Luqa 1:20 - Ṯarifiṯ 2020

²⁰ Ȓexxu cek aḏ tiȓiḏ ḏ azeynun. War ṯessiwiȓeḏ ca ḥetta aȓ nhar nni iy ɣa iwqeƹ manaya minzi cek war ṯumineḏ ca zeg wawaȓ inu wenni iy d ɣa iffɣen nican ḏi ȓweqṯ nnes."

Luqa 1:20 Kruisverwysings

Marqus 16:14

Menbaƹd wami qqimen tetten ḥiṭac n arrusul nnes, imeḍhar-asen-d inha-ṯen minzi lʼiman nsen ḏ uqlil uȓawen nsen qesḥen. Tuɣa niṯni ƹaweḏ war uminen ca yinni iy ṯ iẓrin wami d ikkar zi ȓmewṯ.

Marqus 9:19

Yarra xasen Ƹisa inna-asen: "A iwḏan n ȓweqṯ-a iy ḏi war iǧi bu lʼiman! Mecḥaȓ iy kiḏwem ɣa qqimeɣ u mecḥaȓ ḏawem ɣa ṣbareɣ? Awim-ayi-ṯ-id i nec."

Luqa 1:19

Indeq-d lmalak nni inna-as: "Qa nec ḏ Jibril ḏ wenni itbeddan zzaṯ i Arebbi, issekk-ayi-d Arebbi ɣarec bac akic ssiwȓeɣ aḏac iniɣ ȓexbar-a isfarraḥen.

Luqa 1:21

Ccaƹb qqimen trajan Zakariya, tƹejjben wami iƹḍeȓ aṭṭas ɣar ḏaxeȓ ḏi ṯemziḏa ṯameqqrant.

Luqa 1:22

Wami d iffeɣ ssenni war izemmar ca akiḏsen issiweȓ, iqqim issawaȓ akiḏsen s ifassen waha. Ssenni fehmen imeḍhar-as-d lwaḥi ɣar ḏaxeȓ ḏi ṯemziḏa ṯameqqrant iḏweȓ ḏ azeynun.

Luqa 1:45

A ssaƹḏ n ṯenni yumnen min ḏas inna Siḏi Arebbi aḏ yiȓi."

Luqa 1:64

Ḏeg umcan indeq Zakariya ibḏa issawaȓ iḥemmeḏ Arebbi.

Ayṯ-Ruma 3:3

Iwa meȓa ȓebƹaḍ zzaysen war uminen ca, ma s lkufer nsen iy zi ɣa isbeṭṭeȓ Arebbi ȓƹaheḏ nnes?

2 Timutawus 2:13

Meȓa nesmeḥ neccin ḏi lʼamana nneɣ, maci aḏ ismeḥ netta ḏi lʼamana nnes, minzi war izemmar aḏ inkar ixef nnes.

Titus 1:2

Lʼiman-a ḏ ṯusna-ya ṯbedda x lʼamal n ṯuḏarṯ nni war ifennin ƹemmarṣ, ṯenni iy zi iwƹeḏ Arebbi iƹni wenni war isxerriqen ca. Iwƹeḏ s ṯuḏarṯ nni qbeȓ ma aḏ bḏan zmanaṯ qaƹ.

Iƹibraniyen 6:18

Ṯnayen n ṯmesȓayin-a war twabeddiȓent ca, Arebbi war izemmar axasent isxarreq. Zi ṯnayen n ṯmesȓayin-a azzaysent iy ɣa netwacejjeƹ neccin iy narweȓ bac aɣares nnuffar. Zzaysent iy ɣa neṭṭef s jjheḏ ḏi lʼamal iy ḏaneɣ itwabeccaren.

Lwaḥi 3:19

Nec trebbiɣ nehhiɣ marra wenni tḥibbiɣ. Cek lʼiman nnec sejheḏ-iṯ, tub.