Éxodo 20:1 - Qheshwa Biblia DC

¹ Diosqa kay tukuy palabrasta parlamorqa, ajinata nispa:

DIOSPA QHELQACHISQAN DEUTEROCANONICAL

¹ Chantá Dios parlaspa, kay kamachisqakunata israelitakunaman rejsicherqa:

DIOSPA QHELQACHISQ

¹ Chantá Dios parlaspa, kay kamachisqakunata israelitakunaman rejsicherqa:

Éxodo 20:1 Kruisverwysings

Nehemías 9:13

Chaymantataj Sinaí orqoman uraykamorqanki, janaj pachamantataj paykunawan parlamorqanki. Cheqan kamachiykunastataj qorqanki, cheqan yachachiykunasta, leyesta, sumachaj kaj kamachiykunasta ima.

Éxodo 19:25

Chaymanta Moisesqa uraykorqa, runasmantaj kikillantataj willamorqa.

Éxodo 20:2

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Hechos 7:38

Kay Moisesqa israelitaswan tatasqa ch'in pampapi karqa. Paytaj Sinaí orqopi parlarqa angelwan, tatasninchejwan ima. Kay Moisesllataj Diosmanta jap'erqa kausay palabrasta, noqanchejman qonawanchejpaj.

Hechos 7:53

Qankunaqa leyta jap'erqankichej angelesnejta, manataj waqaycharqankichejchu.

Deuteronomio 10:4

Señortaj chay p'alta palqayoj rumiman qelqarqa chay chunka kamachiykunasta, orqopi kashaspa nina chaupimanta parlamusorqachej chaykunata, nina chaupimanta tukuyninchej tantasqa kashajtinchej. Chaymantataj chay rumita qowarqa.

Deuteronomio 4:33

Karqachu ima nacionllapis Diospa parlamusqanta nina chaupimanta uyarej, chay imasta uyarispataj qankuna jina mana wañojqa?

Deuteronomio 4:36

Payqa janaj pachamantapacha parlasqanta uyarichisorqachej yachachisunaykichejpaj. Kay jallp'a patapitaj atiyniyoj ninanta rikuchisorqachej. Nina chaupimantataj palabrasninta uyarinkichej.

Deuteronomio 5:22

Kay palabrastaqa Señorqa nerqa orqopi jatunmanta nina chaupimanta, laqha phuyu ukhumanta, tukuyninku orqo k'uchupi tantasqa kashajtinku. Chaymantaqa manaña imatapis nerqachu; chay palabrastataj uj palqayoj p'alta rumipi qelqarqa, chaytataj noqaman jaywawarqa.

Deuteronomio 5:4

Señorqa orqopi nina chaupimanta uyapura parlapayamusorqachej.

Deuteronomio 5:6

Noqa Señor Diosniyki kani, Egiptomanta orqhomorqayki, kamachillapuni kanaykimanta.