San Juan 2:19 - Qheshwa Biblia DC

¹⁹ Jesustaj paykunaman kuticherqa: Kay templota urmachiychej, kinsa p'unchaymantataj sayarichisaj.

DIOSPA QHELQACHISQAN DEUTEROCANONICAL

¹⁹ Jesustaj paykunata nerqa: Kay templota urmachiychej, noqataj kinsa p'unchayllapi watej sayarichisaj, nispa.

DIOSPA QHELQACHISQ

¹⁹ Jesustaj paykunata nerqa: Kay templota urmachiychej, noqataj kinsa p'unchayllapi watej sayarichisaj, nispa.

Quechua South Bolivia: Dios Parlapawanchej

¹⁹ Jesustaj paycunaman cuticherka: —Ruwaskayquichejwan tucuchillaychej cay yupaychana-wasita. Nokataj quinsa p'unchaypi cayta jatarichisaj, —nispa.

San Juan 2:19 Kruisverwysings

San Mateo 12:40

Imaynatachus Jonás, jatun challwaj wijsampi karqa kinsa p'unchayta, kinsa tutatawan; ajinallatataj, Runaj Churimpis kinsa p'unchayta, kinsa tutatawan jallp'aj sonqompi kanqa.

San Mateo 16:21

Chaypachamanta, Jesús yachachisqasninman willayta qallarerqa Jerusalenman rinampuni kasqanta, chaypitaj kurajkuna, leymanta yachachejkuna, kuraj sacerdotes ima, anchatapuni ñak'arichinankuta, wañuchinankuta ima; kinsa p'unchaymantataj kausarimunanta.

San Mateo 27:40

Nerqankutaj: Qan templota urmachej, kinsa diapitaj sayarichej; qan kikiykita kacharichikuy. Diospa Churin kanki chayqa, uraykamuy chay cruzmanta.

San Mateo 27:63

Paymantaj nerqanku: Señor, yuyariyku jaqay ch'auka runa kausashaspallaraj nisqanta: Kinsa p'unchaymanta kausarimusaj.

Marcos 15:29

Chaynejta purejkunataj, umankuta khiwirispa Jesuspaj rimarqanku: Wa! Qan kanki templota urmachej, kinsa p'unchaypitaj sayarichej!

Marcos 8:31

Chaymantataj yachachisqasninman yachachiyta qallarerqa Runaj Churin maytapuni ñak'arinanta; kuraj runas, kuraj sacerdotes, leymanta yachachejkuna ima qhesachanankuta; chaymantataj payta wañuchinankuta, kinsa p'unchaymantataj kausarimpunanta.

San Juan 11:25

Jesustaj payman nerqa: Noqa kani kausarimuy, kausaytaj; pichus noqapi creejqa, wañuchumpis kausanqa.

San Juan 5:19

Chaypacha Jesús kutichispa nerqa: Cheqamanta, cheqamanta niykichej: Diospa Churenqa, sapallanmanta mana imatapis ruwayta atinchu. Astawanqa imatachus Dios Tatata ruwajta rikun, kikillantataj Chureqa ruwan.

Hechos 2:24

Diostaj, Jesusta wañusqamanta kausarichimorqa, wañuypa nanachiyninmanta kacharichispa; imaraykuchus wañoyqa, atiynimpi mana paytaqa jap'ikapuyta aterqachu. Rey Davidpis, Jesusmanta parlaspa nerqa: Señortaqa ñaupaqeypi rikullanipuni. Payqa pañaypi kashan, amaña kuyurichinawampaj.

Hechos 2:32

Diosqa, kay Jesusta wañuymanta kausarichimorqa. Tukuyniyku kay tukuy imasta rikorqayku.

Hechos 3:15

Ajinata qankunaqa wañucherqankichej kausayta qojta. Diostaj paytaqa wañusqamanta kausarichimorqa, noqaykutaj chay rikusqaykuta willayku.

Hechos 3:26

Chayrayku Diosqa kamachinta kausarichimuspa, qankunamanraj ñaupajta kachamorqa, bendicisqa kanaykichejpaj, maypachachus sajra kausayniykichejta saqespa Diosman kutirejtiykichej.

Hechos 6:14

Chantá uyarillaykutaj nejta chay Jesús nazareno templota urmachinanta; astawanqa Moisespa kamachiyninta waj jinaman tukuchinanta.

Romanos 4:24

Noqanchejpajpis escribisqallataj karqa feninchej yupasqa kanampaj. Noqanchej creenchej Diospi, pichus Señorninchej Jesusta wañusqakunamanta kausarichimorqa, chaypi.

Romanos 6:4

Bautismonejta Cristowan khuska wañuypi p'ampasqas karqanchej, imaynatachus Cristopis, wañusqamanta kausarimorqa, Dios Tata jatunchasqa kanampaj atiyninwan; ajinallatataj noqanchejpis mosoj kausaypi purinachej.

Romanos 8:11

Wañusqamanta Jesusta kausarichejpa Espiritunchus qankunapi kashan chayqa, pitachus Dios kausarichimorqa, chayllataj wañusqa ukhuykichejta kausarichimonqa, qankunapi kashan chay Espiritunejta.

1 Corintios 15:12

Wañusqakunamanta Cristo kausarimusqanta willakun chayqa, imaynatataj qankuna ukhumanta wakin ninku wañusqamanta kausarimoyqa mana kanchu, nispa?

Colosenses 2:12

Bautizachikuspaqa Cristowan p'ampasqas karqankichej. Jinallatataj paywan kausarimorqankichej, creespa Dios atiyninwan wañusqakunaj chaupinmanta payta kausarichimusqanta.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.