Jueces 19:1 - Qheshwa Biblia DC

¹ Maypachachus Israel ukhupi manaraj rey kashajtin, uj levita runa tiyakorqa Efraimpa aswan karu orqosnejpi, paytaj oqharikorqa uj warmita Judá jallp'api Belén llajtamanta, mana casaraspallataj kausarqa chay warmiwan.

DIOSPA QHELQACHISQAN DEUTEROCANONICAL

¹ Israel ukhupi manaraj kuraj kamachej kashajtin, uj levita tiyakorqa Efrainpa jallp'ankupi aswan karu orqorara cheqanejpi. Paytaj, Judapi Belén llajtamanta uj warmiwan tantakorqa.

DIOSPA QHELQACHISQ

¹ Israel ukhupi manaraj kuraj kamachej kashajtin, uj levita tiyakorqa Efrainpa jallp'ankupi aswan karu orqorara cheqanejpi. Paytaj, Judapi Belén llajtamanta uj warmiwan tantakorqa.

Jueces 19:1 Kruisverwysings

Génesis 22:24

Chanta Nacorpata wawasnin kallarqankutaj Reuma warmipi, piwanchus tantalla tiyaj kanku. Chay wawasnintaj karqanku: Teba, Gaham, Tahas, Maaca ima.

Génesis 25:6

Jinamanta Abrahamqa wakin warmisnimpi wawasninman pisi imasllata jaywararqa. Chaymantaqa kausashaspallaraj Isaacmanta chay wakin wawasninta t'aqaspa inti llojsimuynejman kacharqa.

Génesis 35:19

Ajinata Raquelqa wañuporqa. Chaymantataj p'amparqanku Efrata ñampi, mayqenchus Belén kashan.

2 Samuel 16:22

Chaypacha wasi patapi uj toldota churaporqanku Absalompaj, chaypitaj tatampa chay tanta warmisninwan puñuykakaporqa tukuy Israel aylloj rikunanta.

2 Samuel 19:5

Chaypacha Joabqa palacionman rispa reyman nerqa: Qan reyniykoqa kamachisniykita p'enqaypi rikhurichinki. Paykuna kausayniykita salvarqanku, qhari wawasniykita, warmi wawasniykita, warmisniykita, tanta warmisniykita ima, chaykunata.

2 Samuel 20:3

Davidqa Jerusalempi palacionman kutipuspa chay chunka tanta warmisninta palaciota qhawanankupaj saqerqa, chaykunata uj wasiman wisq'aykucherqa soldadoswan qhawachispa. Chaypi mikhunamanta qhawallarqapuni, chaywampis manañataj ujtawan paykunawanqa puñuykorqachu. Ajinata chay warmisqa wisq'asqa qhepakorqanku, kausaspa warmi sapas jina wañupunankukama.

2 Samuel 3:7

Saulpata tiyapusqa uj tanta warmin Rizpa sutiyoj, payqa Ajaj wawan karqa, Abnertaj chay warmiwan puñuykakapusqa. Chayraykutaj Is-bosetqa Abnerta k'amispa nerqa: Imaraykutaj tataypa warminwan puñuykakaporqankiri?, nispa.

2 Samuel 5:13

Hebronmanta, Jerusalenman jampusqanmantaña, Davidqa waj warmiswan ima casarakullarqataj, wakinwantaj tantakullarqa, chay warmispitaj astawan qhari wawasnin jinataj warmi wawasnimpis kallarqankutaj.

1 Reyes 11:3

Tukuynimpi qanchis pachaj warmisnin reinas karqa; tantalla karqanku chay warmisnintaj kinsa pachaj, chay warmisnintaj paypa sonqontaqa pantacherqanku.

1 Reyes 4:8

Kaykunataj paykunaj sutinninku karqa: Ben-Hurpa wawan Efraín orqospi;

2 Crónicas 11:21

Roboampa warmisnenqa karqanku chunka pusajniyoj. Tanta warmisnintaj sojta chunka karqanku. Tukuyninmanta astawanqa Maacata munakorqa. Iskay chunka pusajniyoj qhari wawasnin karqanku. Warmi wawasnintaj sojta chunka karqanku. Warmi wawasnintaj sojta chunka karqanku.

Ester (hebreo) 2:14

Chay sipasqa ch'isiyaykuyta reypa palacionman rej. Q'ayantin paqarintaj warmispa ujnin kaj palacionman rej. Paykunataqa waqaychaj reypa kamachin Saasgaz sutiyoj. Paytaj reypa warmisninta qhawaj. Payqa mana reymanqa rillajchu. Rey pitachus wajyamuy nejtillan payqa kasoj.

Daniel (hebreo) 5:3

Chay vasosta apamorqanku. Chay vasospitaj ujyarqanku rey, chanta warmisninku, paywan tantakusqas karqanku chay waj warmikunapis, jinallataj chay qhochukuman wajyasqas karqanku chaykunawan ujyarqanku.

Malaquías 2:15

Manachu kikin Dios ruwarqa runaj cuerponta espirituntawan? Imatataj Pay munan? Manachu munan wawasnin Payllaman sonqonkuta jaywanankuta? Allinta qhawakuychej ari, espirituykichejpi, amataj warmiykichejman wayna kashaspa parlakusqaykichejmanta pantaychejchu.

San Mateo 2:6

Qanrí Belén, Judaj jallp'ampi kaj, manamin aswan juch'uychu kanki Judaj llajtasnin ukhupi. Qanmanta llojsenqa uj kamachej, paytaj Israel aylluyta michenqa.

Josué 24:30

Ayantataj p'ampamorqanku Timnat-sera jallp'allampitaj, chayqa kashan Efraín orqopi, Gaas orqomanta patanejpi.

Josué 24:33

Aarompa wawan Eleazarpis wañupullarqataj, ayantataj p'amparqanku wawan Fineespa lomampi, chay jallp'ata qorqanku Efraimpa orqosnimpi.

Jueces 12:8

Jeftéj qhepantaqa Belenmanta Ibzan, Israelpa atipachejnin karqa.

Jueces 17:1

Efraimpa orqosnimpi tiyakorqa uj runa Micaía sutiyoj.

Jueces 17:6

Chay tiempospeqa Israelpi mana karqachu rey, sapa ujninku ruwaj kanku munayninkuman jina.

Jueces 17:7

Judá jallp'api Belén llajtamanta uj wayna karqa, payqa Judá ayllumanta levita karqa, waj llajtayoj jinataj chaypi tiyakusharqa.

Jueces 17:8

Kay waynaqa Belén llajtamanta llojsimporqa mask'aspa sumaj kausayta waj lugarpi, purispataj chayarqa Efraimpi tarikun chay orqosman, Micaíaj wasinman.

Jueces 18:1

Chay tiempospeqa Israel ayllu ukhupi mana reyninku karqachu. Dan ayllojtapis manaraj jallp'an karqachu, ajinaqa mask'asharqanku maypichus tiyakunankuta.

Jueces 18:13

Chaymantataj rerqanku Efraimpa orqosninman, chayarqankutaj Micaiajpa wasinman.

Jueces 19:16

Jinapis ña allin tutañaqa uj machu runa campopi llank'asqanmanta kutimpusharqa chaynintataj pasarqa. Chay machu runaqa Efraimpa orqosninmanta karqa, chaypitaj tiyakorqa waj llajtayoj runa jinalla, chaywampis Gabaapi tiyakojkunaqa tukuyninku karqanku Benjamimpa ayllunmanta.

Jueces 19:2

Chay warmitaj qosanta wasanchaspa riporqa Belén llajtaman tatampa wasinman. Tawa killastataj chaypi qhepakorqa.

Jueces 21:25

Chay tiempospeqa Israelpi manaraj rey karqachu, chayrayku sapa ujninku munasqankuman jinalla ruwaj kanku.

Jueces 3:27

Israel jallp'aman chayaspañaqa, Efraín orqosnimpi putututa waqacherqa israelitasta wajyaspa. Tukuynin israelitastaj chay orqosmanta uraykamorqanku, Aodtaj ñaupaqenkuta rerqa.