San Mateo 5:4 - Qheshwa Biblia DC

⁴ Kusikuyniyoj kanku waqajkunaqa, imaraykuchus paykunataqa Dios sonqochanqa.

DIOSPA QHELQACHISQAN DEUTEROCANONICAL

⁴ Kusikuyniyojmin kanku kunan waqajkunaqa, imaraykuchus Diosmin paykunata sonqochanqa.

DIOSPA QHELQACHISQ

⁴ Kusikuyniyojmin kanku kunan waqajkunaqa, imaraykuchus Diosmin paykunata sonqochanqa.

Quechua South Bolivia: Dios Parlapawanchej

⁴ ‘May cusiskas cancu jucharaycu llaquicojcunaka. Diosmin paycunataka sonkoncupi callpachaspa yanapanka.

San Mateo 5:4 Kruisverwysings

Isaías 12:1

Chay p'unchaypi ninki: Graciasta qoyki, Señor, qanqa noqapaj maytapuni phiñakorqanki, chaywampis chay jina k'ajaj phiñakuyniykeqa manaña kanchu, astawampis sonqochawanki.

Isaías 25:8

Señorqa wañuyta wiñaypaj chinkachenqa; tukuypaj waqayninta Señorqa pichanqa; ayllumpa mana allimpaj qhawasqa kayninkutataj tukuy jallp'amanta chinkachenqa. Ajinata Señorqa nin.

Isaías 30:19

Jerusalempi tiyakoj Sión llajta, manaña astawan waqankichu. Khuyakoj Señorqa waqasqaykita uyarispa khuyakusonqa, nisqaykita uyarispataj kutichisonqapacha.

Isaías 35:10

Ajinata Señorpa salvasqasnenqa kutimponqanku, Sionmanqa may kusisqas yaykuponqanku. Umankupeqa kusiy yuyayllapuni kanqa. Chaypacha may kusiyniyoj kanqanku. Paykunamanta llakiywan, ayqoywan ayqenqa.

Isaías 57:18

Imaynatachus purisqankuta rikuni, chaywampis noqaqa thañichisaj, michisaj, sonqochasaj, paykunata kusichisaj, jinallataj llakiywan waqajkunatapis.

Isaías 66:10

Jerusalenwan khuska mayta kusirikuychej, payta munakojkuna. Tukuy payrayku llakiywan waqajkuna kusisqa kakuychej.

Isaías 66:2

Makiy kay tukuy imastaqa ruwarqa. Chayrayku kay imasqa karqa, nispa Señorqa nin. Chanta nillantaj, pichus llamp'u sonqoyoj kanqa chayta noqaqa qhawasaj, mayqenchus k'acha sonqoyoj kaspa palabrasniytapis uyariwanqa chayta.

Ezequiel 7:16

Tukuy atipajkunataj lomas pataman mancharisqa palomas jina ayqenqanku, chay tukuywampis juchankuraykoqa wañonqankupuni.

Ezequiel 9:4

Paymanta nerqa: Jerusalén llajtata purerqoy, uj señalta frentesninkuman churaykuy, chay llajtapi tukuy mana allin imas ruwakusqankurayku qhaparispa waqarashanqanku chay runakunaman.

Zacarías 12:10

Davidpa mirayninman, jinataj Jerusalempi tiyakojkunaman khuyakoj Espirituyta qosaj. Diosmanta mañakoj Espirituytataj qosaj. Jinamantaraj qhawarenqanku pitachus t'ojsinawan wañucherqanku chayta, may jinatataj llakikonqanku, waqanqankutaj Paymanta imaynatachus uj k'ata kuraj wawanku wañojtin waqanku ajinata.

San Lucas 16:25

Abrahamtaj nerqa: Yuyarikuy wawáy, kausashaspa allin imasta jap'isqaykita. Lazarorí mana walejpichu karqa. Chaynejta kunanqa sonqochasqa kashan, qantaj ñak'arishanki.

San Lucas 6:21

Kusikuyniyoj kankichej kunan yarqhachikojkunaqa, imaraykuchus sajsachisqas kankichej. Kusikuyniyoj kankichej kunan waqajkunaqa, imaraykuchus asikunkichej.

San Lucas 6:25

Ay, qankunamanta sajsasqas!, imaraykuchus yarqhachikunkichej. Ay, qankunamanta asikojkuna!, imaraykuchus llakikunkichej, waqankichejtaj.

San Lucas 7:38

Paypa qhepampi, chakisnin qayllapi tiyaykukuspa waqayta qallarerqa; waqayninwantaj chakisninta joq'ochaspa chujchasninwan ch'akicherqa. Chakisninta much'araspataj perfumewan jich'aykorqa.

San Lucas 7:50

Jesustaj warmiman nerqa: Creesqayki salvasunki, sonqo junt'asqa ripuy, nispa.

Santiago 1:12

Kusikuyniyojmin tentacionta atipaj runaqa; imaraykuchus chay tentacionta atipasqanman jina jap'inan tiyan wiñay kausay pilluta, mayqentachus Dios nerqa qonanta payta munakojkunaman.

Apocalipsis 21:4

Diostaj tukuy waqayta ñawisninkumanta pichanqa. Manañataj wañuy kanqanchu, nitaj waqaypis, nitaj qhapariypis, nitaj nanaypis. Ñaupa kaj imasqa manaña kanqañachu.