Éxodo 24:8 - Qheshwa Biblia DC

⁸ Moisestaj yawarta jap'iytawan runaspa patasninman ch'ajchorqa, nispa: Kay yawarqa Señorwan uj tratota ruwasqaykichejmanta, qankuna kay palabrasta Señorman nisqaykichejrayku, nispa.

DIOSPA QHELQACHISQAN DEUTEROCANONICAL

⁸ Chantá Moisés yawarta jap'iytawan, runakunata ch'ajchuspa, nerqa: Kay yawarwanmin Tata Diosqa qankunawan trato ruwasqanta sut'inchan, tukuy kay nisqaman jina, nispa.

DIOSPA QHELQACHISQ

⁸ Chantá Moisés yawarta jap'iytawan, runakunata ch'ajchuspa, nerqa: Kay yawarwanmin Tata Diosqa qankunawan trato ruwasqanta sut'inchan, tukuy kay nisqaman jina, nispa.

Éxodo 24:8 Kruisverwysings

1 Reyes 8:21

Chaypitaj uj cheqata wakichini Señorpa trato ruwasqa cajonnimpaj, chaypitaj kashan ñaupa tatasninchejwan Diospa trato ruwasqan, Egiptomanta llojsimorqanku chaypacha.

1 Reyes 8:9

Chay trato cajompeqa p'alqayoj p'alta rumilla kasharqa Horebpi Moisespa churasqan, chayqa karqa israelitaswan Diospa trato ruwasqan egiptomanta llojsimushajtinku.

Salmos 78:36

Qallunkuwan, siminkuwantaj, k'acha llullakuykunasta nej kanku.

Éxodo 24:6

Moisestaj chay uywaspa wakin yawarninta jap'erqa, jatuchaj vasospitaj jallch'arqa. Khuskan yawarwantaj chay altar ruwasqanta ch'ajchorqa.

Isaías 52:15

Ajinallataj paymanta tukuy nacionesqa mancharikonqanku, reyesqa paypa ñaupaqempi mana parlariyta atenqankuchu, imaraykuchus paykunaqa rikonqanku mana jayk'aj rikusqankuta, manataj jayk'ajpis uyarisqankuta.

Jeremías 31:32

Kay mosoj tratoqa mana chay ñaupa tatasninkuwan ruwarqani jinachu kanqa, mayk'ajchus Egiptomanta makinkumanta jap'ispa orqhomorqani chaypacha, imaraykuchus paykunawan trato ruwasqayta mana junt'arqankuchu noqa dueñonku kashajtiy. Noqa Señor chayta nini.

Ezequiel 16:8

Maypichus kasharqanki chayninta ujtawan pasallarqanitaj, chaypachataj qhawarerqayki, munakunapaj jina kasharqanki. P'achaywantaj tukuy q'ala ukhuykita qhataykorqayki. Qanta parlapayarqayki, uj tratota qanwan ruwarqani, noqajtataj karqanki. Noqa Señormin chaytaqa nini.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Levítico 8:30

Chaymanta Moisesqa t'aqasqa jawina aceitemanta, altar patapi kasharqa chay yawartawan oqharerqa. Chaymantataj Aaronman wawasninmanwan ch'ajchuykorqa, tukuyninkoj sacerdote p'achasninkutawan. Ajinata Moisesqa Señorpaj t'aqarqa, Aaronta, wawasninta, tukuyninkoj sacerdote p'achasninkutawan.

Hageo 2:5

Imaynatachus Egiptomanta llojsimushajtiykichej, qankunawan tratota ruwarqani, chayman jina Espírituy qankunawan kanqa. Ama manchachikuychejchu.

Zacarías 9:11

Kayta nin Señor: Jerusalén, yawarniykipi tratoykirayku, ch'aki pujyumanta wijch'usqa, chay presosniykita noqa orqhosaj.

San Mateo 26:28

Kayqa [mosoj] tratomanta yawarniy, chaytaj jich'asqa kanqa, ashkha runaspa juchasnin pampachasqa kanampaj.

Marcos 14:24

Jesustaj paykunaman nerqa: Kaymin yawarneyqa [mosoj] tratomanta; chay yawartaj ashkha runarayku jich'asqa kanqa.

San Lucas 22:20

Jinallatataj, cenaytawankama copata oqharispa nerqa: Kay copaqa yawarniypi mosoj tratomin, qankunarayku jich'asqa kanqa.

1 Corintios 11:25

Ajinallatataj cenaytawankama, copata jap'ispa nerqa: Kay copaqa mosoj tratomin, yawarniypi ruwasqa; sapa kuti ujyaspa, Señormanta yuyarikuspa ruwankichej.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

Deuteronomio 5:2

Señor Diosninchej noqanchejwan Horeb orqopi uj tratota ruwarqa.

Hebreos 10:29

Mashkhatawanraj yuyankichej jasut'isqa kananta chay runa Diospa Churinta saroj, yawar tratontataj millay nej, chaypitaj llimphuchasqa karqa, khuyakoj Espiritupajtaj rimarqa?

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

Josué 24:25

Chay kikimpacha Josueqa Siquem nisqapi israelitaswan uj tratota ruwarqa, chaypitaj qorqa kamachiykunata, leyesta ima.

1 Pedro 1:2

Qankunata Dios Tata ajllakorqa ñaupajmantapacha yuyasqanman jina, Santo Espiritunejta llimphuchaspa, Jesucristota kasunaykichejpaj, yawarninwantaj ch'ajchusqas kanaykichejpaj. Khuyakuy, sonqo tiyasqa kayta, qankunapi yapakuchun.