San Lucas 5:21 - Qheshwa Biblia DC

²¹ Chantá leymanta yachachejkuna, fariseoswan, paykuna ukhupi unanchaspa nisharqanku: Pitaj kay runa Diospa contranta parlajri? Manachu Dioslla juchastaqa pampachayta atin?, nispa.

DIOSPA QHELQACHISQAN DEUTEROCANONICAL

²¹ Chantá Diospa kamachisqanmanta yachachejkuna, fariseokunawan ima paykuna ukhupi unanchaspa, nisharqanku: Kay runaqa pi kasqantataj yuyakunri, ajinata Diospa contranta rimananpajri? Dioslla juchata pampachayta atin, nispa.

DIOSPA QHELQACHISQ

²¹ Chantá Diospa kamachisqanmanta yachachejkuna, fariseokunawan ima paykuna ukhupi unanchaspa, nisharqanku: Kay runaqa pi kasqantataj yuyakunri, ajinata Diospa contranta rimananpajri? Dioslla juchata pampachayta atin, nispa.

Quechua South Bolivia: Dios Parlapawanchej

²¹ Chaymanta israel yachachejcuna fariseopiwan tanteyacuyta kallarerkancu: “¿Pitaj cay runa ajinata parlaspa Diosta phiñachejrí? Dioslla juchasta khechuytaka atin”, nispa.

San Lucas 5:21 Kruisverwysings

Salmos 103:3

Paypuni tukuy sajra ruwasqasninmanta perdonawan, onqoypipis pay thañichiwan.

Salmos 130:4

Qampi perdonta tariyku; chayrayku yupaychasuyku.

Salmos 32:5

Mana imata pakaspa, tukuy juchayta, sajra ruwasqasniytawan willakorqayki. Nerqani juchasniyta willakusunayta, qantaj Señor perdonawarqanki.

Salmos 35:5

Paykunata Señorpa angelnin wijch'uchun, wayraj apasqan ichhu jina.

Isaías 1:18

Señortaj nin: Jamuychej parlasunchej. Juchasniykichejqa may jina pukapis kachunku, rit'i jina yuraj kanqanku; may jina kullipis kachunku, yuraj millma jina kanqanku.

Isaías 43:25

Noqarí, noqa kikiyta munakusqayrayku chay millay juchaykichejta pichani. Chay juchasniykichejmantaqa manaña yuyarikusajchu.

Isaías 44:22

Noqa juchasniykitaqa uj phuyuta jina chinkarichini, mana kasukusqaykitataj urphuta jina. Noqaman kutirimuy, noqamin qantaqa salvarqayki.

Daniel (hebreo) 9:19

Señorníy, Señorníy! Uyariwayku, juchasniykuta pampachapuwayku. Uyarillawayku, Señor, jamuytaj yanaparinawaykupaj. Qanrayku, Diosníy, usqhayllata jamuy ari, imaraykuchus kay llajtayki, kay aylluykipis sutiykita oqharikunku.

Daniel (hebreo) 9:9

Señor Diosniyku, qampi kashan khuyakoyqa, juchasta pampachaypis. Noqaykoqa contraykita sayarerqayku.

Levítico 24:16

Pillapis Señorpa contranta rimajtaqa tukuy runas rumiwan ch'anqaspa wañuchenqanku. Señorpa contranta rimajqa karu llajtayojpis kachun, chayri israelitapis kachun, wañuchisqa kanqa.

Miqueas 7:19

Ujtawan khuyarikullaytaj noqaykumanta, juchasniykutataj p'ampaykapuy. Mama qochaj ukhunman juchasniykuta wijch'uykapuy.

San Mateo 26:65

Jatun sacerdotetaj, p'achasninta llik'irakuspa, nerqa: Kay runaqa Diospa contranta riman. Imapajñataj testigosta munanchejri? Kunampacha uyarishankichej, Diospa contrampi rimasqanta.

San Mateo 9:3

Wakin leymanta yachachejkunataj sonqonku ukhupi nisharqanku: Kay runa Diospis kanman jina parlashan.

San Lucas 3:8

Allinta kausaychej ari, rikuchispa juchamanta kutirikusqaykichejta; ama qankunapuralla ninakuychejchu: Tatanchejqa Abraham nispa. Noqa niykichej, Diosqa kay rumismantapis atin oqhariyta Abrahampaj wawasta.

San Lucas 5:17

Uj kuti, Jesús yachachinankama, wakin fariseos leymanta yachachejkunawan chaypi tiyasharqanku. Paykunaqa jamusqanku tukuynin Galilea ranchosmanta, Judeamanta, Jerusalenmanta ima. Señorpa atiynintaj Jesuswan karqa onqosqasta thañichinampaj.

San Lucas 5:22

Yuyasqankuta yachaspataj Jesús kuticherqa: Imaraykutaj chay jinata yuyashankichejri? Kikillampuni, juchasniykimanta perdonasqaña kanki niypis, sayarikuy puririytaj niypis.

San Lucas 7:49

Tukuy paywan khuska mikhojkunataj, paykuna ukhu niyta qallarerqanku: Pi runataj kay, juchastapis pampachajri?

San Juan 10:33

Judiostaj kuticherqanku: Allin ruwasqasmantaqa mana ch'anqasqaykuchu, manachayqa Dios jina parlasqaykimanta; runa kashaspa Dioswan khuskachakusqaykimantataj.

Romanos 8:33

Pitaj Diospa ajllasqasninta ch'ataykunmanri? Dioslla mana juchayojta rikhurichin.