San Juan 8:41 - Qheshwa Biblia DC

⁴¹ Qankunaqa ruwashankichej tataykichejpa ruwasqanta. Paykunataj nerqanku: Mana noqaykoqa qhenchachakojpa wawasninchu kayku; uj tatayojlla kayku, chaytaj Dios.

DIOSPA QHELQACHISQAN DEUTEROCANONICAL

⁴¹ Qankunarí tataykichej jinallataj ruwashankichej, nispa. Paykunataj nerqanku: Mana noqaykoqa k'ipa wawachu kayku. Uj Tatayojlla kayku, chaytaj Diosmin, nispa.

DIOSPA QHELQACHISQ

⁴¹ Qankunarí tataykichej jinallataj ruwashankichej, nispa. Paykunataj nerqanku: Mana noqaykoqa k'ipa wawachu kayku. Uj Tatayojlla kayku, chaytaj Diosmin, nispa.

Quechua South Bolivia: Dios Parlapawanchej

⁴¹ Kancunaka tatayquichejpa ruwanasninta ruwanquichej, —nerka Jesús. Paycunataj mayta cuticherkancu: —Ujlla tataycoka, paytaj Dios. Nokaycoka mana khenchachacuymantachu nacerkaycu, —nispa.

San Juan 8:41 Kruisverwysings

Éxodo 4:22

Qanqa ninki faraonman: Señorqa, ajinata nin: Israelqa noqaj kuraj wawaymin.

Isaías 63:16

Qanlla tataykoqa kanki, Abraham tataykuta, mana rejsiwaykuchu. Israelqa mana yuyarikuwaykuchu. Qanlla tataykoqa kanki Señor. Noqaykoj wiñay salvawajniyku sutiyoj nisqa kanki.

Isaías 64:8

Kunanqa Señor, qan tatayku kanki. Noqaykoqa t'urulla kayku imaraykuchus qanmin t'urumanta ruwawarqayku. Chayrayku noqaykoqa tukuyniyku makisniykej ruwasqasnin kayku.

Jeremías 3:19

Israel, noqa qanta wawaypaj jina jap'ikapuyta yuyarqayki, sumaj moq'ena jallp'ata qonasuypaj; tukuy kay pachapi jallp'asmanta aswan k'acha jallp'ata. Noqa yuyarqani tatáy ninawaykita, manataj jayk'ajpis noqamanta karunchakunaykita.

Jeremías 31:20

Efraín llajtaqa noqapaj munasqa waway jina; aswan munasqa kaj wawaj. Payta k'amini chaypis, manapuni paymanta qonqakapunichu, sonqoy wawayawajtin, mayta paymanta khuyakuni. Noqa Señor chayta nini.

Oseas 1:2

Señor kay jinata parlayta qallarerqa imastachus Oseasnejta willayta munasharqa chayta: Israel jallp'aqa qhenchachakun noqamanta t'aqakusqanrayku. Ajinallatataj qampis riy warmillikamuy uj sajra purej qhencha warmiwan, wawallikuytaj chay warmiwan, jinamanta qhencha warmej wawasnin kanqanku; nispa.

Malaquías 1:6

Tukuy Atiyniyoj Señorqa sacerdotesta nin: Wawasqa tatasninkuta honranku, uywasqaspis patronesninkuta honrallankutaj. Sichus noqa Tataykichej kani chayqa, sacerdotes, qankunaqa imaraykutaj mana honrawankichejchu? Sitajchus qankunajta Señorniykichej kani chayqa, imaraykutaj mana respetakuwankichejchu? Astawampis qankuna noqata qhesachaspa ninkichejraj: Imapi qanta qhesachasuyku?, nispa.

Malaquías 2:11

Judaqa mana kausanchu Diospa nisqanta junt'aspa, Jerusalempitaj ruwakun millay ch'ichi imas, Israelpipis kikillantaj. Judaqa p'akin Señor munakun chay templopi llimphu kausayta. Judapi tiyakoj qharistaj llulla dioskunata yupaychaj warmiswan casarakunku.

San Juan 8:38

Noqataj Dios Tataj qayllampi rikusqaymanta parlani, qankunataj ruwashankichej imatachus tataykichejmanta uyarisqallaykichejta.

San Juan 8:44

Qankunaqa tataykichej supaymanta kankichej; chay tataykichejpa munaynintataj junt'ayta munankichej. Payqa runa wañuchipuni qallariymantapacha karqa, manataj jayk'ajpis cheqapeqa sayarqachu, nitaj cheqa kajqa sonqompichu karqa. Llullata parlaspaqa, paypa kayninmanta parlan; imaraykuchus payqa llulla, llullakuypa tatan kasqanrayku.

Deuteronomio 14:1

Qankunaqa Señor Diosniykichejpa wawasnin kankichej. Ukhusniykichejta ama khuchukunkichejchu, nitaj piniykichej wañupojtimpis chujchasniykichejta umaykichejpa ñaupaqenmanta ruthunkichejchu.

Deuteronomio 32:6

Wampu runas, mana yachayniyojkuna, ajinatachu Señormanqa kutichinkichej? Manachu payqa tataykichej, ruwasojniykichejtaj? Paymin qankunataqa ruwasorqachej, uj ayllullamantaj tukuchisorqachej.

1 Juan 3:12

Mana Caín jinachu kananchej; payqa supaypata kaspa, wauqenta wañucherqa. Imaraykutaj payta wañucherqari? Caimpa ruwasqasnin sajras karqanku, wauqempatataj allin karqanku.