San Juan 11:51 - Qheshwa Biblia DC

⁵¹ Caifastaj mana payllamantachu kayta nerqa: Astawanqa chay watapi kuraj sacerdote kasqanrayku sut'incharqa, Jesús wañunanta ayllunrayku.

DIOSPA QHELQACHISQAN DEUTEROCANONICAL

⁵¹ Caifás mana payllamantachu chayta nerqa. Manachayqa chay watapi kuraj kaj sacerdote kasqanrayku, Dios paynejta sut'incharqa Jesús tukuy judiokunarayku wañunanta.

DIOSPA QHELQACHISQ

⁵¹ Caifás mana payllamantachu chayta nerqa. Manachayqa chay watapi kuraj kaj sacerdote kasqanrayku, Dios paynejta sut'incharqa Jesús tukuy judiokunarayku wañunanta.

Quechua South Bolivia: Dios Parlapawanchej

⁵¹ Chaytaka mana payllamantachu nerka. Astawanpis yupaychana-wasimanta curaj chay wata caskanraycu sut'incharka Jesús wañunanta Diospa ajllaska israelcunanpaj.

San Juan 11:51 Kruisverwysings

Éxodo 28:30

Warkhunaj patanman churanki cheqanchana imasta Urimta, Tumintawan. Ajinamanta Aarón pechon patapi apanampaj sapa Señorpa ñaupaqenman qayllaspa. Ajinamanta Aaronqa pechompi apanqapuni cheqanchana imasta Señorpa ñaupaqempi.

Daniel (hebreo) 9:26

Sojta chunka iskayniyoj semanas qhepata chay Mesiasta wañuchenqanku. Uj rey jamuspa, Jerusalén llajtata, jinallataj templotapis runasninwan t'unaykuchenqa. Tukukoyqa usqhayllata chayamonqa, uj apaj mayu jina. Chay tukukuykama kallanqapuni maqanakuy t'unanakuypis, imaynachus nisqa kasqanman jina.

Números 22:28

Chay kikimpacha Señorqa burrota parlaricherqa. Balaammantaj nerqa: Imanayquí noqa qantari? Kaywanqa kinsa kutitaña seq'owanki, nispa.

Números 24:2

Balaamqa israelitasta rikorqa ayllu aylluta jarasqasta. Diospa Espirituntaj payman jamorqa.

San Mateo 20:28

Runaj Churenqa mana sirvichikojchu jamorqa. Astawampis, payqa jamorqa runata sirvej, kausaynintataj qoj; ashkha runa salvasqa kanampaj.

San Juan 10:15

Imaynatachus Dios Tata rejsiwan, ajinallatataj noqapis payta rejsini; kausayniytataj ovejasrayku churani.

San Juan 11:49

Paykuna ukhupeqa, Caifás, chay watapi kuraj sacerdote karqa. Paytaj nerqa: Qankuna mana imatapis yachankichejchu; manataj imatapis allinta unanchankichejchu. Noqanchejpajqa allin kanman uj runalla runakunarayku wañunan, tukuy aylluntin chinkananmantaqa.

San Juan 18:13

Pusarqankutaj ñaupajta Anaspa wasinman. Anasqa Caifaspa suegron karqa. Caifastaj chay wataqa kuraj sacerdote kasharqa.

1 Corintios 13:2

Diospa palabrantachus sut'ichayman, yachaymantaj tukuy pakasqa yachaykunata, tukuy kay pacha imasmantawan; feniytaj kapuwanman orqosta ithirichinaypaj jina, manataj munakuyniy kapuwanmanchu chayqa, mana imachu kani.

2 Corintios 5:21

Cristoqa mana ima juchatapis rejserqachu. Diosrí noqanchejrayku juchayojta ruwarqa, noqanchej Cristowan khuska kaspa, Diospi cheqa allin kausayniyoj kananchejpaj.

Gálatas 3:13

Cristo qhechuwarqayku leypa maldicionninmanta. Paytaj noqaykurayku maldicisqa karqa. Chaytaj escribisqa kashan: Maldicisqa kanqa tukuy k'aspipi warkhusqa kajqa, Abrahampa bendicionnin Cristo Jesusnejta gentilesman chayanampaj. Ajina fenejta Dios qonawayku karqa, chay Espirituta jap'inaykupaj.

1 Pedro 2:24

Pay kikin cuerpompi juchasninchejta k'aspi cruzpi aparqa, noqanchejta juchaspaj wañusqas kaspa, cheqanta kausananchejpaj. Paypa nanayninraykutaj jucha onqoymanta thañichisqas kankichej.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

1 Juan 2:2

Jesucristoqa wañorqa juchasninchejta pampachanampaj; manataj juchasninchejraykullachu, astawanqa tukuy runaspa juchasninkurayku.

1 Samuel 23:9

Davidtaj Saul jap'ichej jamunayashasqanta yachaspa, chaypacha Abiatar sacerdoteta kamacherqa efod p'achata apamunanta Señorta tapunanta.

1 Samuel 28:6

Chaypacha Señorta taporqa. Señortaj mana kuticherqachu, ni mosqoypi, nitaj Urimnejtapis, profetasnejtapis.