Génesis 12:2 - Qheshwa Biblia DC

² Mirayniykimanta ruwasaj uj jatun aylluta; bendicisqayki, sutiyki may yuyarisqa kanqa, qannejta wajkuna bendicisqas kanqanku.

DIOSPA QHELQACHISQAN DEUTEROCANONICAL

² Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

DIOSPA QHELQACHISQ

² Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Génesis 12:2 Kruisverwysings

Génesis 13:16

Mirayniykita jallp'a t'iyuta jina mirachisaj. Imaraykuchus jallp'a t'iyoqa mana yupay atina, ajinallataj mirayniykeqa mana yupay atina kanqa.

Génesis 15:5

Chaymanta Señorqa Abramta jawaman pusarqa, chaypitaj nerqa: Qhawariy allinta cielota, ichapis atiwaj yupayta qoyllurkunata. Ajina kanqa qampa mirayniyki, mana yupay atina.

Génesis 17:20

Ismael wawaykimanta niwasqaykitapis uyariyki, paytapis bendicisaj. Paypis ashkha wawasniyoj kanqa, jinallataj miraynintapis ashkhayachisaj. Ismaelqa chunka iskayniyoj kurajkunaj tatanku kanqa, jinallataj paymanta ruwasaj uj jatun nacionta.

Génesis 18:19

Noqa payta ajllani, wawasninta, miraynintapis kamachinampaj noqaj ñankunasniypi purinankupaj cheqan kajta, allin kajtataj ruwaspa, noqa junt'anaypaj payman tukuy ima nisqasniyta.

Génesis 19:29

Ajinata Dios chinkacherqa chay vallepi llajtasta, maypichus Lot tiyakorqa chayta. Yuyarikorqataj Abrahampa mañakusqanta, chayrayku Lotta chay chinkachinan llajtamanta orqhorqa.

Génesis 24:1

Abrahamqa allin machuñapuni karqa, Señortaj tukuy imapi payta bendicerqa.

Génesis 24:35

Señorqa ashkhata bendicin patronniy Abrahamta, qhapajyachintaj. Payman qon ovejasta, wakasta, qolqeta, qorita, qhari kamachista, warmi kamachista, camellosta, burrosta ima.

Génesis 25:11

Abraham wañupusqanmanta qhepata Dios bendicerqa Abrahampa wawan Isaacta; pay tiyakorqa, “Pichus kausaj rikuwan”, nisqa pujyoj qayllampi.

Génesis 26:3

Kunanraykoqa kay jallp'allapiraj tiyakushay. Noqa qanwan kasaj, bendicisqaykitaj. Qanman, mirayniykimanwan kay jallp'asta qosqaykichej. Ajinamanta junt'asaj tatayki Abrahamman imatachus qosqayki nerqani chayta.

Génesis 26:4

Mirayniykita ashkhata mirachisaj cielopi qoyllurkunata jina, jinaspataj paykunaman kay jallp'asta qosaj. Chantapis paykunanejta tukuy naciones kay mundopi bendicisqas kanqanku, imaraykuchus Abrahamqa kasuwan, junt'antaj kamachisqasniyta, leyesniyta, kamachisqasniytawan.

Génesis 27:29

Ashkha runas kamachisniyki kachunku, naciones ñaupaqeykipi qonqorikuchunku. Wauqesniykita kamachiy; mamaykej wawasnin qonqorikusuchunku. Maldicisojkunaqa maldicisqas kachunku, bendicisojkunataj bendicisqas kanqanku.

Génesis 28:14

Mirayniykeqa ashkhata miranqa mana yupay atina jallp'a t'iyu jina; paykuna junt'anqanku patanejman, uranejman, inti llojsimuynejman, inti yaykuynejman. Tukuy ayllus qannejta bendicisqas kanqanku, jinallataj mirayniykinejtapis.

Génesis 46:3

Chaypi Dios payman nerqa: Noqa Dios kani, tataykej Diosnin. Ama Egiptoman riyta manchachikuychu; chaypi mirachisaj mirayniykita uj jatun nación kanampaj.

2 Samuel 7:9

Tukuy puriyniquykipi qanllawampuni karqani, enemigosniykita tukucherqani, sumaj uyarisqa runa kanaykitataj ruwani, kay pachapi may mentasqa runasta jina.

Job 35:8

Juchasniykeqa qan jina runasman mana allintachu ruwan, allin imasta ruwasqaykipis runasllaman allin ruwan.

Salmos 107:38

Paykunata bendicin, ashkhaman mirachin, uywasninkutapis mirachipun.

Éxodo 1:7

Israelitasqa ashkha kasqankuman jina ashkhata mirarqanku, may atiyniyojtaj karqanku; jinamanta paykunaqa Egiptoman junt'aykorqanku.

Éxodo 32:10

Kunanqa saqellaway, paykunapi phiñakuyniyta thasnukusaj, paykunata tukuchisaj, qanmantarí uj jatun nacionta ruwasaj.

Isaías 51:2

Qhawariychej tataykichej Abrahamta, mamaykichej Saratawan. Paykuna manaraj wawasniyoj kashajtinku wajyarqani, ashkha imasta qospataj paytaqa miracherqani.

Ezequiel 34:26

Ovejasniytaqa santo lomaypa muyuyninman churasaj, tukuy ima junt'asqasta tiyachisaj. Tiempompi parachimusaj, chay parataj paykunaj allinnimpaj kanqa.

Miqueas 7:20

Señor, waqaychallaypuni noqaykuwan kasqaykita munakuyniykitapis, ñaupa tatasniyku Abrahamman Jacobmantaj ñaupa wataspi prometerqanki chayta!

Zacarías 8:13

Imaynatachus qankuna Judamanta, jinataj Israelmanta kajkunapis, waj llajtakunapaj uj maldición karqankichej, kunantaj salvasqaykichej, jinamanta uj bendicionñataj kanaykichejpaj. Chayrayku, amapuni mancharikuychejchu, kallpachakuychej, nispa.

Números 14:12

Noqa paykunaman apachimusaj uj wañuchej onqoyta. Chayqa mana saqenqachu chay jallp'aman tiyaj yaykunankuta. Qanmantaqa aswan jatun aylluta ruwasaj, paykunamanta aswan atiyniyojta.

Números 22:12

Diostaj Balaamman nerqa: Ama riychu chay runaswan israelitasta maldicej, imaraykuchus paykunata noqa bendicini, nispa.

Números 23:20

Diosqa noqata kamachiwan bendicinayta. Sichus Dios bendicin chayqa, noqaqa mana imanaytapis atinichu.

Romanos 4:11

Circuncisiontaqa jap'erqa uj señalta jina, Diospa cheqan kayninta sellota jinalla fenejta, manaraj circuncidasqa kashaspa; mana circuncidasqa creejkunaj tatanku kanampaj, paykunamampis Diospa cheqan kaynin fenejta qosqa kanampaj.

Gálatas 3:7

Chayrayku yachaychej, cheqamanta pikunachus feniyoj kanku, Abrahampa wawasnin kanku.

Deuteronomio 26:5

Qankunataj Señor Diosniykichejpa ñaupaqempi kay jinata ninkichej: Ñaupa tatayqa arameo purej karqa. Egiptoman riporqa, chaypitaj tiyakorqa ayllun pisilla kashajtin. Chantaqa miraynin jatun nacionman tukorqa. Chay aylloqa atiyniyoj, ashkha runasniyojtaj karqa.