Gálatas 1:6 - Qheshwa Biblia DC

⁶ T'ukuni chay jina usqhayta karunchasqaykichejmanta Diosmanta, pichus Cristoj khuyakuyninrayku wajyasorqachej, waj jina evangeliota qhatisqaykichejmantapis.

DIOSPA QHELQACHISQAN DEUTEROCANONICAL

⁶ Noqa t'ukuni chay jina usqhayta Diosmanta karunchakusqaykichejta yachaspa, pichus Cristoj khuyakuyninrayku wajyasorqachej, chaymanta, waj jina sumaj willayta qhatinaykichejpaj.

DIOSPA QHELQACHISQ

⁶ Noqa t'ukuni chay jina usqhayta Diosmanta karunchakusqaykichejta yachaspa, pichus Cristoj khuyakuyninrayku wajyasorqachej, chaymanta, waj jina sumaj willayta qhatinaykichejpaj.

Quechua South Bolivia: Dios Parlapawanchej

⁶ Cristo qhuyacuyninpi yanapaspa wajyasorkachej wawasnin canayquichejpaj. T'ucuni kancuna manaraj imapi Diosta sakepuskayquichejmanta waj willanasman ancha uskhayta chimpaspa.

Gálatas 1:6 Kruisverwysings

Salmos 106:13

Paykunaqa usqhayllata Diospa ruwasqasninmanta qonqaporqanku, manataj Diospa yuyaychasqanta suyarqankuchu.

Isaías 29:13

Señortaj nin: Kay runasqa simillankuwan qayllamuwanku, simillankuwan yupaychawanku, sonqonkutaj noqamanta karupi kashan. Noqata kasuwasqankoqa, runaspa kamachisqallan kapun, imatachus yachasqankullata ruwanku.

Marcos 6:6

Jesustaj mayta t'ukorqa mana creesqankumanta; rerqataj chay muyuynintimpi llajtasman yachachispa evangeliota.

San Juan 9:30

Ciego karqa chay runataj nerqa: Chayqa t'ukunapaj jina; qankuna mana yachankichejchu maymantachus chay runa kasqanta; paytaj noqaj ñawisniyta kichariwarqa.

Hechos 15:11

Astawanqa creenchej Señor Jesuspa khuyakuyninnejta salvasqas kasqanchejta. Ajinallataj paykunawampis kanan tiyan.

Romanos 10:3

Diospa cheqan kayninta mana rejsispa, paykunaj munaynillankuta ruwayta munarqanku. Diospa cheqan kayninta mana kasorqankuchu.

Romanos 5:2

Paynejta yaykuyta atinchej chay salvacionman creesqanchejrayku, chaypitaj sinch'ita sayanchej, kusikunchejtaj, Diospa janaj pacha k'anchayninta suyaspa.

Romanos 8:28

Yachanchej, Diosta munakojkunataqa tukuy ima allimpaj yanapasqanta, paypa munayninman jina wajyasqasta.

Romanos 8:30

Pikunatachus qallariypi ajllarqa chaykunatapis wajyallarqataj. Chay wajyasqastataj cheqan runaspaj rejserqa, ajinata rejsispataj paykunaman janaj pacha k'anchayta qorqa.

1 Corintios 4:15

Chayrayku, chunka waranqa yachachejkunasniyojpis kawajchej Cristopi chayqa; mana ashkha tatasniyojchu kankichej; imaraykuchus noqa Cristo Jesuspi evangelionejta yumarqaykichej.

2 Corintios 11:4

Sichus pipis jamunman waj Jesusmanta willaspa, manataj kikinchu willasqanman jina, chayrí waj espiritutataj jap'iwajchej ñaupajta jap'isqaykichejmanta, chayrí waj evangeliota jap'iwajchej ñaupajta jap'isqaykichejmanta chaypis, qankunaqa jap'illankichej.

2 Corintios 2:17

Mana noqaykoqa wakinkuna jinachu kayku, Diospa palabranta q'ewirispa parlajkuna; astawanqa tukuy sonqo, Diosmanta kajkuna jina, Cristomanta parlaspa Diospa ñaupaqempi.

Gálatas 1:11

Hermanos, yachaychej noqaj willasqay evangelioqa mana runaj nisqanman jinachu kasqanta.

Gálatas 1:15

Chantá, maypachachus Dios munarqa wajyawayta, chaypacha khuyakuyninrayku mamaypa wijsanmantapacha ajllawarqa.

Gálatas 1:7

Cheqamanta mana waj evangelioqa kanchu; manachayqa wakin runakuna tiyan qankunata pantachejkuna, Cristoj evangeliontataj waj jinaman tukuchiyta munanku.

Gálatas 2:14

Maypachachus rikorqani mana allinta purejta, evangelioj cheqa kayninman jina, chaypacha tukuypa ñaupaqempi Pedroman nerqani: Sichus qan judío kashaspa, gentiles jina kausanki, manataj judío jinachu chayqa, imaraykutaj kamachinki gentilesqa judíos jina kanankutari?

Gálatas 2:2

Chayman rerqani Dios sut'ita kamachiwasqanrayku. Kurajkunamantaj willarqani evangeliota, chay willasqayqa ama qhasi kanampaj gentilespa chaupimpi.

Gálatas 2:5

Chaykunataqa mana uj chhikallantapis kasorqaykuchu, cheqa kaj evangelio qankunawampuni kanampaj.

Gálatas 2:7

Astawanqa manaraj paykunaman willashajtiy, yacharqanku gentilesman evangeliota willanay kasqanta; imaynatachus Pedropis kamachisqa karqa judiosman evangeliota willanampaj.

Gálatas 5:14

Tukuy leyqa kay kamachiyllapi junt'akun: Runa masiykita qan kikiykita jina munakunki.

Gálatas 5:4

Leypi cheqan kasqaykichejta yuyakuspaqa, Cristomanta karunchakunkichej, Diospa khuyakuyninmantataj karunchakunkichej.

2 Tesalonicenses 2:14

Chaypaj wajyasorqachej evangelioykunejta, Señorninchej Jesucristoj janaj pacha k'anchayninta tarinaykichejpaj.

1 Timoteo 1:14

Señorninchejpa khuyakuynintaj astawan ashkhayarqa fewan, munakuywan ima Cristo Jesuspi.

1 Timoteo 1:3

Macedoniaman rishaspa nerqaykiña Efeso llajtapi qhepakunaykita, kamachinaykipaj wakinkunata ama waj jina yachachiykunata yachachinankupaj.

2 Timoteo 1:9

Pay salvawarqanchej, wajyawarqanchejtaj llimphu kausayman, mana allinta ruwasqanchejraykuchu; astawanqa paypa munakuyninrayku, khuyakuyninrayku ima. Diosqa wajyawarqanchej Cristo Jesuspi, manaraj kay pacha ruway qallarikushajtin.

2 Timoteo 2:1

Qanqa, wawáy, kallpachakuy, Cristo Jesuspi kashan chay khuyakuywan.

1 Pedro 1:15

Imaynatachus qankunata wajyaj Diosqa santo, ajinallatataj qankunapis santos kaychej, tukuy kausakuyniykichejpi.

2 Pedro 1:3

Diosqa atiyninrayku, kausayninchejpaj chay tukuy imasta qowanchej, payta yupaychananchejpaj, payta rejsisqanchejrayku, pichus wajyawarqanchej jatun kayninwan, atiyninwantaj.

Apocalipsis 22:21

Señor Jesucristoj khuyakuynin tukuyniykichejwan kachun. Amén.