Números 4:10 - Qheshwa Biblia DC

¹⁰ Chay tukuyninta sumaj qaramanta ruwasqa qhatanawan mayt'uykonqanku, k'aspis patamantaj churaykonqanku chaymanta wantuspa apanapaj.

DIOSPA QHELQACHISQAN DEUTEROCANONICAL

¹⁰ Chay tukuyninta tejón qaramanta ruwasqa qhatanawan mayt'uykonqanku. Jinaspataj, kallapu pataman wantunapaj churaykonqanku.

DIOSPA QHELQACHISQ

¹⁰ Chay tukuyninta tejón qaramanta ruwasqa qhatanawan mayt'uykonqanku. Jinaspataj, kallapu pataman wantunapaj churaykonqanku.

Números 4:10 Kruisverwysings

Éxodo 25:31

Chaymantaqa uj k'anchachinata ruwanki qorimanta martillowan. Chay k'anchachinaqa kanqa qorimanta, jap'inan, sayanan, copasnin, mut'usnin, t'ikasnin, chaytaj uj qorillamanta ruwasqa kanqa.

Números 4:11

Chaymantaqa qori altartañataj panti bayetawan qhataykonqanku, chaypa patanmantaj sumaj qaramanta ruwasqa qhatanawan mayt'uykonqanku, k'aspisninwantaj jusk'urachenqanku chaymanta oqharispa wantunapaj.

Números 4:12

Chaymantataj toldo ukhupi Diospa tiyakunampi imasninchus tiyan chaykunasninta tukuyninta panti bayetaman oqharenqanku. Chaytataj sumaj qarasmanta ruwasqa qhatanawan mayt'uykonqanku. K'ispis patamantaj churanqanku, chaymanta oqharispa wantunapaj.

Números 4:6

Chaypa patanman qhataykonqanku sumaj qarasmanta ruwasqa qhatanawan. Chaypa patanmantaj qhataykullanqankutaj panti bayetawan. Chaymantaj k'aspisninwan ningrisninta jusk'urachenqanku chaykunamanta wantunapaj. Qosqasninku t'antaswan kasharqa chay mesatataj uj panti bayetawan qhataykonqanku, chaypa patanmantaj churanqanku chuwasta, cucharasta copasta, yurustapis, vino ofrendaspaj jinallataj sapa kuti qosqasninku t'antastawan.

Números 4:9

Chaymanta, k'anchachinatapis panti bayetawan qhataykullanqankutaj, chaypa k'anchaykunasninta, pabilosnimpa ushphasnin k'utunasninta, uspha tantana chay chuwitasninta, imasninmanchus aceitetapis churanku chaykunasnintinta.