San Mateo 6:4 - Qheshwa Biblia DC

⁴ Wajchasta pakayllamanta khuyay. Pakaypi khuyasqaykita rikusoj Tataykitaj t'inkachipusonqa.

DIOSPA QHELQACHISQAN DEUTEROCANONICAL

⁴ Ajinaqa mana pejpa yachasqanta wajchakunata khuyaychej. Chantá, pakaypi khuyasqaykichejta rikoj Tata Diosniykichej tukuypa ñawpaqenpi t'inkachisonqachej.

DIOSPA QHELQACHISQ

⁴ Ajinaqa mana pejpa yachasqanta wajchakunata khuyaychej. Chantá, pakaypi khuyasqaykichejta rikoj Tata Diosniykichej tukuypa ñawpaqenpi t'inkachisonqachej.

Quechua South Bolivia: Dios Parlapawanchej

⁴ Ajinapi ruwaskayqui pacaska canka. Pacaypi ricoj Dios Tatayquitaj kanman ruwaskayquimanjina kosonka.

San Mateo 6:4 Kruisverwysings

Salmos 139:12

Laqhapis mana qanmanta pakawanmanchu, tutatapis k'anchaypis, laqhapis kikillan.

Salmos 17:3

Sonqoypi imachus kasqanta qan yacharqanki, ch'isin watoj jamuwarqanki. Ninaman churawarqanki yachanawaykipaj, manataj ima sajratapis noqapi tarerqankichu. Simiyta ama pantananta nerqani.

Salmos 44:21

manachu chayta yachaspa phiñakuwaj karqa? Qanqa sonqoyku ukhupi pakasqa kajtapis yachankipuni.

Proverbios 25:22

Ajinamanta chay phiñakoj uyantaqa nina brasaswan jina p'enqaypi k'ajarichinki; Señortaj chay jinata ruwasqaykimantaqa yapasqata qopusonqa.

Jeremías 17:10

Noqa Señor allinta yachani, imatachus yuyasqasninkutapis rejsini, sapa ujmantaj imatachus ruwasqankuman jina qopuni.

Jeremías 23:24

Pitaj ñawisniymanta pakakuyta atinmanri? Cielo chantá jallp'apis noqaj kayniywan junt'a kashan. Noqa Señor chayta nini.

San Mateo 10:42

Pillapis kay juch'uykunamanta ujninman, yachakoj kasqanrayku uj vaso chiri yakullatapis jaywarinman chayqa; cheqamanta niykichej, t'inkanta mana chinkachenqachu.

San Mateo 6:18

Ama ayunasqaykita runas yachachunkuchu; pakaypi kashaj Tatallayki yachachun. Pakaypi rikoj Tataykitaj t'inkaykita qopusonqa.

San Mateo 6:3

Chayrayku mana kapuyniyojkunaman imallatapis qoshajtiyki, ama yachachunchu lloq'e makiyki, imatachus paña makiyki ruwasqanta.

San Mateo 6:6

Qampis Diosmanta mañakunaykipajqa, cuartoykiman yaykuy; wasi punkuykita wisq'aykamuspataj, pakaypi, Tataykimanta mañakuy. Pakaypi rikoj Tataykitaj t'inkaykita qopusonqa.

San Lucas 14:14

Chaywanqa aswan kusikuyniyoj kanki; imaraykuchus paykunaqa mana kutichipusuyta atenqankuchu; cheqan runaspa kausarimuynillampiña t'inkaykita jap'ikapunki.

San Lucas 8:17

Mana imapis pakasqa kanchu mana rikuchikojqa; nitaj pakasqallapuni kayta atinchu mana yachakoj, nitaj sut'inchakojqa.

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

Hebreos 4:13

Tukuy ruwasqa kajqa, paypa ñaupaqempi, mana pakasqa kayta atinchu; astawanqa, tukuy imapis sut'i, rikusqastaj kanku paypa ñawisnimpaj, paymantaj kausayninchejmanta willakunanchej tiyan.

Judas 1:24

Kunanqa yupaychay kachun atiyniyojman, pichus pay k'atalla atin mana juchayojta qankunata waqaychayta; ajinallatataj atin qankunata janaj pacha k'anchayninman mana juchayojta, may kusiywan pusayta.

Apocalipsis 2:23

Wawasnintataj mana khuyakuspa wañurachisaj; ajinamanta tukuynin iglesias yachanqanku noqa rejsisqayta runaj yuyayninta, sonqontawan. Qankunamantaj, sapa ujman, ruwasqaykichejman jina qopusqaykichej.

1 Samuel 2:30

Chayrayku Señorqa Israelpa Diosnin nerqa: Qanwan aylluykiwan ima paypa nisqanta ruwanaykichejtapuni. Kunanqa nisunkichej: Mana ni jayk'aj chayta saqesajchu, manachayqa jatunchawajkunata jatunchallasajtaj; qhesachawajkuna tapis p'enqaypi rikhurichisaj. Noqa Señor chayta nini.