Jueces 7:12 - Qheshwa Biblia DC

¹² Madianitaswan, amalecitaswan, chantá inti llojsimuynejmanta chay runaspis ch'eqerasqas langostas jina chay pampa junt'a kasharqanku. Camellosninkupis may chhika karqa mar qocha cantopi t'iya jinapuni.

DIOSPA QHELQACHISQAN DEUTEROCANONICAL

¹² Madianitakunawan, amalecitakunawan, chantá inti llojsimuynejmanta chay runakunapis phinki phinkikuna jina chay pampapi mast'alla kasharqanku. Camellonkunapis may chhika karqanku, mama qocha kantupi t'iyu chhikapuni.

DIOSPA QHELQACHISQ

¹² Madianitakunawan, amalecitakunawan, chantá inti llojsimuynejmanta chay runakunapis phinki phinkikuna jina chay pampapi mast'alla kasharqanku. Camellonkunapis may chhika karqanku, mama qocha kantupi t'iyu chhikapuni.

Jueces 7:12 Kruisverwysings

1 Reyes 20:27

Israelitaspis soldadosninkuta waturillarqankutaj, chanta wakichikusqankuta oqharikuspataj rerqanku sirioswan maqanakoj. Israelitasqa paykunaj ñaupaqenkupi jarakorqanku iskay cabra tropas jinalla, siriostaj tukuynin pampata junt'aykorqanku.

1 Reyes 4:30

Salomompa yachaynenqa inti llojsimuy ladomanta yachayniyojkunamanta, Egipciospamantapis astawampuni karqa.

Salmos 3:1

Señor, enemigosneyqa ashkha kanku, ashkhallataj contraypi churakojkunapis.

Salmos 33:16

Ni mayqen reypis soldadosninwanqa salvakunmanchu, nitaj wapu runaspis kallpallanwanqa.

Jeremías 46:23

Chay sach'asninta k'utukaponqanku. Noqa Señor chayta nini. Langostasmanta aswan ashkhas karqanku, manataj pipis yachayta aterqachu.

Josué 11:4

Tukuy kay reykunataj llojsiykamorqanku mar qocha t'iyu jina, may chhika soldadosninkuwan, may chhika caballosninkuwan, caballospa qhatatinan carrosninkuwan ima.

Jueces 6:3

Israelitaspata ima tarpusqallankupis kajtin, madianitasqa amalecitaspis chantá inti llojsimuynejmanta runaspis chajrasninkuman suwaj yaykuykullajpuni kanku.

Jueces 6:33

Chaypacha tukuy madianitas, jinataj amalecitaspis, chantá inti llojsimuynejmanta kaj runaspiwan, tantaykukorqanku chimparqankutaj Jordán mayuta, chay Jezreel vallepitaj jaraykukorqanku.

Jueces 6:5

Chay carpa wasisninkuwan jinataj uywasninkuwan chay jallp'aman junt'aykorqanku tukuy imasta phiriraspa. Langostas jinapuni may chhika camellosninkuwan junt'aykorqanku.

Jueces 7:13

Gedeón, enemigoj campamentonman qayllaykushajtintaj, uyarerqa uj soldadota waj soldadoman willarishajta chay ch'isi mosqokusqanmanta, nisharqataj: Mosqokorqani uj cebada t'anta jaranchejman bolalaykamushasqanta, ujnin toldoman qomuspataj urmarparichisqa.

Jueces 8:10

Zebawan Zalmunawan chunka phishqayoj waranqa runaswan kasharqanku Carcorpi. Paykunaqa puchorqanku chay pachaj iskay chunkayoj waranqa inti llojsimuynejmanta kaj soldados wañorqanku chaykunamanta.

1 Samuel 13:5

Ajinallatataj filisteospis israelitaswan maqanakunankupaj tantaykukorqanku. Paykunajtaqa kinsa chunka waranqa maqanaku carretasninku karqa, sojta waranqa soldadostaj caballospi maqanakojkuna; chakillapi rej soldadostaj mar qochaj t'iyusnin jina may chhikapuni karqanku. Chay qhepatataj kachaykukorqanku Micmas llajtaman, chaypitaj jarakorqanku Bet-avenmanta inti llojsimuyejpi.

1 Samuel 30:17

Chaypacha Davidqa tutamantapacha inti yaykunankama paykunawan maqanakorqa, tukuyninkutataj wañuracherqa. Tawa pachaj runaslla camellosninkuman lloq'aykuytawankama ayqerikaporqanku.