ nhar bac war netbessiȓ ca x can ḥadd zzaywem.

1 Ayṯ-Salunik 5:12

Fa ay ayṯma, neqqar-awem weqqarem yinni ixeddmen jarawem ig iǧan xawem nehhan-kenniw.

2 Ayṯ-Salunik 3:1

Amma ṯimesȓayin nneɣni ay ayṯma, ttareṯ xaneɣ i Arebbi bac awaȓ n Siḏiṯneɣ aḏ itentacar aḏ itwasemɣar mammec iy iweqƹen jarawem.

1 Timutawus 4:10

X manaya neccin nxeddem nrebbeȓ liʼanna negga lʼamal nneɣ ḏi Arebbi iddaren wenni isenjamen marra iwḏan xaṣṣatan ḏ yinni itamnen.

2 Timutawus 4:5

Cek arr-d ȓbaȓ nnec ḏi marra ṯimesȓayin, ṣbar i tamara, egg ȓxeḏmeṯ am wenni itbeccaren, egg lwajib n ȓxeḏmeṯ nnec.

Filimun 1:1

Nec ḏ Bulus aqayi ḏ ameḥbus ƹlaḥsab Ƹisa Lmasiḥ akiḏi umaṯneɣ Timutawus. Tariɣ ṯabrat-a i Filimun iǧan ḏ amƹacar nneɣ iy xaneɣ iƹizzen,

Iƹibraniyen 3:6

Walakin Lmasiḥ netta ḏ Mmis iḥekkem x ayṯbab n ṯeddarṯ n Arebbi, itkellaf zzaysen nican. U neccin ḏ ayṯbab-a n ṯeddarṯ nnes iƹni meȓa neṭṭef mliḥ ḏi zƹameṯ nneɣ u ḏi lʼamal nneɣ iy xef nteftaxar.

Lwaḥi 2:1

"Ari-yas i lmalaʼika n jmaƹṯ n ȓmuminin iy iǧan ḏi ṯendint n Ufasus, ini-yas qa wenni iy iṭṭfen sebƹa n yiṯran ḏeg ufus nnes afusi, iggur ḏi ȓwesṭ n sebƹa n ȓeqnaḏeȓ n ddheb, iqqar-ac: