Éxodo 17:7 - Qheshwa Biblia DC

⁷ Chaymantaqa chay cheqata suticharqa Meribata, chaypi israelitas Moisespaj rimasqankurayku. Chantaqa sutichallarqataj Masahta imaraykuchus kaypi Diosta probanku, nispa: Noqanchejwanchu Señorqa kashan manachu?

DIOSPA QHELQACHISQAN DEUTEROCANONICAL

⁷ Chantá chaynejta “Meriba” sutiwan suticharqa, chaypi israelitakuna Moisespaj rimasqankurayku. Jinallataj chay cheqata sutichallarqataj “Masah”, nispa. Ajinata suticharqa, imaraykuchus chaypi Tata Diosmanta iskayrayarqanku: Noqanchejwanchu Tata Dios kashan, manachu? nispa.

DIOSPA QHELQACHISQ

⁷ Chantá chaynejta “Meriba” sutiwan suticharqa, chaypi israelitakuna Moisespaj rimasqankurayku. Jinallataj chay cheqata sutichallarqataj “Masah”, nispa. Ajinata suticharqa, imaraykuchus chaypi Tata Diosmanta iskayrayarqanku: Noqanchejwanchu Tata Dios kashan, manachu? nispa.

Éxodo 17:7 Kruisverwysings

Salmos 106:32

Watejmanta paykunaqa Meriba yaku chimpapi Diosta phiñachillarqankutaj, paykunaraykutaj Moisespaj mana allinchu karqa.

Salmos 78:18

Diosta sonqonkupi tentarqanku, munayninkuman jina mikhunata mañaspa.

Salmos 81:7

Llakiyniykipi wajyawarqanki, noqataj librarqayki, qhon qhon phuyu ukhumanta kutichimorqayki. Meriba yaku chimpapi probarqayki.

Salmos 81:8

Uyariy, ayllúy, kay k'amisusqayta, Israel, allin kanman kasunawaykeqa.

Salmos 95:8

Ama Meribapi jinaqa sonqoykichejta rumiyachiychejchu, chay p'unchaypi jina, Masahpi, chay ch'in pampapi.

Éxodo 17:2

Israelitasqa phiñarikuspa Moisesman nerqanku: Yakuta qowayku ujyanaykupaj, nispa. Moisestaj paykunaman nerqa: Imaraykutaj phiñakuspa noqamanta yakuta mañakushawankichejri? Imaraykutaj Señorta pantachiyta munankichejri?

Isaías 12:6

Siompi tiyakojkuna kusiywan takiychej, imaraykuchus Israelpa Santo Diosnenqa qankunaj chaupiykichejpi kashan, tukuy jatun kayninwan.

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Números 14:22

Egiptopi, kay ch'in pampaspipis ashkha milagro ruwasqasniytapis rikullankutaj. Kay ch'in pampaspi chunka kutitaña noqaj contrayta oqharikunku, kamachisqasniyta mana kasuwayta munankuchu.

Números 20:13

Kaymin chay Meriba juturi, maypichus israelitas Señorpa contranta rimarqanku chay. Señortaj may atiyniyoj Dios kasqanta rikuchikun.

Números 20:24

Aaronqa wañuponqa, mana yaykonqachu ima jallp'atachus israelitasman qosqaykichej nerqani chayman, qankunaqa kamachisqasniyta mana kasuwankichejchu Meriba nisqapi juturi yaku cantopi kashaspa.

Números 27:14

Qankunaqa iskayniykichej sutiyta mana jatuncharqankichejchu kamachisqasniyta mana kasuwaspa israelitaspa ñaupaqempi, Zin ch'in pampapi yakuta mañakuspa contrayta rimashajtinku. Kay yakoqa Meriba nisqa cheqapi karqa Zin ch'in pampapi.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

Deuteronomio 31:17

Chayrayku sinch'i phiñakuyneyqa paykunaj contranta k'ajarenqa. Paykunataqa saqerparisaj, mana qhawarisajchu ni ima kashajtimpis. Chay chhika nanaykuna, llakiykuna ima patankuman jamojtintaj, paykuna nenqanku: Manachu kay llakiykunaqa jamuwanchej manaña Diosninchej kasqanrayku?

Deuteronomio 33:8

Levimantataj nerqa: Señor, qampata kanku Tumimwan, Urimwan; chaykunawan ajllasqa runasniykinejta, munayniykita rikuchinaykipaj. Paykunataqa Masah sutiyoj cheqapi pruebaman churarqanki. Paykunawan Meriba yaku cantopi phiñanakorqanki.

Deuteronomio 6:16

Señor Diosniykichejpa contranta amapuni imatapis ruwankichejchu, Masah llajtapi ruwarqankichej jinataqa.

Deuteronomio 9:22

Chaymantaqa Taberapi, Masahpi, Qibrot-hataavapi ima Señorta phiñacherqankichej.

Josué 22:31

Sacerdote Eleazarpa wawan Fineestaj paykunaman nerqa: Kunanqa allinta yachayku Señorqa noqaykuwan kashasqanta, imaraykuchus qankunaqa mana Señorpa contrantachu ruwayta munarqankichej, ajinamanta kunanqa Señor mana jasut'iwasqaykuchu.