Génesis 6:2 - Qheshwa Biblia DC

² Diospa wawasnintaj paykunawan casarakorqanku sumaj warmista rikuspa, ajllakuspataj munasqankuman jina.

DIOSPA QHELQACHISQAN DEUTEROCANONICAL

² Diospa churinkunarí runakunaj ususinkuna k'achita kasqankuta rikuspa, casaranankupaj munasqankuman jina ajllakorqanku.

DIOSPA QHELQACHISQ

² Diospa churinkunarí runakunaj ususinkuna k'achita kasqankuta rikuspa, casaranankupaj munasqankuman jina ajllakorqanku.

Génesis 6:2 Kruisverwysings

Génesis 12:11

Egiptoman chayashaspataj Abramqa warmin Saraiman nerqa: Qhawariy, noqa yachani qanqa sumaj k'achita warmi kasqaykita.

Génesis 24:3

Kunanqa juray ari, Señorrayku, janaj pachapi kay pachapipis kaj Diosrayku. Qan ama casarachinkichu waway Isaacta kay Canaampi kaj warmiswan, maypichus tiyakushani chay llajtayoj warmiswan.

Génesis 26:35

Chay iskay warmis Isaacta Rebecatawan mayta phiñachej kanku.

Génesis 27:46

Chaymanta Rebecaqa Isaacmanñataj qayllaykuspa nerqa: Anchataña umayta nanachiwanku Esaupa warmisnin Hetpa wawasnin. Sichus Jacobpis kay Canaán llajtayoj Hetpa ujnin kaj ususinwan, kaykuna jinallawantaj casaranqa chayqa, wañupuyllataña munani, imapaj kasajri?, nispa.

Génesis 3:6

Warmitaj sach'ata qhawarerqa mikhunapaj jina moq'eyta. Jinallataj chayta mikhuykuspa imatapis yachanapaj jina. Ujnin poqoyninta p'itispataj mikhuykorqa; qosanmampis jaywarqa, paypis mikhuykullarqataj.

Génesis 4:26

Setpatapis wawan kallarqataj, sutin karqa Enós. Chaymantapacha qallarerqanku Diosmanta mañakuyta, Señorpa sutinta oqharispa.

Génesis 6:1

Maypachachus runas kay jallp'a patapi mirayta qallarejtinku, warmi wawasninku karqa.

Génesis 6:3

Señortaj nerqa: Mana saqesajchu runasqa kay jallp'a patapi wiñaypaj kausanankuta, imaraykuchus paykunaqa aychalla kanku. Chayrayku kausanqanku pachaj iskay chunkayoj watasllata.

2 Samuel 11:2

Uj tardepirí, Davidqa camapi samakusqanmanta jatarikuspa palacio wasi patasnimpi puriyachashaspa, rikorqa uj may k'achita warmita yakuwan mayllarikushajta.

Esdras 9:12

Nillawarqaykutaj: Warmi wawasniykichejta qhari wawasninkuwan ama casarachinkichejchu. Paykunaj warmi wawasninkutapis ama qhari wawasniykichejwan casarachinkichejchu. Amataj jayk'ajpis mask'ankichejchu chay runakunaj kusiyninta, ni allinnintapis munaspa. Ajinamanta qankuna sinch'illatapuni sayankichej, chay jallp'amanta allin kajninta mikhunkichej, chaymantataj tukuy chayaqeta wiñaypaj mirayniykichejman saqenkichej, nispa.

Job 1:6

Uj pacha Diospa wawasnin Señorpa ñaupaqenman qayllakoj jamusqanku; chaypachallataj paykunawan khuska Supay jamullasqataj.

Job 31:1

Noqa churanoqarqani, ama doncella warmita qhawapayanayta.

Isaías 63:16

Qanlla tataykoqa kanki, Abraham tataykuta, mana rejsiwaykuchu. Israelqa mana yuyarikuwaykuchu. Qanlla tataykoqa kanki Señor. Noqaykoj wiñay salvawajniyku sutiyoj nisqa kanki.

Malaquías 2:11

Judaqa mana kausanchu Diospa nisqanta junt'aspa, Jerusalempitaj ruwakun millay ch'ichi imas, Israelpipis kikillantaj. Judaqa p'akin Señor munakun chay templopi llimphu kausayta. Judapi tiyakoj qharistaj llulla dioskunata yupaychaj warmiswan casarakunku.

Malaquías 2:15

Manachu kikin Dios ruwarqa runaj cuerponta espirituntawan? Imatataj Pay munan? Manachu munan wawasnin Payllaman sonqonkuta jaywanankuta? Allinta qhawakuychej ari, espirituykichejpi, amataj warmiykichejman wayna kashaspa parlakusqaykichejmanta pantaychejchu.

1 Corintios 7:39

Casada warmeqa khuska kanan tiyan qosanwan leynejta, qosan kausanankama. Qosan wañupojtinrí, atinman casarakuyta piwanchus munasqanwan. Kayrí creejllataj kanan tiyan.

2 Corintios 6:18

Noqataj qankunaj tataykichej kasaj, qankunataj qhari wawasniy, warmi wawasniytaj kankichej, ajinata nin Tukuy Atiyniyoj Señor.

Deuteronomio 14:1

Qankunaqa Señor Diosniykichejpa wawasnin kankichej. Ukhusniykichejta ama khuchukunkichejchu, nitaj piniykichej wañupojtimpis chujchasniykichejta umaykichejpa ñaupaqenmanta ruthunkichejchu.

2 Pedro 2:14

Ñawisninkoqa qhenchachakuywan junt'a kanku, juchallikuywantaj mana sajsakunkuchu; pisi kallpachasqa runasta ch'aukiyaspa juchallichinku, sonqonkupis tukuy imata munapayayman yachasqa, maldicisqastaj kanku.

1 Juan 2:16

Tukuy ima kay mundopi kajqa, kay jina kanku: Aychaj munapayaynin, ñawispa qhawapayaynin, umata oqhariypiwan. Kay tukuy imaqa mana Dios Tatamantachu, mundomantamin.