Génesis 17:3 - Qheshwa Biblia DC

³ Abramtaj chayta uyarispa umanta pampaman chayachinankama k'umuykorqa. Diostaj payman nillarqataj:

DIOSPA QHELQACHISQAN DEUTEROCANONICAL

³ Chantá Abram pampakama k'umuykorqa. Diostaj payta nillarqataj:

DIOSPA QHELQACHISQ

³ Chantá Abram pampakama k'umuykorqa. Diostaj payta nillarqataj:

Génesis 17:3 Kruisverwysings

Génesis 17:17

Abrahamtaj qonqoriykukorqa umanta pampaman chayachinankama, asirikorqataj, sonqompi kay jinata yuyaspa: Pachaj watasniyoj runaqa atinmanrajchu wawasniyoj kayta? Saraqa isq'on chunka watasniyojña, wawayojrajchu chanta kanman?, nispa.

Génesis 18:2

Abrahamqa qhawarispa rikorqa kinsa qharista ñaupaqempi sayashajta. Sayaykuspataj qayllaykorqa usqhay usqhayta, jinaspataj qonqoriykukorqa umanta pampaman chayachinankama, nerqataj: Wiraqochíy, kamachiykita waturikuwanki, yaykurimuy ari.

1 Reyes 18:39

Tukuy runastaj chayta rikuspa, qonqorikuspataj pampakama k'umuykorqanku; nerqankutaj: Señorlla Diosqa, Señorlla Diosqa!, nispa.

Éxodo 3:6

Chantá nillarqataj: Noqa ñaupa tatasniykej Diosnin kani, Abrahampata, Isaacpata, Jacobpatawan. Moisestaj chay kikimpacha uyanta pakaykukorqa, imaraykuchus manchachikorqa Diosta qhawariyta.

Ezequiel 1:28

Imaynatachus k'uychi phuyus chaupipi p'unchay paramojtin rikhurin, ajina muyuynimpi karqa. Kay jinamanta Señorpa jatun kaynenqa mosqoypi jina rikhuriwarqa. Chay jinata rikuspa, pampakama k'umuykorqani. Chay rato uj parlamojta uyarerqani.

Ezequiel 3:23

Jatariytawan mayu cantoman llojserqani, chaypitaj Señorpa k'anchayninta rikorqani, Quebar nisqa mayu cantopi rikorqani chay jinallatataj. Uyayta pampaman chayachinaykama k'umuykorqani.

Ezequiel 9:8

Chay jinata runasta wañurachishajtinku noqa sapallay qhepakorqani. Chaypacha noqa pampakama k'umuykuspa sonqo nanaywan qhaparerqani, nerqanitaj: Señorníy, israelita runasqa pisillaña kashanku, chaykunata tukuynintapunichu phiñakuyniykipi chinkachinki Jerusalenman phiñakuyniykita urmachimuspa?

Daniel (hebreo) 10:9

Parlajta uyarispataj mana yuyayniyoj urmarqani, pampakamataj uyamanta k'umpukorqani.

Números 14:5

Chaymantataj Moiseswan Aaronwan qonqorikorqanku pampaman umankuta chayachispa, tukuy israelitaspa ñaupaqempi.

Números 16:22

Moiseswan Aaronwantaj chayta uyarispa pampaman umankuta chayachinankukama qonqorikorqanku, kay jinata nispa: Diosniyku, tukuy runasman kausayta qoj, kay tukuy runaspa contrantachu phiñakunki uj runaj juchanrayku?

San Mateo 17:6

Yachachisqasnintaj kayta uyarispa, pampakama k'umuykukorqanku; imaraykuchus sinch'itapuni mancharikorqanku.

Josué 5:14

Chay espadayojtaj nerqa: Ni mayqenmanta; noqaqa jamuni Señorpa soldadosinta kamachejnin jina. Chaymanta Josueqa pampaman umanta chayachinankama k'umuykukorqa, taporqataj: Imatataj kunan Señorniy kamachishan kamachinmanri?, nispa.

Apocalipsis 1:17

Payta rikuspataj, wañusqa jina chakisninman urmarqani. Paytaj makisninta churaykuwarqa, nispa: Ama mancharikuychu. Noqa kani ñaupaj kaj, qhepa kajtaj.

Jueces 13:20

Altarmanta nina pataman oqharikojtinkama, Manoawan warminwan ima, Señorpa angelninta rikorqanku chay ninaj larwaynin chaupita cieloman oqharikapojta. Chaypachataj umankuta pampaman k'umuykorqanku.