Éxodo 3:1 - Qheshwa Biblia DC

¹ Moisesqa Jetro suegrompa ovejasninta michimoj. Jetroqa Madiampi sacerdote karqa. Uj p'unchayqa ovejasta qhatisqa ch'in pampasnejta Diospa jatun orqon Horeb nisqaman chayanankama.

DIOSPA QHELQACHISQAN DEUTEROCANONICAL

¹ Jetroqa Madianpi sacerdote karqa. Moisestaj suegron Jetroj ovejankunata michej karqa. Uj kuti ch'innejpi ovejakunata michishaspa, Moisesqa Diospa orqon Horeb nisqaman chayarqa.

DIOSPA QHELQACHISQ

¹ Jetroqa Madianpi sacerdote karqa. Moisestaj suegron Jetroj ovejankunata michej karqa. Uj kuti ch'innejpi ovejakunata michishaspa, Moisesqa Diospa orqon Horeb nisqaman chayarqa.

Éxodo 3:1 Kruisverwysings

1 Reyes 19:19

Chaymanta ripuspataj Eliasqa Safatpa wawan Eliseota tarerqa, paytaj chunka iskayniyoj yuntaswan llank'achisharqa, chaykunamanta ujnin yuntawantaj aswan qhepata risharqa. Eliastaj paypa ñaupaqenta pasarqoshaspa ponchonta Eliseoj patanman choqaykorqa.

1 Reyes 19:8

Jatarikuytawanqa, mikhorqa ujyarqataj; chay mikhusqanwantaj kallpachakorqa chanta tawa chunka p'unchayta tawa chunka tutatawan purerqa Diospa orqon Horebman chayanankama.

Salmos 106:19

Horeb orqopi uj uña torillota ruwakorqanku, qorimanta unuyachispa lantita ruwasqankuta yupaycharqanku.

Éxodo 17:6

Noqa Horeb chhanka orqopi suyamusqayki, qantaj chay chhankata tojnuykiwan wajtanki, yakutaj chaymanta phullchimonqa, runastaj chayta ujyanqanku. Moisesqa chayta ruwarqa israelitaspa kurajkunasninku qhawashajtinku.

Éxodo 18:12

Chaymantaqa Moisespa suegron Jetro uj uywata rikuchikuta Señorman qorqa ruphachisqa kanampaj, chantaqa waj ofrendastawan. Chaymantataj Aaronwan tukuy kurajkuna israelitaswan jamorqanku Jetrowan khuska Diospa ñaupaqempi mikhoj.

Éxodo 19:11

Ajinata tukuyninku wakichisqas kachunku minchhapaj; imaraykuchus minchha Señorqa uraykamonqa Sinaí orqoman tukuy israelitaspa rikunankuta.

Éxodo 19:2

Refidimmanta llojsiytawan israelitasqa ch'in Sinaí orqoman chayarqanku. Chaypi Sinaí orqo k'uchupi jarakorqanku.

Éxodo 19:3

Chaymanta Moisesqa orqoman wicharerqa Dioswan parlamoj, imaraykuchus Señor wajyamorqa chay orqomantapacha, kayta nispa: Ajinata niy Jacobpa miraynin israelitasman:

Éxodo 2:16

Chaypi tiyasqa kashajtintaj Madianmanta Reuel sacerdotej qanchis warmi wawasnin jamorqanku yakuta orqhospa bateaman junt'achinankupaj, tatankoj ovejasninman ujyachinankupaj.

Éxodo 2:18

Tatanku Reuelman kutejtinkutaj tatankoqa nerqa: Imajtintaj kunampeqa aswan usqhayta kutimunkichejri?, nispa.

Éxodo 2:21

Jinamanta Moisesqa chay Reuelwan tiyakaporqa; qhepamantaj Reuelqa ujnin ususin Seforatawan Moisesta casaracherqa.

Éxodo 24:13

Moisesqa sayariytawan Josué yanapajninwan khuska wicharerqa Diospa orqonman.

Éxodo 3:12

Diostaj kuticherqa: Noqamin qanwan kasaj, kay señalta qosqayki, noqa qanta kachasusqayta yachanaykipaj. Maypachachus aylluyta Egiptomanta orqhomunki chaypacha, tukuyniykichej kay orqopi yupaychawankichej.

Éxodo 3:5

Chantá Señorqa nerqa: Ama qayllamuychu. Ujut'asniykita chakisniykimanta lluch'ukuy. Maymanchus qan sayashanki, chay jallp'aqa noqapaj t'aqasqamin.

Éxodo 33:6

Chayta uyariytawan israelitasqa tukuyninku chay k'achanchakunasninkuta qhechukorqanku Horet orqomantapachaña.

Éxodo 4:18

Moisesqa chaymanta riytawan Jetro suegrompaman kuterqa, nerqataj: Kunanqa kutinay tiyan Egiptoman, ayllusniyta, wauqesniyta ima waturikoj, kausakushankurajchus manachus chayta. Jetrotaj nerqa: Jina kajtenqa, riy ari, allillantaj risuchun.

Éxodo 4:27

Chaymantataj Señorqa Aaronman parlarqa: Riy ch'in pampaman Moisesta taripaj, nispa. Paytaj kachaykukuspa Moisesta taripamorqa Diospa orqon nisqa chaypi, napaykuspataj wauqenta much'aykorqa.

Amós 1:1

Amospa willaynin. Payqa Tecoa llajtamanta karqa, ovejasta michej runa, Diosmantataj jap'eqarqa imatachus Israelman niyta munasqanta, jallp'a ikhakuymanta iskay wata ñaupajta, Judapi Uzías rey kashajtin. Joaspa wawan Jeroboamtaj Israelpi rey kasharqa.

Malaquías 4:4

Horeb nisqa orqopi, kamachiy Moisés kamachiyniykunata qorqani, chaykunamanta yuyarikuychej. Chay kamachisqasniytaqa tukuynin Israel runas junt'ananku karqa.

Números 10:29

Uj kuti Moisesqa warmimpa turan Hobabta wajyacherqa. Hobabqa madianita Reulpa wawan Moisespata suegron karqa. Paymantaj nerqa: Noqayku rishayku Señor qosqayki niwayku chay jallp'aman. Qampis noqaykuwan jaku ari, imatapis allinta ruwapuwasqayku, imaraykuchus Señorqa niwayku, israelitasta sumaj khuyakuyninwan pusanawaykuta.

Números 10:33

Ajinata israelitasqa riporqanku Señorpata nisqa chay orqoman, rerqankutaj kinsa día puriyta. Diospa leyninwan kasharqa chay cajontaj ñaupaqenkuta risharqa, maypichus jarakunankuta mask'aspa.

San Lucas 2:8

Chaynejpi michejkuna kasharqanku, ovejasninkuta tutantin qhawaspa.

Hechos 7:30

Tawa chunka wata qhepamantaj, ch'impi Moisés kashajtin, Sinaí orqopi uj ángel rikhurerqa, nina larwashaj zarzapi.

Deuteronomio 1:2

Horeb orqomanta, Seir orqo ñanninta rispa, chunka ujniyoj día puriy Cades-barneakama.

Deuteronomio 4:10

Horeb orqopi Señor Diosniykichejpa ñaupaqempi kashajtiykichej, chaypacha Señor niwarqa: Israelitasta tantachipuway nisqasniyta uyarinankupaj, yachanankupajtaj imaynatachus noqamanta yuyarikunawankupaj sapa p'unchay tukuy kausayninkupi, jinallataj wawasninkumampis yachachinankupaj.

Jueces 4:11

Cedes qayllapitaj, Zaanaim encina sach'a chaynejpi quenita Heberpa toldosnin kasharqa. Payqa chay waj quenitasmanta t'aqakampusqa. Quenitasqa Moisespa suegron Hobabpa mirayninmanta karqanku.

1 Samuel 16:11

Samueltaj ujtawan tapullarqataj: Manachu astawan wawasniyki tiyan?, nispa. Uj aswan juch'uy kaj kanraj, payqa ovejasta michishan, nispa Isaeqa kuticherqa. Samuel nerqa: Kachay mask'amojta, chay mana chayamunankamaqa mana rikuchikutaqa jaywasunmanchu.