San Lucas 7:25 - Qheshwa Biblia DC

²⁵ Astawanqa, imata rikorqankichej? Uj sumaj p'achayoj runatachu? Qankuna yachankichej, sumajta p'achallisqas kajkunaqa, kusisqa kausajkunapis reyespa palaciosnimpi kashanku.

DIOSPA QHELQACHISQAN DEUTEROCANONICAL

²⁵ Manachayrí imatataj rikorqankichejri? Sumaj p'achayoj runatachu? Qankuna yachankichej, pikunachus sumaj p'achallisqa kaspa, chhika patapi kawsajkuna kamachina wasikunapi kashanku.

DIOSPA QHELQACHISQ

²⁵ Manachayrí imatataj rikorqankichejri? Sumaj p'achayoj runatachu? Qankuna yachankichej, pikunachus sumaj p'achallisqa kaspa, chhika patapi kawsajkuna kamachina wasikunapi kashanku.

Quechua South Bolivia: Dios Parlapawanchej

²⁵ Manataj sumaj camachejjina p'achaswan p'achalliska runatachu tarerkanquichej. Chayjina p'achalliska cusiywan causaj runaka camachejcunaj wasisnincupi tiyacun.

San Lucas 7:25 Kruisverwysings

2 Samuel 19:35

Pusaj chunka watasniyojña kani, manaña yachanichu mayqenchus allin, mayqenchus mana allimpis mikhunasmanta, ujyanasmantapis. Manaña yachayta atinichu misk'ichus q'aymachus kasqantapis, manañataj uyariyta atinichu takejkuna takisqankutapis. Imaraykutaj qampa trabajoykipaj riymanri?

2 Reyes 1:8

Paykunataj kuticherqanku: Millma p'achayoj qhari, qara chumpiyojtaj karqa. Chanta reyqa nerqa: Chayqa tisbita Elías kanqa, nispa.

Ester (hebreo) 1:11

Paykunata kacharqa ñaupaqenman reina Vastita pusarimunankuta sumaj k'achanchasqata, pilluwan churaykusqata, jinataj chay reywan kasharqanku chay kurajkunapis rikunankupaj. Cheqamanta reinaqa k'achita karqa.

Ester (hebreo) 1:3

Rey Asueroqa kinsa watataña kamachishaspa, sumaj fiestata wakicherqa, kamachiysejkunasnimpaj, yanapajkunasnimpaj, Persiamanta, Mediamantawan soldadosta kamachejkunajpa kurajkunasninkupaj, chay tukuy suyuspi kamachejkunapaj, kurajkunapajwan.

Ester (hebreo) 4:2

Jinata qhaparispa reypa palacion punkukama chayarqa; manataj aswan ukhukama yaykuta aterqachu, qhashqa llakiy p'achayoj kaspa mana yaykuna kasqanrayku.

Ester (hebreo) 5:1

Kinsa p'unchaymantawan Esterqa reina p'achasta churaykukuspa, reypa palaciompa ukhu kaj pationman yaykorqa, maypichus reyqa tiyasqa kamachinampi kasharqa chay salaj ñaupaqenman. Chaytaj punku yaykuy cheqan chimpapi karqa.

Ester (hebreo) 8:15

Mardoqueoqa reypa ñaupaqenmanta reypa churakunan azulwan yurajwan color p'achasta churaykusqa, umampi jatun qori pillu churaykusqa, linomanta ruwasqa uj jatun puka mantawan qhataykusqataj. Chayta rikuspataj Susa llajtapi tukuy tiyakojkunaqa maytapuni kusikorqanku.

Isaías 59:17

Cheqan kaywan sumajta p'achallikorqa, salvación monterata umanman churakorqa. Maqanakuna p'achastawan churakorqa. Payllata munayninwan p'achawan jina qhataykukorqa.

San Mateo 11:8

Chayrí, imatataj qhawaj llojserqankichej? Sumaj llamp'u p'achayoj runatachu? Sumaj p'achayojkunaqa, reyespa wasisnimpi kashanku.

San Mateo 3:4

Juantaj camello millmamanta ruwasqa p'achawan p'achallisqa karqa: qara chumpiwantaj chumpiykusqa. Mikhojtaj langostasta, lachiwana misk'ita ima.

San Mateo 6:29

Cheqamanta niykichej, Salomompis, tukuy qhapaj atiynimpi, manapuni ujnin t'ika jinallapis p'achallikorqachu.

San Lucas 16:19

Uj qhapaj runa karqa. Paytaj linomanta awasqa puka p'achawan p'achallikoj. Sapa p'unchaytaj sumaj mikhuyta ruwaj, runaj rikunanta.

San Lucas 7:24

Kachas ripusqankutawantaj, Jesusqa Juanmanta runasman willayta qallarerqa, nispa: Imatataj ch'in pampapi rikumorqankichej? Wayraj kuyuchisqan soqosotachu?

San Lucas 7:26

Chantaqa, imatapunitaj rikumorqankichej? Uj profetatachu? Arí niykichej, profetamantapis astawanraj.