San Mateo 16:1 - Qheshwa Biblia DC

¹ Chaymantataj, fariseos saduceoswan Jesusman qayllaykorqanku, imaynallapipis urmachiyta munaspa; mañarqankutaj, janaj pachamanta ima señaltapis rikuchinanta.

DIOSPA QHELQACHISQAN DEUTEROCANONICAL

¹ Uj kuti fariseokuna, saduceokunawan ima imaynallapipis Jesusta pantachiyta munaspa, payman qayllaykorqanku. Chantá runaj mana jayk'aj rikusqan t'ukunata ruwananta mañallarqankutaj, jinapi Diosmanta jamusqanta yachanankupaj.

DIOSPA QHELQACHISQ

¹ Uj kuti fariseokuna, saduceokunawan ima imaynallapipis Jesusta pantachiyta munaspa, payman qayllaykorqanku. Chantá runaj mana jayk'aj rikusqan t'ukunata ruwananta mañallarqankutaj, jinapi Diosmanta jamusqanta yachanankupaj.

Quechua South Bolivia: Dios Parlapawanchej

¹ Chanta fariseo partemanta saduceo partemantawan cajcuna Jesusman kayllaycamorkancu. Paycunaka imaynallamantapis Jesusta pantachiyta munasharkancu. Chayraycu paymanta mañarkancu uj jatun ruwanata Dios cachamuskanta yachanancupaj.

San Mateo 16:1 Kruisverwysings

Proverbios 26:5

Wampumanqa kutichiy imaynachus kasqanman jina, sonqompi yachayniyoj kasqanta ama yuyakunampaj.

San Mateo 12:14

Fariseostaj llojsiytawan, paykunapura parlarqanku, imaynamantachus Jesusta wañuchinankupaj.

San Mateo 15:1

Wakin fariseos, leymanta yachachejkuna ima, Jerusalenmanta jamuspa Jesusman qayllaykorqanku, taporqankutaj: Imaraykutaj yachachisqasniyki p'akinku tataspa ñaupa usunkutari? Paykunaqa makinkuta mana mayllakunkuchu mikhunankupaj.

San Mateo 16:6

Jesustaj nerqa: Qhawakuychej, karunchakuychejtaj fariseospa levaduranmanta saduceospamantawan.

San Mateo 19:3

Wakin fariseostaj Jesusman qayllaykorqanku pantachiyta munaspa, taporqankutaj: Qhareqa atillanchu warminmanta t'aqakuyta mana imallamanta?

San Mateo 22:15

Fariseostaj riytawan tantakuspa yachachinakorqanku, ima parlasqallampipis Jesusta ch'ataykunankupaj.

San Mateo 22:18

Jesustaj, sajra yuyayninkuta yachaspa nerqa: Puraj uyas. Imaraykutaj pantachiwayta munankichej?

San Mateo 22:23

Chay p'unchayllapitaj, saduceos Jesusman jamorqanku. Paykunaqa ninku, wañusqasmanta kausarimuy mana kasqanta. Jesustataj taporqanku, nispa: Maestro, Moisesqa nerqa: Pillapis, mana wawasniyoj wañunman chayqa, wauqen casarakuchun chay viudawan, wauqempa miraynin rikhurinampaj.

San Mateo 27:62

Q'ayantintaj, Pascuapaj wakichina p'unchaypi kuraj sacerdotes, fariseos ima Pilatojman rerqanku.

San Mateo 5:20

Chayrayku qankunaman niykichej, manachus cheqan kayniykichej qelqerispamanta, fariseospamantawan aswan allin kanqa chayqa, mana yaykunkichejchu janaj pacha reinoman.

San Mateo 9:11

Fariseostaj kayta rikuspa Jesuspa yachachisqasninta taporqanku: Imaraykutaj maestroykichej impuesteroswan, juchasapaswan ima mikhunri?

Marcos 10:2

Chantá fariseos Jesusman chimpaykorqanku; payta pantachiyta munaspa taporqanku: Niwayku, atikunchu qhareqa warminmanta t'aqakunan?

Marcos 12:15

Jesustaj puraj uyas kasqankuta yachaspa, paykunaman nerqa: Imaraykutaj pantachiwayta munankichej? Denario qolqeta apamuychej qhawanaypaj.

Marcos 12:18

Chantá saduceos Jesusman jamorqanku. Paykunaqa ninku wañuymanta kausarimuy mana kasqanta. Taporqankutaj nispa: Maestro, noqaykupaj Moisés escribisqata saqerqa: Sichus uj runaj wauqen wañunman, warmintataj mana wawayojta saqenman chayqa; wauqen casaranan tiyan chay viudawan, wañoj wauqempa miraynin ama chinkanampaj.

San Lucas 10:25

Chantá uj runa leymanta yachachej, Jesusman qayllaykuspa pantachiyta munaspataj, taporqa: Maestro, imata ruwaspataj wiñay kausayniyoj kasajri?, nispa.

San Lucas 11:16

Wajkunataj, Jesusta pantachiyta munaspa uj señalta ruwananta munarqanku.

San Lucas 20:23

Jesustaj paykunaj sajra yuyayninkuta yachaspa, nerqa: Rikuchiwaychej uj qolqeta. Pejpa uyantaj, chantá pejpa sutintaj?, nispa. Paykunataj nerqanku: Cesarpata, nispa.

San Lucas 20:27

Chaymantataj, wakin saduceos rerqanku Jesuswan parlaj. Saduceosqa mana creerqankuchu wañusqakunamanta kausarimuy kasqanta; Jesustataj taporqanku, nispa: Maestro, noqaykupajqa Moisés escribisqata saqerqa: Sichus pi runapis wañupuspa warminta saqen mana wawasniyojta chayqa, wauqen casarachun chay viudawan, wañoj wauqempa miraynin rikhurinampaj.

San Juan 8:6

Chayta nerqanku imaynatachus Jesús kutichinanta, chayman jina payta ch'ataykunankupaj. Jesustaj k'umuykuspa pampapi dedonwan escriberqa.

Hechos 4:1

Pedrowan Juanwan runasman parlashajtinku chayamorqanku sacerdotes, templota qhawajkunaj kamachisninwan, saduceoswan ima.

Hechos 5:17

Chaymantataj jatun sacerdote, paywan kajkuna ima, saduceos t'aqamanta apostoleswan jap'inakuspa, maytapuni phiñakorqanku.

1 Corintios 1:22

Judiosqa mañanku señalesta, griegostaj mask'anku astawan yachayta.