Números 9:15 - Qheshwa Biblia DC

¹⁵ Ima diachus Dioswan tinkukuna toldota sayarichejtinku, chay diapacha phuyoqa trato ruwana toldota urphuykorqa. Ch'isiyaykuymantapacha uj nina k'anchay jina k'ancharqa Dioswan tinkukuna toldota sut'iyamunankama.

DIOSPA QHELQACHISQAN DEUTEROCANONICAL

¹⁵ Maypachachus israelitakuna Dioswan Tinkukuna Toldota sayaricherqanku chay p'unchay, phuyu toldota p'ampaykorqa. Chay phuyoqa ch'isiyaymantapacha sut'iyanankama Dioswan Tinkukuna Toldo patapi nina jina k'ancharqa.

DIOSPA QHELQACHISQ

¹⁵ Maypachachus israelitakuna Dioswan Tinkukuna Toldota sayaricherqanku chay p'unchay, phuyu toldota p'ampaykorqa. Chay phuyoqa ch'isiyaymantapacha sut'iyanankama Dioswan Tinkukuna Toldo patapi nina jina k'ancharqa.

Números 9:15 Kruisverwysings

Nehemías 9:12

Chaymantataj pusarqanki p'unchaynimpeqa uj phuyu llanthuwan, tutantaj nina k'anchaywan rinanku karqa chay ñanta k'anchaykuspa.

Salmos 105:39

Diosninchejqa paykunata llanthuykunampaj phuyuchimorqa, ch'isintaj paykunata ninawan k'anchacherqa.

Salmos 78:14

P'unchaypeqa phuyuwan pusarqa, tutantaj nina k'anchaywan.

Éxodo 13:21

Señorqa paykunaj ñaupaqenta rerqa p'unchaypi jatun chhoqo phuyu ukhupi paykunata pusaspa, tutantaj nina k'anchay ukhupi ama ñanta pantanankupaj; chantapis tuta p'unchay rinankupaj.

Éxodo 13:22

Ni jayk'ajpis paykunaj ñaupaqenmanta phuyu oqharikorqachu p'unchay rishajtinku, nillataj tutampis nina k'anchay oqharikorqachu paykunaj ñaupaqenkumanta.

Éxodo 14:24

Señortaj q'ayantin sut'iyarpamuyta egipciospa campamentonta, phuyu ukhumanta, nina k'anchay ukhumantawan qhawarimuspa, egipciostaqa q'alata pejturparerqa.

Éxodo 40:34

Chaymantataj chay Dioswan tinkukuna toldota phuyuykamorqa, Señorpa jatun kaynintaj chay wasiman junt'aykorqa.

Éxodo 40:35

Jinamanta Moisesqa manaña chayman yaykuyta aterqachu, imaraykuchus tukuyninta phuyuykorqa, Señorpa jatun kaynintaj chay Dioswan tinkukuna toldoman junt'aykorqa.

Éxodo 40:38

Israelitaspaj chay tukuy puriyninkupi, Señorpa phuyun sapa p'unchay Diospa tiyakunan toldomanta manapuni oqharikojchu, tutantaj nina k'anchayllapuni sut'iyaj chay Diospa tiyakunan toldopeqa.

Isaías 4:5

Señorqa tukuynin Sión orqota, tantasqa runasmampis, p'unchaypi yana phuyuwan phuyuykuchenqa laqhapachata, tutantaj nina lauray k'anchayta rikhurichenqa. Señorpaj atiynintaj chay tukuy patampi kanqa.

Números 10:34

P'unchayqa paykuna purirejtinkukama Señorpa phuyun patankuta risharqa.

Números 14:14

Maypachachus egipcios yachanqanku ajinata kay runasta ruwasqaykita, chaytaqa canaampi tiyakojkunaman willanqanku. Paykunapis yachanku Señor, qan paykunaj chaupinkupi kasqaykita. Qan paykunawan uyapura rikuchikusqaykita, phuyuykipis paykunaj patankupi kashan. P'unchayqa paykunaj patankuta phuyuykipi rinki, tutantaj nina k'anchay ukhupi pusanki.

Números 17:7

Moisesqa tukuynin tojnusta Señorpa ñaupaqempi Dioswan tinkukuna toldopi, Diospa leyninwan kasharqa chay cajón chimpaman churarqa.

1 Corintios 10:1

Hermanos, noqa munani qankuna yuyarikunaykichejta ñaupa tatasninchej phuyu urapi tukuy kasqankumanta, tukuytajmanta puka mar qochata pasasqankumanta.

Deuteronomio 1:33

Payqa ñaupaqeykichejta rispa maymanchus jarakunaykichejta ajllarqa. Tutaqa ñanta rishajtiykichej ninawan k'anchamorqa maynintachus rinaykichejpaj, p'unchaytaj phuyuwan rikuchisorqachej maymanchus rinaykichej ñanta.