Génesis 4:4 - Qheshwa Biblia DC

⁴ Abelpis apallarqataj Señorman jaywanata ovejasninmanta uj sumajnin kajta, kuraj kaj uñasmanta. Señortaj may kusisqa Abelta qhawarerqa, jinallatataj oveja apasqan jaywanantapis.

DIOSPA QHELQACHISQAN DEUTEROCANONICAL

⁴ Abelpis Tata Diosman jaywananpaj apallarqataj, ovejanmanta phiwi uñakunamanta aswan sumajnin kajta. Jinapi Tata Diosqa Abelta, chantá jaywasqantapis sonqo junt'asqa jap'ikorqa.

DIOSPA QHELQACHISQ

⁴ Abelpis Tata Diosman jaywananpaj apallarqataj, ovejanmanta phiwi uñakunamanta aswan sumajnin kajta. Jinapi Tata Diosqa Abelta, chantá jaywasqantapis sonqo junt'asqa jap'ikorqa.

Génesis 4:4 Kruisverwysings

Génesis 15:17

Allin laqhayaykuytataj rikhurerqa uj horno, mayta q'osñishaj. Uj nina k'anchaytaj chay rak'isqa uywaspa chaupinta kayman jaqayman puriykachasharqa.

Génesis 4:3

Qhepamantaj Caenqa uj p'unchay jaywanata Señorman aparqa llank'aspa poqochisqasninmanta.

1 Reyes 18:24

Chaymantataj dioskunasniykichejpa sutisninkumanta qhapariychej, noqataj Señorpa sutinta qhaparisaj, mayqen dioschari ninata apachimonqa, chaymin Diosqa kanqa. Tukuy runastaj kuticherqanku, kosapacha, nispa.

1 Reyes 18:38

Chantaqa Señormanta nina uraykamuspa q'olaykorqa chay ñak'asqa torota, llant'ata rumista, jallp'ata, lark'api yakutapis ch'akirpayacherqa.

1 Crónicas 21:26

Chaypitaj Señorpaj uj altarta oqharerqa, uywasta ñak'aspa q'olachipunampaj, allinyakuy jaywanastawan qonampaj. Chaymantataj, Señorta wajyakorqa. Señortaj kuticherqa cielomantapacha runata apachimuspa, q'olachina altar pataman.

2 Crónicas 7:1

Salomón mañakuyta tukojtinkamataj janaj pachamanta nina urmamorqa, ruphaykorqataj q'olachinapaj jaywasqa uywata, chay ñak'asqa kaj waj uywastawan. Chanta Señorpa k'anchaynin chay yupaychana wasiman junt'aykorqa.

Salmos 20:3

Yuyarikuchun tukuy jaywasqasniykimanta. Tukuy sonqotaj jap'ichun altarpi uywasta q'olachisqasniykimanta.

Proverbios 3:9

Tukuy qhapaj kapuyniykiwan Señorta yupaychay, cosechasniyki ñaupajta poqojkunapiwan.

Eclesiastés 4:4

Chanta reparallanitaj, tukuy ima ruwaykuna, sumajta imastapis ruwasqasqa runasta munapayayman pusan, ajinamanta runa masisninkuta chejnikunampaj. Chaypis qhasi mana kajllataj wayra jap'ikuy jinalla.

Levítico 9:24

Señorpa ñaupaqenmantataj nina lauray llojserqa, chaytaj rupharqa altar patapi kasharqa chay jaywasqa uywasta, wirastawan. Chayta rikuspataj tukuynin israelitas kusiywan qhaparerqanku, k'umuykorqankutaj pampaman umasninkuta chayachinankukama.

Números 16:15

Chaymanta Moisesqa maytapuni phiñarikorqa, Señormantaj nerqa: Señor, ama ofrendasninkuta jap'iychu. Noqaqa paykunamanta mana uj burrollankutapis qhechunichu, nitaj ima sajratapis ruwanichu ni mayqenninkuta.

Números 16:35

Chantapis Señorqa ninata apachimorqa, pikunachus Dioswan parlana toldopi inciensota jaywasharqanku chaykunata iskay pachaj phishqa chunkayoj runasta ruphaykorqa.

Números 18:12

Chanta qollasqaykitaj israelitas sapa wata ñaupajta poqochisqankumanta ofrendasta apamuwasqankumanta. Sumajnin kaj aceiteta, sumajnin kaj vinota, trigotawan.

Números 18:17

Kay kinsa laya uywaspa ñaupaj kaj uñasnintari ama imawampis trocachinkichu: Wakaspata, ovejaspata, cabraspata ima, chaykunaqa t'aqasqasña. Ñak'aspataj yawarninkuwan altar patata ch'ajchunki; wirasnintataj sumaj q'apashajta noqa Señorpaj ruphachinki.

Hebreos 11:4

Creespa Abelpis aswan allin uywa wañuchisqata Diosman qorqa Cainmanta nisqaqa. Chaywantaj Dios rejsichej allin kasqanta. Diospis Abel rikuchikusta jaywasqanrayku, allinta paymanta willarqa; feninraykutaj wañusqapis chayta parlashallanrajpuni.

Hebreos 9:22

Leyman jinataj, yaqha tukuy ima yawarwan pichakun. Yawar mana jich'akojtintaj, mana juchapis pampachakunchu.

Apocalipsis 13:8

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

1 Samuel 15:22

Chaypitaj Samuelqa kuticherqa: Señortaqa kasuypuni, astawan allinta kusichin, chay rikuchikusta, jinataj ruphasqa rikuchikusta jaywanamanta nisqaqa. Astawan allinraj payta kasunaqa, nisqasninta kasunapis, chay rikuchikusmanta, jinataj chay corderoj wirasninta jaywanamanta nisqaqa.