Éxodo 6:2 - Qheshwa Biblia DC

² Diosqa parlallarqapuni Moiseswan, nispa: Noqamin kani Señorqa.

DIOSPA QHELQACHISQAN DEUTEROCANONICAL

² Chaymanta Tata Diosqa Moisesta ujtawan nillarqataj: Noqamin Tata Dios kani.

DIOSPA QHELQACHISQ

² Chaymanta Tata Diosqa Moisesta ujtawan nillarqataj: Noqamin Tata Dios kani.

Éxodo 6:2 Kruisverwysings

Génesis 15:7

Chaymanta nerqa: Noqa orqhomorqayki Caldea Ur llajtamanta, kay jallp'ata chayaqeykipaj qosunaypaj.

Éxodo 12:12

Chay ch'isi noqa Egiptoman jamusaj, wasimanta wasi purispataj tukuy egipciospa kuraj kaj qhari wawasninta, jinallataj tukuy uywasninkoj phiwi uñasnintapis wañurachisaj. Chaypimin noqa Señorqa, atiyniyta rikuchisaj Egiptopi kaj chhika lantispa contranta,

Éxodo 14:18

Maypachachus atiyniyta rikuchisaj faraompi, carrosnimpi, caballospi rej soldadosnimpi, chaypacharaj egipciosqa yachanqanku noqa Señor kasqayta.

Éxodo 15:3

Señorqa tukuy maqanakupi atipaj, sutintaj Señor.

Éxodo 17:1

Chay qhepatataj tukuynin israelitas Sin ch'in pampamanta purirerqanku, pisimanta pisi rispa Señorpa kamachisqanman jina. Jinata rispallapuni chayarqanku Refidimman. Chaypi manallataj yaku karqachu ujyanankupaj.

Éxodo 20:2

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Éxodo 3:14

Chaypacha Dios nerqa: NOQA KANI PICHUS KANI CHAY. Chantá nillankitaj israelitasman: NOQA KANI nej Dios qankunaman kachamuwan, nispa.

Éxodo 3:15

Chantapis Diosqa nillarqataj Moisesman: Ajinata ninki israelitasman: Señor, ñaupa tatasniykichejpa Diosnin, Abrahampata, Isaacpata, Jacobpata ima qankunaman kachamuwan. Kay suteyqa wiñaypajmin kanqa; kay suteyqa wiñaypa wiñaynintimpaj mirayniykichejnejta yuyarisqa kanqa, nispa.

Éxodo 6:29

Noqamin kani Señorqa. Rispa Egipto rey faraonman willamuy, imastachus noqa nisqayki chayta.

Éxodo 6:6

Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

Éxodo 6:8

Noqa pusasqaykichej, ima jallp'atachus Abrahamman, Isaacman, Jacobman ima, chayaqenkupaj qosqaykichej nerqani chayman. Noqamin kani Señorqa.

Isaías 42:8

Noqaj suteyqa Señor. Wajkunamanqa mana atiyniyta qosajchu; nitaj yupaychasqa kayniytapis lantismanqa qosajchu.

Isaías 43:11

Noqa k'atalla Señorqa kani. Noqamanta wajqa mana pipis salvajqa kanchu.

Isaías 43:15

Noqamin kani Señorniykichej, Santo Diosniykichej, Israelta ruwaj, reyniykichejtaj.

Isaías 44:6

Tukuy Atiyniyoj Señorqa, Israelta salvaj reyqa ajinata nin: Noqamin kani qallariytaj tukukuytaj. Noqamanta astawan waj diosqa mana kanchu.

Jeremías 9:24

Sichus pipis munanman runaykachayta chayqa, noqata rejsiwasqanmanta runaykachachun, noqa Señormin, Diosnintaj kasqaymanta, pichus kay jallp'api ruwarqa, munakuypi, justiciapi, cheqan kaypitaj chaymanta. Chaymin noqataqa kusichiwan. Noqa Señormin chayta nini.

Ezequiel 20:5

Noqamanta paykunaman niy: Señorqa kay jinata nin: Israelta ajllakorqani chaypachaqa, makiyta oqharispa Jacobpa ayllunman jurarqani, maypachachus paykunaman Egiptopi rikhurerqani chaypacha. Sumajtapuni paykunaman jurarqani, noqa Señor Diosniykeqa kani, nispa.

Malaquías 3:6

Señormin noqa kani; kikillampunitaj kani. Chayrayku qankuna, Jacobmanta mirajkuna, mana t'unasqachu karqankichej.