Apocalipsis 8:10 - Quechua South Bolivia: Dios Parlapawanchej

¹⁰ Quinsa caj angel tocajtintaj janaj pachamanta uj jatun ch'asca urmaycamorka. Jatun ninajina laurashaj carka. Mayusmanta quinsa caj parteman, yacu pujyusmanwan urmaycamorka.

Qheshwa Biblia DC

¹⁰ Kinsa kaj angeltaj trompetata waqacherqa. Janaj pachamantataj uj jatun ch'aska urmamorqa, uj k'anchay jina larwaspa; mayuspa kinsa kaj t'aqanman urmarqa, yaku pujyusmanwan.

DIOSPA QHELQACHISQAN DEUTEROCANONICAL

¹⁰ Maypachachus kinsa kaj ángel trompetata waqacherqa chaypacha, janajmanta uj jatun ch'aska urmamorqa, nina jachon jina lawrarispa. Chay ch'askaqa mayukuna kinsaman t'aqasqamanta ujnin kaj t'aqaman urmarqa, jinallataj yaku juturikunamanpis.

DIOSPA QHELQACHISQ

¹⁰ Maypachachus kinsa kaj ángel trompetata waqacherqa chaypacha, janajmanta uj jatun ch'aska urmamorqa, nina jachon jina lawrarispa. Chay ch'askaqa mayukuna kinsaman t'aqasqamanta ujnin kaj t'aqaman urmarqa, jinallataj yaku juturikunamanpis.

Apocalipsis 8:10 Kruisverwysings

San Mateo 25:1

‘Ajinaka Dios wiñaypaj camachin, chaypi llanc'ajcunaka rijch'acuncu chunca sipascunaman. Paycunaka c'anchanasnincuta apaspa casaracoj runata suyaj rerkancu.

San Lucas 10:18

Jesustaj paycunaman cuticherka: —Arí, khawarkani supay Satanasta janaj pachamanta urmaycamushajta lliuj-lliujtajina.

Judas 1:13

Ni ima camachiskaman sujetacojcuna cancu. Mana p'enkaywan jatunchacuncu, simincu phosoko canancama parlaspa. Llulla yachachinancuwan runa pusajcuna cayta munancu. Ajinapi c'anchayjina khawachicuyta munancu. Astawanrí manchay yana lakha uqhu pacha waquichiskaña cashan paycuna chaypi wiñaypaj canancupaj.

Apocalipsis 1:20

Kanchis ch'ascasta paña maquiypi ricorkanqui. Kanchis kori c'anchanastapis ricorkanqui. Chay kanchis ch'ascaska chay kanchis iglesiaspa willajcunancu cancu. Chay korimanta kanchis c'anchanastaj Diospa ajllacuskasnin cancu, chay kanchis iglesias, —nerka chay parlamuwajka.

Apocalipsis 12:4

Chupantaj janaj pacha ch'ascasmanta quinsa caj parteta pichaycorka. Cay pachamantaj chokaramorka. Dragonka onkocunayashaj warmej ñaupakenpi sayaycucorka. Warmej wawanta nacecojtincama miqhuycunanpaj suyasharka.

Apocalipsis 14:7

Sinch'iwan parlaspataj nerka: —Diosta manchachicuychej, payta jatunchaychej, juicio p'unchaynin chayamuskanraycu. Janaj pachata, cay pachata, kochasta, phullchej yacustapis ruwaj Diosta yupaychaychej, —nispa.

Apocalipsis 16:4

Quinsa caj angelpis mayusman yacu pujyusmanwan vasonmanta jich'aycorka. Chay yacustaj yawarman cutiporkancu.

Apocalipsis 6:13

Patamanta ch'ascacunapis jallp'aman urmaramorkancu. Sinch'i wayrawan cuyuchiska higueraj pokoyninjina urmaramorkancu.

Apocalipsis 8:7

Ñaupaj caj angel tocarka. Chanta granizowan ninawan yawarwan chajruska cay pachaman jich'aycacamorka. Cay pachaj quinsa caj partentaj ruphaycorka. Sach'asmanta quinsa caj partetaj ruphaycorka. Tucuy k'omer pastospis ruphaycorkancu.

Apocalipsis 9:1

Phishka caj angel tocarka. Chanta ricorkani ujta ch'ascajina urmamojta janaj pachamanta cay pachaman. Paymantaj uqhu pachaj puncunpa llaven koska carka.

Apocalipsis 9:15

Chanta chay tawa waquichiska angeleska cachariskas llojsimorkancu runasmanta quinsa caj parteta wañurachinancupaj. Chay horapaj, chay p'unchaypaj, chay quillapaj, chay watapaj waquichiskas carkancu.

Apocalipsis 9:18

Chay quinsa manchay llaquiycunawan runasmanta quinsa caj parte wañurachiskas carkancu. Paycuna wañorkancu caballospa simincumanta chay llojsimoj ninawan k'oshñiwan azufrewanpis.