San Lucas 20:16 - Qheshwa Biblia DC

¹⁶ Jamonqa ari, wañurkachenqataj chay llank'ajkunata. Jallp'antataj waj llank'ajkunaman qonqa. Chayta uyarispataj nerqanku: Ama chaytaqa Dios munallachumpischu!

DIOSPA QHELQACHISQAN DEUTEROCANONICAL

¹⁶ Pay jamuspa, chay llank'ajkunata wañurachenqa, huertantataj waj llank'ajkunaman qonqa, icharí? nispa. Chayta uyarispa, runakunaqa nerqanku: Ama chaytaqa Dios munallachunpischu, nispa.

DIOSPA QHELQACHISQ

¹⁶ Pay jamuspa, chay llank'ajkunata wañurachenqa, huertantataj waj llank'ajkunaman qonqa, icharí? nispa. Chayta uyarispa, runakunaqa nerqanku: Ama chaytaqa Dios munallachunpischu, nispa.

Quechua South Bolivia: Dios Parlapawanchej

¹⁶ Cayta ruwanka: Jamuspa chay llanc'aj runasta wañurachenka jallp'antataj wajcunaman arrendayconka, —nispa. Chayta uyarejcunataj nerkancu: —¡Ni jayc'aj ajinaka cachunchu! —nispa.

San Lucas 20:16 Kruisverwysings

San Mateo 21:34

Uvas pallaypitaj, wakin kamachisninta kacharqa, paypa partenta qopunankupaj.

San Mateo 21:41

Paykunataj kuticherqanku: Chay sajra llank'ajkunataqa, mana khuyaspa wañurachenqa; jallp'antataj waj llank'ajkunaman qonqa, cosechapi partenta qopunankupaj.

San Mateo 22:7

Reytaj chayta uyarispa phiñakorqa, uj tropa soldadosnintataj kacharqa, chay runa wañuchista tukuchinankupaj; llajtankutataj ruphaykuchinankupaj.

Marcos 12:9

Imananqataj uvas chajrayoj? Payqa jamuspa, chay llank'ajkunata wañurachenqa, uvas chajrantataj wajkunaman qonqa.

San Lucas 19:27

Jinallatataj, jaqay contrariosniy mana rey kanayta munajkunata, kayman pusamuychej, noqaj ñaupaqeypitaj wañurachiychej.

San Lucas 20:15

Chantá, chajramanta jawaman orqhoytawan wañurparicherqanku. Chaymantataj, Jesús taporqa paykunata: Imananqataj llank'ajkunata uvas huertayojri?

Hechos 13:46

Pablowan Bernabewan mana manchachikuspa, paykunaman nerqanku: Diospa palabranta qankunamanraj willanayku karqa. Qankunataj qhesachankichej, nitaj wiñay kausaytapis jap'iyta munankichejchu. Chayrayku kunanqa waj llajtayoj runasman ripusqayku.

Romanos 11:1

Kunanqa tapuni: Diosqa ayllunta qhesachanchu? Mana imaynamantapis qhesachanchu. Noqapis israelita kani, Abrahampa mirayninmanta, Benjamimpa ayllunmantataj.

Romanos 11:11

Kayta nini: Israelitasqa urmanankupajchu misk'arqanku? Mana jinachu, astawanqa paykunaj juchankurayku salvacionqa gentilesman jamorqa, israelitasta moq'echinampaj.

Romanos 3:31

Chantá, feraykuchu leyta qhesachanchej? Mana imaynamantapis qhesachanchejchu, astawanqa leyta sinch'ita sayachinchej.

Romanos 3:4

Chayqa mana jinachu; astawampis Diosqa cheqamin, tukuy imata ruwan cheqa kajman jina, tukuy runataj llulla, escribisqa kasqanman jina: Palabrasniynejta cheqan runapaj qhawasqa kanaykipaj; juzgasojtinkutaj atipanaykipaj.

Romanos 3:6

Chayqa mana jinachu; ajina kanman chayqa, Dios imaynatataj mundota juzganman?

Romanos 6:15

Chantaqa, juchallikusunchu mana leypa kamachiynimpi kaspa, Diospa khuyakuynimpi kasqanchejrayku? Chayqa mana jinachu.

Romanos 6:2

Chayqa mana jinachu. Juchapajqa wañorqanchejña. Imaynatataj juchallapipuni kausasunri?

Romanos 7:13

Chantá, chay allin kaj leychu churasqa karqa noqa wañunaypaj? Chayqa mana jinachu; manachayqa jucha kasqanta rikuchinawampaj noqata wañuchiwarqa allin kajnejta. Jinamanta juchaqa leynejta manchay sajra juchallikojpuni kasqanta rikuchikorqa.

Romanos 7:7

Chantá, ima nisuntajri? Leyqa juchachu? Chayqa mana juchachu. Noqaqa mana imaynamantapis juchata rejsiymanchu karqa mana ley kajtenqa; manallataj rejsiymanchu karqa imachus munapayay kasqantapis, manachus ley ninman karqa, ama munapayankichu, nispa chayqa.

Romanos 9:14

Chantá ima nisuntajri? Diosqa manachu cheqanta ruwanman? Chayqa mana jinachu.

1 Corintios 6:15

Manachu yachankichej qankunaj cuerpoykichejqa Cristoj cuerponmanta kasqanta? Chaykunata Cristoj cuerponmanta qhechuspachu qhencha warmej cuerponman chajruyman? Manapuni.

Gálatas 2:17

Cristopi mana juchayojpaj rejsisqa kayta mask'ashaspachus, noqaykupis juchayoj tarisqas kaykuman chayqa, chaychu niyta munan Cristoqa juchata ruwachisqanta? Chayqa mana jinachu.

Gálatas 3:21

Moisespa leynenqa Diospa qosqayki nisqampa contranchu? Chayqa mana jinachu; leyqa kausachinampaj qosqa kanman karqa chayqa, cheqan kayqa, cheqamanta leynejta kanman karqa.

Gálatas 6:14

Noqaqa Señorninchej Jesucristoj cruznillampi kusikuni. Paynejta noqapajqa mundo chakatasqa karqa, noqataj mundopaj.