Éxodo 20:3 - Qheshwa Biblia DC

³ Noqamanta astawan waj dioskunataqa ama yupaychankichu.

DIOSPA QHELQACHISQAN DEUTEROCANONICAL

³ Noqamanta jawa ama waj dioskuna kapusuchunchu.

DIOSPA QHELQACHISQ

³ Noqamanta jawa ama waj dioskuna kapusuchunchu.

Éxodo 20:3 Kruisverwysings

1 Reyes 11:4

Salomón machu runaña kashajtintaj, warmisnenqa waj dioskunaman sonqonta kutiricherqanku, ajinamanta sonqonqa mana cheqanchu karqa Señor Diosnimpajqa, imaynachus tatan Davidpa sonqon cheqan karqa ajinataqa.

Salmos 29:2

Señorpa jatun sutinta yupaychaychej, k'acha wasimpitaj Señorman qonqorikuychej.

Salmos 73:25

Piniytaj janaj pachapi kapuwanri? Qanlla. Qanwan kaspaqa kay pachapi mana imatapis munaniñachu.

Salmos 81:10

Noqa Señor Diosniykichej kani. Noqa orqhorqaykichej Egipto jallp'amanta. Simiykita kichariy, noqataj, munayniykita junt'asaj.

Salmos 81:9

Ama waj dioskunayojqa kaychejchu. Ama waj dioskunataqa yupaychaychejchu.

Éxodo 15:11

Ay, Señor, pitaj qan jinari, dioskunaj chaupimpiri? Ni pipis qan jina llimphu santo kanchu. May jina t'ukuna imasta ruwanki, mana yuyay atinasta, musphanapaj jina.

Éxodo 20:23

Noqaj ñaupaqeypi ama lantista ruwankichejchu qolqemanta, nitaj qorimantapis, chaykunatapis yupaychanaykichejpaj.

Éxodo 22:19

Pikunachus uywaswan qhenchachakonqanku chaykunapis wañonqanku.

Éxodo 23:24

Ama chay runas jina imatachus ruwayta yachasqankutapis ruwankichu, ama dioskunasninkuman qonqorikunkichu yupaychanaykipaj, manachayqa tukuyninta chinkachinki mana ujniyojta, jinamanta chay lantisninkuta chay yupaychana rumisninkutapis t'unaranki.

Éxodo 32:8

Paykunaqa usqhayllata t'aqarpayakunku ima ñantachus noqa nerqani rinankuta chaymanta. Qorimanta unuyachispa ruwakunku uj waka uñata. Chayta paykunaqa yupaychashanku rikuchikusta jaywaspa, nispataj: “Israelitas, kayqa diosniykichej, pichus Egipto jallp'amanta orqhomusorqachej, chay”, nispa.

Éxodo 34:14

Amapuni ni mayqen diosninkuman k'umuykuspa yupaychankichu, imaraykuchus Señorpa sutenqa may manchachikunamin, Diosqa may celoso.

Isaías 26:4

Wiñaypaj Señorllapipuni atienekuychej, imaraykuchus payllamin wiñaypaj pakakunanchejqa.

Isaías 42:8

Noqaj suteyqa Señor. Wajkunamanqa mana atiyniyta qosajchu; nitaj yupaychasqa kayniytapis lantismanqa qosajchu.

Isaías 43:10

Señorqa cheqamanta nin: Qankuna noqamanta sut'inchajkuna kankichej, noqaj ajllakusqasniy kamachisniy, noqata rejsikunawaykichejpaj, atienekunawaykichejpajtaj, pichus noqa kasqayta allinta unanchanaykichejpaj. Noqamanta ñaupajtaqa mana ima diospis karqachu, manataj qhepamampis waj dios kanqachu.

Isaías 44:8

Qankunaqa ama iskayrayaychejchu, amataj manchachikuychejchu. Noqaqa unaymantapachaña uyaricherqaykichej, nerqaykichejtaj imachus kananta. Chaymanta qankunaqa mana llullakuwajchejchu. Noqamanta astawan waj diosqa manapuni kanchu; mana waj pakakunaqa kanchu; manapuni pitapis rejsinichu.

Isaías 46:9

Yuyarikuychej ari ñaupamantapacha imaschus kasqanta. Noqalla Diosqa kani. Noqamanta astawan waj mana kanchu, manataj kanchu ujllapis noqaman rijch'akojqa.

Jeremías 25:6

Ama waj dioskunata qhatiychejchu, ama jatunchaychejchu, amataj yupaychaychejchu. Ama Señortaqa phiñachiychejchu. Qankuna kikiykichej ruwakunkichej chay dioskunata yupaychaspa, manataj sajra kajtapis chayachimusonqachejchu.

Jeremías 35:15

Kamacherqaykichej qhepampi qhepampi, tukuy kamachisniy profetasta ninasuykichejpaj: Jucha ruwaykunasta, millay ruwaykunastapis saqeychej. Ama waj dioskunaj qhepanta ripuychejchu, nillataj yupaychaychejchu, jinamanta qankunaman, jinataj ñaupa tatasniykichejmampis qosqay jallp'api tiyakullankichejpuni. Jinapis qankunaqa mana kasuwarqankichejchu, nitaj nisqasniyta junt'arqankichejchu.

Jeremías 7:9

Qankunaqa suwankichej, wañuchinkichej, qhenchachakunkichej, manakajmanta jurankichej, Baalkunasman inciensota q'osñichinkichej. Qankunaqa mana rejsisqa lantista yupaychankichej.

Daniel (hebreo) 3:18

Mana salvawaykuman chaypis, yachay allinta reyniyku, manapuni dioskunasniykitaqa yupaychaykumanchu, nitaj qonqorikusqaykuchu, qorimanta ruwasqa chay lantiykimampis.

Oseas 13:4

Señor nin: Noqa Señor Diosniyki kani Egiptopi kasqaykimantapacha: Ama pitapis Diosniykipaj jina rejsiychu manachayqa noqallata, noqallamin salvajniykeqa kani.

San Mateo 4:10

Chaypacha Jesús kuticherqa: Riy kaymanta Satanás! Escribisqa kashan: Señor Diosniykita yupaychanki, pay sapallantataj sirvinki.

1 Corintios 8:4

Chay mikhunata lantikunaman jaywasqamantaqa, yachanchej jina, lanteqa mana imachu kay pachapeqa. Yachallanchejtaj uj k'ata Dioslla kasqanta.

1 Corintios 8:6

Noqanchejpajqa uj Dioslla, Tatanchej. Paymanta tukuy ima jamun, noqanchejtaj paypata kanchej; uj kamachejlla, chaytaj Jesucristo. Paynejtataj tukuy imas ruwasqas kanku. Noqanchejpis paynejta kanchej.

Efesios 5:5

Kayta yachaychej: Qhenchachakojqa, ch'ichi imasta ruwajqa, lantita yupaychajman rijch'akoj mich'a kajpis, mana chayaqeta jap'enqankuchu Cristojtawan, Diospatawan reinonkupi.

Deuteronomio 5:7

Noqamanta astawan waj dioskunataqa ama yupaychankichu.

Deuteronomio 6:14

Qayllaykichejpi llajtaspa lantisninkuta amapuni yupaychankichejchu.

Deuteronomio 6:5

Munakuy Señor Diosniykita tukuy sonqoykiwan, tukuy almaykiwan, tukuy kallpaykiwantaj.

Filipenses 3:19

Paykunaj tukukuynenqa wañuy, diosninkutaj wijsanku. P'enqaykunata ruwaspa kusikunku. Paykunaqa kay pachapi kajkunallata mask'ashanku.

Colosenses 2:18

Ama pipis t'inkaykichejta qhechusuchunchu llamp'u sonqoman tukuspa, angelestataj yupaychaspa. Paykunaqa mana rikusqallankuman sat'ikunku, qhasi mana kajta runaykachankutaj sajra yuyayninkuman jina.

Apocalipsis 19:10

Noqataj chakisninman urmarqani payta yupaychanaypaj. Paytaj niwarqa: Qhawakuy, ama chayta ruwaychu. Noqa kamachi masiyki kani, hermanosniykejtapis, pikunachus Jesuspa willayninta jap'inku, chaykunajta. Diosta yupaychay. Jesuspa willaynenqa Diosmanta sut'inchanaj espiritunmin.

Apocalipsis 22:9

Paytaj niwarqa: Qhawakuy, ama chayta ruwaychu. Noqaqa kamachi masiyki kani, hermanosniyki profetaspata, kay libroj palabrasninta waqaychajkunajta ima. Diosllata yupaychay.

Jueces 6:10

Nerqaykichejtaj qankunaman, noqa kasqayta qankunaj Señor Diosniykichej, manataj manchachikunaykichejta amorreospa dioskunasninkumanta, kunampis paykunaj jallp'ankupi kashankichej, chaywampis qankunaqa mana kasuwarqankichejchu.