Génesis 22:4 - Qheshwa Biblia DC

⁴ Kinsa p'unchayta rispa, Abrahamqa karumanta rikorqa, maymanchus risharqa chay cheqata.

DIOSPA QHELQACHISQAN DEUTEROCANONICAL

⁴ Kinsa p'unchayninman jinataj, Abraham maymanchus risharqa, chay cheqata karumanta rikorqa.

DIOSPA QHELQACHISQ

⁴ Kinsa p'unchayninman jinataj, Abraham maymanchus risharqa, chay cheqata karumanta rikorqa.

Génesis 22:4 Kruisverwysings

Génesis 22:3

Abrahamqa q'ayantin tutamanta jatarispa, burronta karunaykuytawan, iskay kamachisninta wawan Isaactawan wajyarqa q'olachinapaj llant'ata k'utuytawan rerqa maymanchus Dios nerqa chayman.

Génesis 22:5

Kamachisninmantaj nerqa: Qankunaqa kayllapi burrowan qhepakuychej, noqataj wawaywan jaqayman rispa Diosta yupaychaytawan kutimpusqaykupacha, nispa.

Ester (hebreo) 5:1

Kinsa p'unchaymantawan Esterqa reina p'achasta churaykukuspa, reypa palaciompa ukhu kaj pationman yaykorqa, maypichus reyqa tiyasqa kamachinampi kasharqa chay salaj ñaupaqenman. Chaytaj punku yaykuy cheqan chimpapi karqa.

Éxodo 15:22

Moisesqa israelitasman nerqa Puka Mar qocha cantomanta puririnankuta. Chaymantataj paykunaqa rerqanku Shur ch'in pampaman, chaymanta rillarqankupuni ch'in pampanta kinsa p'unchay puriyta mana yakuta tarispa.

Éxodo 19:11

Ajinata tukuyninku wakichisqas kachunku minchhapaj; imaraykuchus minchha Señorqa uraykamonqa Sinaí orqoman tukuy israelitaspa rikunankuta.

Éxodo 19:15

Runasman nerqa: Minchhapaj sumaj wakichisqas kanaykichej tiyan, chaykamaqa ni warmisniykichejwampis kanaykichejchu tiyan.

Éxodo 5:3

Paykunataj nerqanku: Hebreospa Diosnin taripawayku, chayrayku rinaykupuni tiyan ch'in pampaman kinsa día puriyta, chaypi rikuchikuta Señorniyku Diosman jaywamunaykupaj, ama ima onqoypis jamuspa wañuchinawaykupaj, chayri ima espadanejtapis wañunaykupaj.

Oseas 6:2

Uj ratollapi kausayninchejta kutichipuwasunchej, sayarichiwasunchej ñaupaqempi kausananchejpaj.

Levítico 7:17

Sichus kinsa p'unchaykama chay puchoj aycha kanqaraj chayqa, ninaman ruphaykuchichunku tukuyninta.

Números 10:33

Ajinata israelitasqa riporqanku Señorpata nisqa chay orqoman, rerqankutaj kinsa día puriyta. Diospa leyninwan kasharqa chay cajontaj ñaupaqenkuta risharqa, maypichus jarakunankuta mask'aspa.

Números 19:12

Kinsa kaj diapi, qanchis kaj diapiwan mayllakonqanku chay llimphuchakuy yakuwan, jinamanta chay runaqa llimphupaj qhawasqa kanqa. Sichus mana llimphuchakonqachu kinsa kaj diapi, nitaj qanchis kaj diapipis chayqa, mana llimphupajchu qhawasqa kanqa.

Números 19:19

Chaytaqa ch'ajchumonqa pichus llimphupaj qhawasqa kajlla, ujta kinsa kaj diapi, ujtataj qanchis kaj diapiwan. Chay qanchis kaj diapi ch'ajchuchikoj runataj, kutimuspa p'achasninta t'ajsakonqa, jinallataj ukhuntapis pay kikin mayllakonqa; jinamanta ch'isimpaj llimphupaj qhawasqa kanqa.

Números 31:19

Pikunachus qankunamanta runata wañucherqanku, chayri wañusqasta llankharqanku chayqa, chaykuna jaramanta jawallapi qanchis p'unchayta qhepakuchunku. Jinamanta kinsa kaj diapi, qanchis kaj diapiwan qankuna, chanta presospis llimphuchakuychej.

San Lucas 13:32

Jesustaj kuticherqa: Rispa willamuychej jaqay atojman. Noqaqa supaykunata qharqoni, onqosqastataj thañichini kunan, q'ayapis; minchhataj tukusaj ruwanayta.

1 Corintios 15:4

P'ampasqa karqa, kausarimorqataj kinsa diamanta Escriturasman jina.

Josué 1:11

Tukuynin jaraman rispa kamachimuychej qoqawista wakichikunankuta, kaymanta kinsa p'unchayman Jordán mayuta chimpasunchej, Señorninchej Dios qowasunchej chay jallp'ata, nispa.

1 Samuel 26:13

Chaymanta Davidqa, chay vallemanta chimpaman riporqa, wicharerqataj uj orqo puntakama. Davidmanta paykunamanqa karuraj karqa.