Jeremías 3:3 - Qheshwa Biblia DC

³ Chayraykumin paraqa mana kanchu, ch'aki tiempopi, jinataj q'omer tiempopipis. Qanqa uj qhencha warmiman rijch'akoj kashanki, ni uj chhikanta p'enqarikuspa.

DIOSPA QHELQACHISQAN DEUTEROCANONICAL

³ Chayraykumin paraqa mana kanchu, qhepa kaj para, jinataj q'omer tiempo parapis. Qanqa mana p'enqarikunkichu, chayrayku phisu warmimantapis aswan millayraj kanki.

DIOSPA QHELQACHISQ

³ Chayraykumin paraqa mana kanchu, qhepa kaj para, jinataj q'omer tiempo parapis. Qanqa mana p'enqarikunkichu, chayrayku phisu warmimantapis aswan millayraj kanki.

Jeremías 3:3 Kruisverwysings

Génesis 19:34

Q'ayantintaj kuraj kajqa sullk'anman nerqa: Noqa ch'isi tatanchejwan puñuni; kunan ch'isi ujtawan vinowan machaykuchinallataj, jinaspataj qanñataj paywan puñunki, ajinamanta tatanchejpaj wawasniyoj kananchejpaj.

Nehemías 9:17

Mana munarqankuchu kasuyta, nitaj yuyarikuytapis chay jatuchaj t'ukuna imasta paykunata khuyaspa ruwasqasniykita. May rumi sonqos kasqaykurayku uj kamachejta churakorqanku watejmanta Egipto kamachiyman kutipunankupaj. Chaywampis qanqa perdonaj Diosmin kanki, llamp'u sonqo khuyakuyniyoj, pacienciayoj, munakuyniyoj Diostaj kanki. Chayrayku paykunataqa mana saqerparerqankichu.

Proverbios 21:29

Juchasapaqa cheqantapis purishanman jina rikuchin, allinta purej runarí, yachan imaynatachus purisqanta.

Isaías 5:6

Ch'impachata ruwasaj. Manaña puntasninta k'utonqankuchu, nitaj qhoranqankuchu. Khishkalla junt'aykonqa waj qhoraspiwan. Phuyusman nisaj amaña chaynejman paramunanta.

Jeremías 14:1

Ch'aki watasrayku Señorqa Jeremiasman parlaykorqa, nerqataj: Judaqa llakiywan waqan, llajtasnenqa llakiypi kashanku, runasnenqa pampaspi mast'alla kashanku; Jerusalén nanaywan qhaparikun.

Jeremías 14:22

Chay juchasapaspa lantisnenqa mayqellampis parachimunmanchu? Cielomanta paraqa payllamantachu paramun? Mana, Señor Diosniyku! Qanllamin kanki parata apachimojqa, qanllamin kay tukuy imastaqa ruwanki; chayrayku qanllapi suyayniykoqa kashan.

Jeremías 14:3

Qhapajkunaqa uywasqasninkuta yakuman kachanku, chaykunataj yaku qochasman rinku, manataj yakuta tarinkuchu, kutipunkutaj ch'usaj p'uyñusniyojlla, ch'aukiyasqas, may p'enqasqastaj umasninkuta qhataykukuspa.

Jeremías 14:4

Chajrata poqochej runas, ch'aukiyasqas rikhurerqanku, p'enqaywan umasninkuta qhataykukuspa, imaraykuchus chay ch'aki jallp'aman mana paramorqachu.

Jeremías 5:24

Mana unancharerqankichejchu, nitaj nerqankichejchu: Señor Diosninchejta manchachikunachej, payqa maychus tiempompi paratapis apachimuwanchej, ñaupaj parasta, qhepa parastapis. Cosechata oqharinapajtaj uj tiempota wakichipuwanchej.

Jeremías 5:25

Qankunaj juchasniykichejqa kay tukuyta jark'arqa, chayrayku allin imasta mana jap'iyta aterqankichejchu.

Jeremías 5:3

Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

Jeremías 6:15

Chay noqaj mana munasqay imasta ruwaytaqa p'enqachikunanku karqa. Chaywampis manapuni p'enqakunkuchu, niñataj yachankuñachu imachus p'enqakuy kasqantapis. Chayrayku maypachachus noqa jasut'isaj, chaypacharajmá misk'anqanku, urmanqankutaj chay ujkuna jina. Noqa Señormin chayta nini.

Jeremías 8:12

Chay millachikunay ch'ichi imata ruwaytaqa p'enqakunaykichej karqa. Qankunaqa p'enqakorqankichejchu, niñataj yachankichejchu imachus p'enqakuy kasqantapis. Chayraykumin qankunata jasut'ejteyqa misk'ankichej, chay ujkuna jinataj urmakunkichej. Noqa Señormin chayta nini.

Jeremías 9:12

Pitaj ashkha yachayniyoj kanman kay imasta yachakunampajri? Pimantaj Señor rejsicherqa kay imastari, paytaj kay imasta wajkunaman allinta yachachinampajri? Imaraykutaj kay jallp'anchejqa phirisqa, ch'aki ch'in pampa mana pejpa purinan jinari?

Ezequiel 3:7

Chaywampis Israel aylloqa mana uyarisuyta munanqankuchu, imaraykuchus noqata mana kasuyta munawankuchu. Israel aylloqa tukuyninku mana k'umuykoj rumi sonqos kanku.

Levítico 26:19

Wapu wapu runaykachayniykichejta phirita ruwasaj, manataj parachimusajchu, jinamanta jallp'asniykichejpis mana poqonqankuchu.

Amós 4:7

Paratapis manallataj parachimporqaykichejchu, kinsa killa junt'ata manaraj cosecha kashajtin. Uj llajtaman parachimorqani, uj llajtamantaj mana; wakin chajraspaj paracherqani, wakimpajtaj mana, chaynejta ch'akipunku yakumanta jina.

Amós 4:8

Runastaj llajtamanta llajta rerqanku yakuta mask'aspa manataj tarerqankuchu ch'akiyninkuta thasnunankupaj jina. Qankunataj mana noqaman kutirimuwankichejchu. Ajinata nin Señorqa.

Sofonías 2:1

Tukuyniykichej tantaykukuychej, mana p'enqayniyoj runas, manaraj apachikushajtiykichej, imaynatachus ichhus uj p'unchayllapi wayrawan apachikunku ajinata. Manaraj Señorpa lauraj phiñakuynin qankunaman chayamushajtin. Manaraj Señorpata k'ajaj phiñakuynimpa p'unchaynin qankunaman chayamushajtin.

Sofonías 3:5

Chay tukuywampis Señorqa llajtapi kashan. Allin kajtapuni payqa ruwan, manataj sajra kajtachu. Sapa paqarin cheqa kaj imasta wakichin, manataj pantanchu jayk'ajpis. Sajra runarí mana p'enqakuyllatapis yachanchu.

Hageo 1:11

Noqa mana parachimunichu pampasman, orqosmampis, trigoman, uvas chajraman, olivo tarpusqasman, pampapi poqojkunaman, runasman, animalesman, tukuy ima ruwasqasninkumampis.

Deuteronomio 28:23

Janaj pachaqa mana parata qosonqachejchu, kay pachapi jallp'aykichejtaj sinch'i, fierro jina kanqa.

Hebreos 12:25

Qhawakuychej, ama qhesachaspa parlamojta, imaraykuchus jaqaykunaqa kay pachapi parlajta qhesacharqanku, chayraykutaj jasut'imanta mana ayqerqankuchu. Noqanchejtaj janaj pachamanta parlamojta qhesachasun chayqa, manallataj ayqesunchu.