Jonás 3:8 - Qheshwa Biblia DC

⁸ Manachayqa llakiy p'achasta churakuychej, jinallataj uywastapis qhataychej, tukuyniykichej sinch'ita Diosmanta mañakuychej; sapa ujtaj saqeychej sajra kausayniykichejta, suwakuyta makisniykichejwan ruwasharqankichej chayta.

DIOSPA QHELQACHISQAN DEUTEROCANONICAL

⁸ Manachayqa qhashqa p'achata churakuspa, tukuyniykichej sinch'ita Diosmanta mañakuychej. Sapa ujniykichej millay purinata saqeychej, amañataj kallpaman atinikuspa, runata waqachiychejchu.

DIOSPA QHELQACHISQ

⁸ Manachayqa qhashqa p'achata churakuspa, tukuyniykichej sinch'ita Diosmanta mañakuychej. Sapa ujniykichej millay purinata saqeychej, amañataj kallpaman atinikuspa, runata waqachiychejchu.

Jonás 3:8 Kruisverwysings

Job 16:17

chaywampis mana noqaqa pitapis sajrata ruwanichu; mañakuyneyqa llimphu karqa.

Job 36:10

Chayta paykunaman parlan allinta k'amispa purichinampaj, mañanampajtaj amaña sajra ruwayninkuta ruwanankupaj.

Isaías 58:6

Manachu yachankichej imayna ayunotachus munasqayta? Noqaqa munani sajra kaj watanasta phashkaranaykichejta, yugo watanasta phashkaranaykichejta, llakichisqa kajkunata kacharinaykichejta, yugopi jina watasqa kajkunatapis.

Isaías 59:6

Kusikusi llikhanmanta awasqa p'achaqa churakunapaj mana walejchu, manataj ukhunkutapis jark'anqachu. Chay ruwasqasninkoqa sajrallapuni, chay jina jucha ruwaylla makisninkupeqa kashan.

Jeremías 18:11

Niy ari Judá aylloj runasninman, jinataj Jerusalempi tiyakojkunaman, noqa Señor paykunaman nishasqayta: Noqa wakichikushasqayta qankunaj contraykichejpi ruwaykunata. Jasut'iyta munashaykichej. Saqellaychejña ari chay sajra ñanta; puriyniykichejta, ruwasqasniykichejtapis astawan allinyachiychej.

Jeremías 25:5

Paykuna nisorqachej: Saqeychej chay sajra puriyniykichejta, millay ruwasqasniykichejtapis; jinamanta tiyarikunaykichejpaj Señor qankunaman, jinataj ñaupa tatasniykichejman wiñaypaj qosorqachej chay jallp'api.

Jeremías 26:3

Ichapis kasusunkuman, chay sajra ruwaykunasninkutataj saqenkuman, jinamanta noqapis manaña chay sajra ruwasqasninkumanta jasut'iymanñachu, imaynatachus yuyasharqani jinataqa.

Jeremías 36:3

Ichapis Judaman kaj runasqa ñak'ariykunasta apachimunashani chaymanta uyarispa tukuy sajra puriyninkuta saqenkuman, noqataj sajra ruwasqasninkumanta, juchasninkumantapis perdonapusaj.

Ezequiel 33:11

Paykunaman niy: Noqa Señorqa kausayniyrayku jurani: Mana munanichu juchasapa runa wañunanta, astawanqa munani sajra puriyninmanta kutirimuspa kausananta. Israel runakuna, sajra puriyniykichejmanta kutirimpuychej, kutirimpuychej, imaraykutaj wañuwajchejri?, nispa.

Daniel (hebreo) 4:27

Chayrayku, kay nisusqayta kasuway: Rey kayniykipi cheqanta ruway, amataj aswan juchalliychu. Sajra kausayniykita saqespa, pisipachikoj wajcha runakunata yanapay. Ichapis ajinamantaqa kausakunki mana ima llakiyniyoj, tukuy imapipis allillan risonqa aswan unaykamataj.

Joel 1:14

Runasta tantarqamuychej, ayunomantataj paykunaman willaraychej. Señor Diosninchejpa templompi tantaykuychej kurajkunasta, kay llajtapi tiyakoj tukuynin runastawan, Señormantataj qhaparikuychej.

Jonás 1:14

Chaymantaqa Diosmanta mañakorqanku: Señor, ama saqewaykuchu wañojtaqa ari kay runaj juchanraykoqa. Sichus pay mana juchayoj chayqa, ama juchachawaykuchu wañojtenqa ari; imaraykuchus qanqa, Señor, imatapis munasqaykiman jina ruwanki.

Jonás 1:6

Buquepi kamachejtaj jamuytawan Jonasman qayllaykuspa nerqa: Imanayasunkitaj puñuysiki? Sayariy, Diosniykiman qhaparikuy, ichapis pay khuyakuwasunman ama wañunanchejpaj.

San Mateo 3:8

Allinta kausaychej ari, Diosman kutirikusqaykichejmanta poqoyta rikuchispa.

Hechos 26:20

Damascopiraj willayta qallarerqani, chaymantá Jerusalempi, qhepantataj tukuy Judeapi; chaymantarí gentiles ukhupi ima, paykuna sajra kausayta saqespa Diosman kutirikunankuta; sumaj ruwanasta ruwaspa rikuchinankupaj Diosman kutirisqankuta.

Hechos 3:19

Chayrayku sajra kausayta saqespa Diosman kutiriychej, juchasniykichej pampachasqas kanankupaj, Diosmantapacha samakuy p'unchaykuna jamunankupaj; Cristota kachamunampaj, pimantachus qankunaman willasqaña karqa.

Apocalipsis 11:3

Noqataj iskay rikojkunata kachamusaj, yana qhashqa p'achawan p'achallisqasta. Paykunaqa waranqa iskay pachaj sojta chunkayoj p'unchaykunata noqamanta sut'inchanqanku.