Éxodo 27:21 - Qheshwa Biblia DC

²¹ Chaymanta cuentayojqa kachunku Aaronwan wawasninwan, chay k'anchachinas tukuy tuta k'anchanankupaj, paykuna ima kajtapis ruwachunku, jinamanta Señorpa ñaupaqempi k'anchanampaj; velomanta jawapi, maypichus Señorpa leynimpa cajonniy kashan chaypi. Kayta israelitasqa sapa kuti ruwanqanku, jinallataj mirayninkupis uj kamachiy wiñaypaj churasqata jina.

DIOSPA QHELQACHISQAN DEUTEROCANONICAL

²¹ Aaronwan, churinkunawan ima lamparakunata allinchanqanku. Chantá lamparakunata churanqanku Dioswan Tinkukuna Toldopi, arcaj ñawpaqenpi kashan, chay velomanta jawaman, noqaj ñawpaqeypi tuta p'unchay k'anchananpaj. Kay kamachisqayqa israelitakunapaj, mirayninkupajwan ima wiñaypaj kanqa.

DIOSPA QHELQACHISQ

²¹ Aaronwan, churinkunawan ima lamparakunata allinchanqanku. Chantá lamparakunata churanqanku Dioswan Tinkukuna Toldopi, arcaj ñawpaqenpi kashan, chay velomanta jawaman, noqaj ñawpaqeypi tuta p'unchay k'anchananpaj. Kay kamachisqayqa israelitakunapaj, mirayninkupajwan ima wiñaypaj kanqa.

Éxodo 27:21 Kruisverwysings

Génesis 1:5

Suticharqataj k'anchaytaqa p'unchay, nispa. Laqhatataj suticharqa tuta, nispa. Ajinamanta ch'isiyaywan sut'iyaywan ñaupaj kaj día karqa.

Génesis 1:8

Chay jark'achinata yakuta iskayman t'aqajtaqa suticharqa janaj pachata. Ajinamanta ch'isiyaywan sut'iyaywan iskay kaj día karqa.

2 Crónicas 13:11

Paykunaqa uywasta ñak'aspa Señorpaj q'olachipunku paqarimpi, tardempipis, inciensostapis q'olachipullankutaj, llimphuchasqa mesaman churallankutaj Diospaj t'antata, sapa tardetaj jap'ichinku k'anchanasta, qorimanta ruwasqa k'anchanapi k'anchanampaj. Imaraykuchus noqaykoqa Señor Diosniykoj nisqasninta junt'ayku. Qankunataj paytaqa saqerparinkichej.

Salmos 134:1

Jakuchej Señorta tukuy kasojkuna, tukuyniykichej payta yupaychaychej, mayqenkunachus Diosta yupaychana wasipi kankichej sapa ch'isi chaykuna.

Éxodo 12:14

Chay diaqa qankunapaj kanqa yuyarikunaykichejpaj. Chayta ruwankichej qankunaj mitaykichejpi sumaj qhochukuta Señorpaj. Chay qhochukuta churanoqankichej wiñaypaj.

Éxodo 16:34

Aaronqa chayta kikinta ruwarqa, jinaspataj Señorpa ñaupaqenman churarqa, maypichus ley karqa chayman, jallch'asqa kanampaj, imaynatachus Señorqa Moisesman kamachisqanman jina.

Éxodo 25:16

Cajón ukhuman churanki qosqayki chay leyniyta.

Éxodo 28:43

Chay p'achasta churarakuspa Aarón, jinallataj wawasnimpis Diospaj tiyakunan toldoman yaykonqanku, chayri altarman qayllaykunankupaj rikuchikusta jaywanankupaj Diospaj t'aqasqa cheqapi, ama juchallikunankupaj, amataj wañunankupaj. Kay leyqa unaypajpuni kanqa, jinallataj mirayninkupajpis.

Éxodo 29:28

Chay t'asqasqataj kanqa Aarompaj wawasnimpajwan. Chayqa ley israelitaspaj wiñaypaj. Chay ofrendata qospaqa israelitas ruwanqanku uj yanapata, uj allinyakuna rikuchinkuta Señorman qospa.

Éxodo 29:42

Kay ruphachisqa ofrendaqa ñaupaqeypi noqaman jaywasqapuni kanqa wiñaypaj, tinkuna toldo punkupi, maypichus tinkukusunchej parlasunaypaj.

Éxodo 29:44

Noqapaj t'aqasaj chay tinkukuna toldota, altarta ima. Chaymantaqa t'aqakapullasajtaj Aaronta, wawasnintawan; paykuna sacerdotesniy kanankupaj.

Éxodo 30:21

Ajinata chay yakuwan mayllakonqanku makisninkuta, chakisninkutawan ama wañunankupaj. Kay ruwanaqa kanqa uj ley jina wiñaypaj, chayta ruwanqa Aaronqa jinallataj wawasnimpis.

Éxodo 30:36

Wakinninta sumaj ñut'ituta kutanki, chaymantataj churanki Dioswan tinkukuna toldopi, Diospa leyninwan kaj cajompa ñaupaqenman, maypichus noqa qanwan tinkusaj chayman. Chay inciensoqa qankunapaj sumaj respetana kanqa.

Éxodo 30:8

Jinallataj ch'isiyaykuytapis k'anchachinasta jap'ichiytawan inciensota ruphachillanqataj. Kaytaqa Señorpa ñaupaqempi ruwanqankupuni, jinallataj qhepaman wiñaypaj mirayniykichej kajkunapis.

Éxodo 40:3

Chay ukhuman churaykunki Diospa leyninwan kaj cajonta, chaytataj velowan qhataykunki.

Levítico 16:34

Kay kamacheyqa wiñaypaj kanqa: Watapi uj kutita ruwankichej kay jinata juchasmanta perdonta tarinaykichejpaj, ima juchastachus israelitas ruwanqanku chaykunamanta. Kaykunaqa ruwakorqa imaynatachus Señorqa Moisesman kamachisqanman jina.

Levítico 17:7

Amaña jayk'ajpis rikuchikusninkuta jaywanqankuchu chay supaykunaman, mayqenkunatachus yupaychanku, mayqenkunanejtachus juchachakunku. Kay kamacheyqa wiñaypaj kanqa, qankunapaj, tukuy mirayniykichejpajpis.

Levítico 23:14

Ima p'unchaychus poqochisqasniykichejmanta Señorman rikuchikuta apanaykichejkamaqa, amaraj mikhunkichejchu t'antata, trigo jank'ata, nitaj llullu trigo espigastapis. Kay kamacheyqa wiñaypaj kanqa wawasniykichejpaj wawasninkama ruwanankupaj maypichá tiyakunkichej chaykunapi.

Levítico 23:21

Chay kikin diallapitaj qankunapis ruwankichej sumaj tantakuyta, chaypachataj ama imatapis ruwankichejchu. Kay kamacheyqa tukuy mirayniykichejpaj wiñaypaj kanqa, maypichá tiyakunkichej chaypi.

Levítico 24:3

Chay k'anchaykunata allinta Aaronqa ch'isiyaymanta sut'iyaykama, Señorpa ñaupaqempi k'anchanallankupajpuni, Dioswan parlana toldopi, Diospa tratonwan kaj cajón qayllapi, velomanta jawapi. Kay kamacheyqa tukuy mirayniykichejpaj wiñaypaj kanqa.

Levítico 24:9

Kay t'antasqa Aaronmpata wawasnimpatawampuni kashan. Chanta chaykunata paykuna mikhukapunanku tiyan, Diospaj nisqa llimphu cheqapi. Ofrendasqa Señorpaj ruphachisqasmantaqa aswan sumajpuni kayqa.

Levítico 3:17

Kayqa ley jina unaypaj churasqa sapa kuti ruwanapaj miraymanta miraykama kanampaj. Maypichá tiyakunkichej chaypi amapuni wirata, nitaj yawartapis mikhunkichejchu.

Levítico 3:8

Chay rikuchikuta Señorman apamojqa makinta churanqa chay uywaj umanman, Dioswan tinkukuna toldo punkupitaj ñak'anqa. Sacerdotestaj chay uywaj yawarninwan ch'ajchumonqanku chay altar patasta, tukuy muyuyninta ima.

Levítico 6:15

Ujnin kaj sacerdotetaj aceiteyoj k'ispiña jak'uta, inciensota ima altarpi ruphachenqa yuyarikunapaj rikuchikuta jina. Chay rikuchikoj q'apaynenqa Señorpaj allin kanqa.

Levítico 7:36

Chayta Señorqa Israelitasta kamacherqa, sacerdotespaj t'aqasqas kasqankumantapacha chay imasta qonankupaj. Kayqa kamachisqa karqa junt'anankupaj tukuy miraykuna wiñaypaj.

Malaquías 2:7

Sacerdotesqa runasman yachachinanku tiyan noqata rejsinawankuta; tukuy runastaj sacerdotesman rinanku, sumaj yachachiyta yachaqanankupaj, imaraykuchus sacerdotes kanku Tukuy Atiyniyoj Señorpa kachasqasnin.

Números 18:23

Levitaslla Dioswan tinkukuna toldoman qayllaspa imatapis ruwanqanku, paykuna cuentoyoj kanqanku ima juchatachus ruwasqasninkumanta; kay leyqa wiñaypaj kanqa mirayniykichejnintimpaj. Ajinamanta levitasqa israelitas ukhupi mana jallp'ayojchu kanqanku.

Números 18:5

Qankunalla cuentayoj kankichej Diospa tiyakunampi imaschus kashan chaykunamanta, altarmantawan. Ajinamanta manaña phiñakusajchu israelitaswan.

Números 19:21

Kay leyqa wiñaypaj churasqa kanqa. Pichus llimphuchakuy yakuwan wajta ch'ajchojqa p'achasninta t'ajsakunan tiyan. Jinallataj chay yakuta llankhajpis ch'isiyanankama ch'ichipaj qhawasqa kanqa.

Números 35:29

Chay leyqa qankunapaj kanqa, tukuy mirayniykichejpajwan, mayllapipis tiyakusqaykichejpi.

Números 8:9

Ajina kajtintaj levitasta qayllachinki Dioswan tinkukuna toldoj ñaupaqenman, jinallataj tukuynin israelitaspis tantakuchunku.

San Mateo 4:16

Laqhapi tiyakoj runas rikorqanku uj jatun k'anchayta. Wañuy llanthu cheqapi tiyakojkunamampis uj k'anchay paqarimorqa.

San Lucas 12:35

Chumpisniykichej mat'isqas kachunku, k'anchanasniykichejpis jap'ichisqas.

San Juan 5:35

Juanqa uj k'anchana jina larwasharqa, k'ancharqataj; qankunataj chay k'anchaynimpi pisi tiempota kusikuyta munarqankichej.

2 Corintios 4:6

Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.

2 Pedro 1:19

Tiyapullawanchejtaj profetaspa mana chinkaj escribisqasninku. Chay palabrasta uyarispataj allinta ruwankichej; imaynatachus uj k'anchay laqhapi sut'iyanankama k'anchan, ajinata; paqariy ch'aska jinataj sonqoykichejpi k'ancharinankama.

Apocalipsis 2:1

Efeso iglesiaj angelninman escribiy: Kayta nin paña makimpi qanchis qoyllurkunata jap'ej, pichus chay qanchis qori k'anchachinas chaupipi purin chay:

1 Samuel 3:3

Chaypacha Samuelqa Señorta yupaychana wasipi puñusharqa, Diospa cajonnin kasharqa chaynejpi; Diospa k'anchanampis k'anchashallarqapuni.

1 Samuel 30:25

Chaymantapacha Israel ukhupeqa kunankama ajinata ruwanku.