Luqa 1:66 - Ṯarifiṯ 2020

⁶⁶ Marra ug itesȓan x ṯmesȓayin-a qqaren ḏeg wuȓawen nsen, Min ɣa iḏweȓ uḥenjir-a? Minzi fus n Siḏi Arebbi aqaṯ akiḏes.

Luqa 1:66 Kruisverwysings

Luqa 1:80

Tuɣa aḥenjir itemɣar itejhiḏ s arruḥ nnes. Izeddeɣ ḏi ȓexȓa aȓ wami d imeḍhar i Ayṯ-Israʼil.

Luqa 2:19

Amma Maryam, ṯxemmeȓ marra ṯimesȓayin-a ḏeg wuȓ nnes txemmam ḏaysent.

Luqa 2:40

Ƹisa itemɣar itejhiḏ itcar s ȓefhameṯ, xas arḍa n Arebbi.

Luqa 2:51

Iḏweȓ-d akiḏsen ɣar Naṣira itegg-asen array. Yemmas txemmam ḏi marra manaya ḏeg wuȓ nnes.

Luqa 9:44

"Ṣennṭeṯ mliḥ i wawaȓ-a iy ḏawem ɣa iniɣ: Mmis n bnaḏem ƹȓayen aḏ itwasellem ɣar ifassen n yiwḏan."

Ȓexḏayem 11:21

Siḏi Arebbi aqaṯ akiḏsen, aṭṭas n yiwḏan umnen ḏewȓen-d ɣar Siḏiṯneɣ.

Ayṯ-Kulus 1:5

Lʼiman-a ḏ ȓemḥibbeṯ-a tasen-d zi lʼamal nni itwaxemmȓen i kenniw ḏeg ujenna. Tuɣa ṯesȓim xas ḏeg wawaȓ n ȓḥaqq iƹni ḏi Lʼinjil iy ɣarwem d yuwḍen. Ḏi marra ddunect-a Lʼinjil-a itarew itemɣar, mamc ƹaweḏ ixeddem jarawem zeg wami iy ḏas ṯesȓim ṯfehmem ḏ ṣṣaḥ arḍa n Arebbi.