San Juan 8:6 - Qheshwa Biblia DC

⁶ Chayta nerqanku imaynatachus Jesús kutichinanta, chayman jina payta ch'ataykunankupaj. Jesustaj k'umuykuspa pampapi dedonwan escriberqa.

DIOSPA QHELQACHISQAN DEUTEROCANONICAL

⁶ Chayta nerqanku, imatachus Jesús kutichinanta yachayta munaspa, chayman jina payta ch'ataykunankupaj. Jesustajrí k'umuykuspa, ruk'ananwan pampapi qhelqayta qallarerqa.

DIOSPA QHELQACHISQ

⁶ Chayta nerqanku, imatachus Jesús kutichinanta yachayta munaspa, chayman jina payta ch'ataykunankupaj. Jesustajrí k'umuykuspa, ruk'ananwan pampapi qhelqayta qallarerqa.

Quechua South Bolivia: Dios Parlapawanchej

⁶ Chayta taporkancu Jesusta pantachiyta munaspa payta juchachanancupaj. Jesusrí pampaman c'umuycuspa maquinwan jallp'api kelkayta kallarerka.

San Juan 8:6 Kruisverwysings

Génesis 49:9

Qanqa, Judá wawáy. Qan kanki león uña jina; maypachachus aycha mikhunaykita qhechuyta munasunku chayqa, pampaman winkuykunki uj jatun leompis kawaj jina. Pitaj payta toreanmanri?

Salmos 39:1

Noqa nerqani: Allinta kausasaj, qalluywan ama juchachakunaypaj, simiyta wisq'asaj ñukuwan jina, sajra runas ñaupaqeypi kanankukama.

Proverbios 26:17

Waj runaspa quejasninman churakoyqa, alqoj ningrinmantapis jap'iykukusunman jina.

Eclesiastés 3:7

Uj tiempoqa llik'inapaj, uj tiempotaj siranapaj. Uj tiempoqa ch'inyanapaj, uj tiempotaj parlanapaj.

Jeremías 17:13

Señor, qanmin Israelpa suyaynenqa kanki. Pichus saqekojqa p'enqachisqa rikhurenqa. Qanmanta tukuy karunchakojqa chinkarenqanku, ñut'u jallp'api uj suti qelqasqa jina, chayqa kashan saqerparisusqankurayku, uj ch'uwa yaku juturi jina qan kashajtiyki.

Daniel (hebreo) 5:5

Chay rato uj runa maki rikhurimorqa, k'anchaypitaj dedonwan qelqayta qallarerqa, reypata palaciompa yuraj perqampi. Reytaj chay qelqaj makita rikuytawanqa, q'elluman tukorqa, chanta, manchachikuspa kharkatiterqa chakisninmanta umankama.

Amós 5:10

Ay qankunamanta cheqan kajta ruwajta chejnejkuna, cheqanta sut'inchajkunata millachikojkuna.

Amós 5:13

Chaynejta yachayniyoj kajqa ch'inllaña kakun, imaraykuchus p'unchaykunaqa ancha sajra.

Números 14:22

Egiptopi, kay ch'in pampaspipis ashkha milagro ruwasqasniytapis rikullankutaj. Kay ch'in pampaspi chunka kutitaña noqaj contrayta oqharikunku, kamachisqasniyta mana kasuwayta munankuchu.

San Mateo 10:16

Kunanqa, noqa kachashaykichej, ovejasta jina atojkunaj chaupinman. Kataris jina sumaj yuyayniyoj kankichej; palomas jinataj llamp'u sonqosniyoj.

San Mateo 15:23

Jesustaj mana imata kuticherqachu warmiman. Chantá yachachisqasnin Jesusman qayllaykuspa nerqanku: Kachapuy, imaraykuchus qhepanchejta qhaparispa jamushan.

San Mateo 16:1

Chaymantataj, fariseos saduceoswan Jesusman qayllaykorqanku, imaynallapipis urmachiyta munaspa; mañarqankutaj, janaj pachamanta ima señaltapis rikuchinanta.

San Mateo 19:3

Wakin fariseostaj Jesusman qayllaykorqanku pantachiyta munaspa, taporqankutaj: Qhareqa atillanchu warminmanta t'aqakuyta mana imallamanta?

San Mateo 22:18

Jesustaj, sajra yuyayninkuta yachaspa nerqa: Puraj uyas. Imaraykutaj pantachiwayta munankichej?

San Mateo 22:35

Paykunamanta ujnin, leymanta yachachejtaj, pantachiyta munaspa taporqa: Maestro, leypa kamachiynimpi mayqentaj aswan jatunri?

San Mateo 26:63

Jesustaj ch'inlla kakorqa. Chaymantataj jatun sacerdoteqa, payman nerqa: Kausashaj Diospa sutimpi niwayku. Qanchu Cristo, Diospa Churin kanki?

Marcos 10:2

Chantá fariseos Jesusman chimpaykorqanku; payta pantachiyta munaspa taporqanku: Niwayku, atikunchu qhareqa warminmanta t'aqakunan?

Marcos 12:15

Jesustaj puraj uyas kasqankuta yachaspa, paykunaman nerqa: Imaraykutaj pantachiwayta munankichej? Denario qolqeta apamuychej qhawanaypaj.

Marcos 3:2

Wakin runas chaypi kajkunamanta, Jesusta wateqasharqanku; rikuyta munaspa samakuna diapi, thañichenqachus manachus nispa; chay jawataj ch'ataykunankupaj.

Marcos 8:11

Chaymantaqa, fariseos jamuspa Jesuswan churanakuyta qallarerqanku; pantachiyta munaspataj mañarqanku cielomanta señalta rikuchinanta.

San Lucas 10:25

Chantá uj runa leymanta yachachej, Jesusman qayllaykuspa pantachiyta munaspataj, taporqa: Maestro, imata ruwaspataj wiñay kausayniyoj kasajri?, nispa.

San Lucas 11:16

Wajkunataj, Jesusta pantachiyta munaspa uj señalta ruwananta munarqanku.

San Juan 8:2

Q'ayantintaj sut'iyayta temploman Jesús kutirerqa, llajtamanta tukuy runastaj qayllarqanku. Jesustaj tiyaykukuspa chay runasman yachachiyta qallarerqa.

1 Corintios 10:9

Amataj Señorta phiñachinachu, imaynatachus paykunamanta wakinkuna phiñacherqanku ajinata. Chayrayku wañorqanku katarispa wach'isqawan.