Génesis 2:2 - Qheshwa Biblia DC

² Qanchis kaj diapi, Diospa tukuy ima ruwanasnin tukusqaña kajtin, samarikorqa.

DIOSPA QHELQACHISQAN DEUTEROCANONICAL

² Jinataj Diosqa qanchis kaj p'unchaypi tukuy ima ruwananta tukuspa, samarikorqa.

DIOSPA QHELQACHISQ

² Jinataj Diosqa qanchis kaj p'unchaypi tukuy ima ruwananta tukuspa, samarikorqa.

Génesis 2:2 Kruisverwysings

Génesis 1:31

Dios rikorqa tukuy ima ruwasqanqa sumajpuni kasqanta. Ajinamanta junt'akorqa ch'isiyaywan sut'iyaywan sojta kaj día.

Génesis 2:3

Chaymanta qanchis kaj diata Dios bendicerqa, churanoqarqataj samarikuna diata, imaraykuchus Pay chay p'unchaypi samarikorqa tukuy imata ruwasqanmanta.

Éxodo 23:12

Sojta diata llank'anki, qanchis kaj diapitaj samarikunki, wakasniyki, burrosniyki samarikunankupaj; jinallataj warmi kamachiykej wawan kallpachakunampaj, jinallataj waj llajtayoj kajpis.

Éxodo 31:15

Sojta p'unchayta llank'allanqanku, qanchis kaj p'unchaypitaj samarikonqanku Señorta chay p'unchaypi yupaychaspa. Chayrayku pichus chay p'unchaypi llank'ajqa cheqamanta wañonqa.

Éxodo 31:17

Kayqa señal kanqa wiñaypaj israelitasmanta noqamantawan. Imaraykuchus Señorqa ruwarqa sojta p'unchaypi janaj pachata kay pachatawan, qanchis kaj p'unchaypitaj manaña imatapis ruwarqachu, manachayqa samarikorqa.

Isaías 58:13

Sichus samakuna p'unchaypi mana purinkichu, nitaj ajllakusqay p'unchaypi munayniykita ruwankichu, ninkitaj chay p'unchayqa Señorpa sumaj p'unchaynin kasqanta; chay p'unchaypichus payta yupaychanki, mana imatachus munasqaykita ruwaspa, mana qampa munasqaykita mask'aspa, manataj qampa palabrasnillaykitachu parlaspa kanki chayqa, may kusisqa tarikunki Señorman parlaspa; chay jallp'aj jatuchaj orqosninman noqa wicharichisqayki. Noqa mikhuchisqayki tataykej Jacobpa chayaqen jallp'api. Kaytaqa kikin Señorman nisunki.

San Juan 5:17

Jesustaj kutichispa nerqa: Tatayqa kunankama ruwashan, noqapis ruwashallanitaj.

Deuteronomio 5:14

Qanchis kaj p'unchayrí, Señor Diosniykimanta yuyarikuspa yupaychanaykipaj. Chay p'unchaypeqa amapuni imallatapis ruwankichu, jinallataj ni qhari wawayki, ni warmi wawayki, ni qhari kamachiyki, ni warmi kamachiyki, ni wakayki, ni burroyki, ni ima uywayki, nitaj karu llajtayoj wasiykipi tiyakoj kajpis. Qhari kamachiykipis, chayri warmi kamachiykipis qan jina samarikuchunku.

Hebreos 4:10

Pichus samakuyninman yaykorqa chayqa, ruwasqasninmanta imaynatachus Diospis samakunña, ajinata.

Hebreos 4:4

Qanchis kaj p'unchaymantaqa, wajnejpi nerqa: Diosqa qanchis kaj p'unchaypitaj tukuy ruwasqasninmanta samarikorqa.