Levítico 21:10 - Qheshwa Biblia DC

¹⁰ Sacerdotespa kurajninku ajllasqa aceitewan umampi jawisqa, payqa sacerdote p'achasta churakunampaj t'aqasqa. Umanta ama q'ara umakonqachu, nitaj p'achasnintapis llik'irakonqachu llakisqa kasqanta rikuchinampaj.

DIOSPA QHELQACHISQAN DEUTEROCANONICAL

¹⁰ Kuraj kaj sacerdote kananpaj aceitewan umanpi jawisqa kasqanrayku, sacerdote p'achata churakunanpaj t'aqasqa kashan. Ajinaqa llakisqa kasqanta rejsichinanpaj, ama umanta t'ojluchikonqachu, nitaj p'achantapis llik'irakonqachu.

DIOSPA QHELQACHISQ

¹⁰ Kuraj kaj sacerdote kananpaj aceitewan umanpi jawisqa kasqanrayku, sacerdote p'achata churakunanpaj t'aqasqa kashan. Ajinaqa llakisqa kasqanta rejsichinanpaj, ama umanta t'ojluchikonqachu, nitaj p'achantapis llik'irakonqachu.

Levítico 21:10 Kruisverwysings

Génesis 37:34

Chaymanta Jacobqa p'achasninta llik'ikorqa, jinaspataj lutota churakorqa unayta, wawan chinkapusqanmanta.

2 Samuel 15:30

Davidqa Olivos orqo wichayta q'ara chakilla, waqaspa, uman qhatasqataj wicharerqa. Tukuy paywan kajkunapis uman qhatasqas waqaspallataj wicharerqanku.

Ester (hebreo) 6:12

Ajinata muyurimuytawan Mardoqueoqa palacio punkuman kutiporqa. Amantaj usqhay usqhayta wasinman kachaykukorqa may llakisqa, uyanta pakaykukuspa.

Job 1:20

Chayta uyarispa Jobqa manchay llakisqa sayarikuspa, p'achasninta llik'irakorqa, chujchasnintapis k'uturakorqa. Jinaspataj pampaman k'umuykukorqa, nerqataj: Noqaqa q'alalla mamaypa wijsanmanta llojsimorqani, q'alallataj llojsipusaj kay mundomanta. Tukuy imasniyta Señor qowarqa, kunanqa payllataj chay imasta qhechukapuwan. Chaywampis Señorpa sutenqa bendicisqa kachun!

Salmos 133:2

K'acha q'apayniyojwan runata jawina jina, chaytaj Aarompa umanmanta sunkhankama uraykun, p'achasninman suruykunankama.

Éxodo 29:7

Chaymantataj jawinayki aceitewan umanman jich'aykuspa jawiykunki sacerdote kanampaj.

Ezequiel 24:17

Ch'inllamanta phutikuy, amataj llakiy p'achata churakuychu wañusqayoj runa jinataqa. Umaykita mayt'ukuy, ujut'asniykitataj churaykukuy. Umaykitapis ama p'antawan llakiyniyoj jinataqa qhatakuychu, amataj llakiypi kashaspa mikhuna imasta mikhuychu.

Levítico 13:45

Pichus ajina llijti lepra onqoyniyojqa llik'isqa p'achasta churakuchun, ch'aska umallataj purichun, siminta qhataykukuspataj qhaparichun: Leprayoj kani! Leprayoj kani!, nispa.

Levítico 16:32

Sacerdotepaj aceitewan jawisqa kajqa mayqenchus t'aqasqa karqa tatampa cuentanmanta sacerdote kanampaj chay kajqa, rikuchikuta jaywanqa juchamanta perdonta tarinampaj. Chantapis linomanta ruwasqa t'aqasqa p'achasta churakonqa.

Levítico 4:3

Sichus aceitewan jawisqa sacerdote juchallikun, runastawan juchallichin chayqa, pay Señorman apamuchun uj torillota sumajnin kajta mana iman imanasqata, chay juchampa cuentanmanta rikuchiku kanampaj.

Levítico 8:12

Chaymanta Moisesqa Aarompa umanman chay ajllaspa jawina aceitewan jich'aykorqa, sacerdotepaj t'aqasqa kanampaj.

Números 35:25

Jinamanta jark'anqanku wañojpa aswan qaylla kaj ayllun aynita junt'aspa wañuchinanmanta. Paytataj kutichenqanku pakakuna llajtaman, mayqentachus pakakunapaj mask'arqa chayman. Chaypi chay runaqa pakakonqa, aceitewan jawispa ajllasqa jatun kaj sacerdote wañupunankama.

San Mateo 26:65

Jatun sacerdotetaj, p'achasninta llik'irakuspa, nerqa: Kay runaqa Diospa contranta riman. Imapajñataj testigosta munanchejri? Kunampacha uyarishankichej, Diospa contrampi rimasqanta.